وزارة المفروض

للحوار حول أى موضوع عام لايناسب أقسام النقاش الأخرى.

المشرفون: محمد محمود،المهاجر

أضف رد جديد
oshen
أكاديمى فعال
أكاديمى فعال
مشاركات: 53
اشترك في: 26 إبريل 2009, 1:15 am
Real Name: اوشين الخطيب
Favorite Quote: احلم معايا ببكره ولو مجاش احنا نجيبه بنفسنا

وزارة المفروض

مشاركة بواسطة oshen »

وزاره المفروض[/CENTER ALIGN]
فى البداية احب اعرفكم بنفسى انا دعاء كاتبه مبتدئه بس انا بعشق الكتابه والقراءه وخصوصا لو كانت قصص رعب او رومانسي او فيها شويه قتل وجرائم.
(معلومه انا فى الاصل كليه حقوق يعنى منبع الجرائم والعدل)
ودلوقتى اقدر ابداء كلامى واعرفكم بتفكيرى واختلافى مع اراء الناس ويمكن اتفاقى معاهم. .........هسيبكم انتوا اللى تحكموا.................
وزارة المفروض طبعا كلكم بتسالوا يعنى ايه وزارة المفروض.وهو اصلا فى حاجه اسمها كده ولا دى اشتغاله من اشتغالات الشباب الجديد اللى بيقول انه بيعرف يكتب ويعبر عن اللى جواه. انا دلوقت هثبت ان مش معنى اننا شباب يبقى احنا فاشلين وزمنا اسود زى ماانتوا مابتقولوا ديما علينا بل بالعكس احنا زمنا جميل واحنا هنخليه اجمل.فى ناس هتقول علي دلوقت انى بحلم بالمدينه الفاضله.وانا هقولهم انا مش بحلم لانى فعلا عشت فيها.وكبرت فيها وبروحها اتكونت شخصيتى وبمبادئها اتعلمت يعنى ايه اعيش واذاى اعيش حياة سليمه فكريا واسريا .
انا مش عايزه اطول عليكم بكلامى .انا بس بوضح اللى جاى لان البداية هى مفتاح النهاية .واذا المفتاح ضاع يبقى النهاية هتفضل ديما مجهوله وانا زى مابحب المجهول بحب برده المعلوم والحاجات الواضحه .ودلوقت جه وقتكم انكم تقروا اللى انا سميته وزارة المفروض وبنفسكم تقرروا ......................
الفصل نص الاول
ماده 1 من دستور وزارة المفروض تنص على
الفقره الاولى
المفروض ان كل التلاميذ خريجى المرحله الابتدائية والاعدادية يتخرجوا وهما عارفين تاريخ بلدهم وكمان عارفين اذاى يحبوها واذاى يعمروا بلدهم وان بيهم البلد هتكبر وتتقدم وتوصل لاعلى المكانات وان من غيرهم البلد لاتساوى شئ وانه اساس ودعامه المستقبل فمن ليس عنده شباب ليس عنده غد مشرق
الاستثناء
اللى مش مفروض ان التلاميذ خريجى المرحلة الابتدائية والاعدادية بيتخرجوا وهما مش عارفين مصر اتكونت اذاى.
اللى مش مفروض ان التلاميذ بيذكروا عشان ينجحوا واول مايعدوا باب الخلاص وهو طبعا باب اللجنه مش بيكونوا فاكرين هما امتحنوا ايه اساسا ولا ايه اللى كتبوا فى ورقه النهاية (نهايه السنه طبعا).
الفقره الثانيه
المفروض ان كل الطلاب والطالبات خريجى المرحله الثانويه يكونوا على درجه عاليه من الفهم والذكاء وعلى قدر عالى من التحصيل للمواد الدراسيه والاساليب الحديثه والعلميه اللى هتساعدهم انهم يكملوا حياتهم على اساس سليم
المفروض ان الطلاب والطالبات خريجى المرحله الثانويه يكونوا من اوائل الجمهوريه اى حاصلين على درجات تجعل مصر فخوره بيهم وسط الدول الاخرى
المفروض ان الطلاب والطالبات خريجى الثانويه العامه يحصلوا على منح مجانيه تعليميه فى اكبر جامعات العالم
الاستثناء
اللى مش مفروض ان الطلاب والطالبات خريجى المرحله الثانويه بيكونوا على درجه عاليه من الجهل والتخلف العلمى والعملى ولا يفقهوا شى مما درسوا طوال اعوام ولا يعرفوا معنى كلمه تقدم ولا اساليب حديثه
اللى مش مفروض ان الطلاب والطالبات خريجى الثانويه العامه بالفعل من اوائل الجمهوريه ولكن بالعكس (امسك الكشف بالمقلوب). هتلاقى مهازل الثانويه العامه
اللى مش مفروض ان مصر بتستعر من طلابها وسط جامعات العالم دى حتى مصر ملهاش ترتيب وسط جامعات العالم سواء المتقدم او المتخلف
اللى مش مفروض ان الطلاب بيصرفوا كل مليم فى جيوبهم عشان يكملوا دراسه مع العلم(ان التعليم فى مصر مجانى ازاى متسالنيش).دى حتى الملاليم زمنها انتهى.
اللى مش مفروض ان لما واحد يحصل على منحه كانه حصل على دواء واكل نضيف مش ملوث.تلاقى الناس كلها باصه عليه وبتحسده على .ايه معرفش.
ده اول مقال ليا انا حتى مش عارفه اذا كان مقال ولا ايه
اتمنى انه يعجبكم مسنيه رايكم
المجموعه القصصيه اعذرينى ومخاوف اخرى حاليا فى الاسواق داخل العدد ارض الظلال من تاليفى
صورة العضو الرمزية
dr asmaa
أكاديمى نشيط
أكاديمى نشيط
مشاركات: 123
اشترك في: 04 نوفمبر 2009, 8:18 pm
Real Name: أسماء مصطفى
Favorite Quote: اللهم أسترنا فوق الأرض وتحت الأرض ويوم العرض عليك
verification: ID verified and trusted writer
مكان: الإسكندرية
اتصال:

Re: وزارة المفروض

مشاركة بواسطة dr asmaa »

اوشين

كتبتى عن المفووووووووروض وإللى مش مفروض

احنا والحمد لله ما حصلناش لا مفروض ولا مش مفروض

أنا مش متشاقمة بس أنت أكلمتى على فئة معينة من الناس سواء مفروض أو مش مفروض فهى

أحسن بكتييييييييير من فأت لا طالت هذا ولا ذالك

يعنى أكلمتى على الطلبة والحالة إللى وصلوا ليها

طب فيه فأت أخرى مش قادرة أصلا تبقة طلبه عشان طبعا مجانية التعليم المزعومة

ده فيه أساسا ناس مش لاقيه بيت ولا لقمة عيش ولا حتى حبة ماء

يبقى دول حيعرفوا مفروض ولا مش مفروض

ربنا يعنا ويعينك على تكملة باقى أجزاء وزارتك العصماء

فى أنتظار باقى حكايات وزارتك
أضف رد جديد

العودة إلى ”المناقشات العامة“