أتتحدث العربية بطلاقة ؟؟

[Ghadat2009]

لماذا لانتحدث هنا في الأكاديمية باللغة العربية الفصحى ؟
لتكن ردودنا بها ... ما المانع ؟ لماذا نتحدث بالعامية في منتدى أدبي ؟
و اذا كان هذا صعبا ! فلم لا نخصص يوم في الأسبوع و ليكن ( الجمعة او السبت ) نمتنع فيه تماما عن التحدث بالعامية ! و نستخدم في كل المواضيع و الردود لغة عربية فصحى ؟
لم لا يكون هذا تدريبا لنا جميعا .. و تحسينا لمفرداتنا ؟ ما رأيكم ؟

[لارا]

فكره غريبه وحلوه ومثاليه اوى فى نفس الوقت.انا عن نفسى مش هقدر اجمع كلمتين على بعض بالغه العربيه لفصحى.ودى بقى غلطه من غلطات وزاره التربيه والتعليم .

[Ghadat2009]

فكره غريبه وحلوه ومثاليه اوى فى نفس الوقت.انا عن نفسى مش هقدر اجمع كلمتين على بعض بالغه العربيه لفصحى.ودى بقى غلطه من غلطات وزاره التربيه والتعليم .

ماهو دا قصدي .... يعني لو تحاولي تعبري عن نفسك باللغة العربية .. حتى لو أخطأتِ ..هتلاقي اللي ينبهك و يساعدك تتكلمي بيها بسلاسة و كمان مش لازم طول الوقت - مبدئيا نتكلم يوم احد بيها ...او حتى جزء من يوم !

[لارا]

ماشى نجرب . واكيد هنستفيد حتى لو كلمه.بس مشكلتى انى اصلا بغلط وانا بتكلم بالعاميه ساعات بقول الكلمه بالمشقلب.فهعمل ايه وانا بتكلم فصحى.
عموما انا موافقه على فكرتك اهو نحاول

[تنهيدة]

واللهى مش حتصدقى ياغادة أنا امبارح كنت بتكلم مع أخواتى فى نفس الموضوع ونزلة أجبلهم كلمات أزى بنقلها بالعامية وباللغة العربية بتتقال ازاى بس طبعا انا موافقه جدا بس اقتراحى أن يكون الكلام باللغة العربية فى أقسام الشعر والخواطر والقصص والروايات والمقالات لكن متهيألى فى الأقسام الا تحت حيكون صعب شوية ..
بس حقيقى لو حاولنا نرد ونعلق على مواضوعات بعض باللغة العربية أكيد حيفدنا كتير جداااا..بشكرك ياغادة على طرحك لموضوع مهم جدا وبتمنا لو يتحققوسأذهب الأن لأكون أول من يمارس التحدث بالغة العربية فى موقعنا الأدبى المتميز ..

[Ghadat2009]

ماشى نجرب . واكيد هنستفيد حتى لو كلمه.بس مشكلتى انى اصلا بغلط وانا بتكلم بالعاميه ساعات بقول الكلمه بالمشقلب.فهعمل ايه وانا بتكلم فصحى.
عموما انا موافقه على فكرتك اهو نحاول

لارا ! مادام بتغلطي في العامية كمان يبقى انتي من النوع المتسرع شوية
بس برافو عليكي للموافقة على الاقتراح ! و كلمة المحاولة حسستني كأنك بتقولي ( يكفيني شرف التجربة ) و ده شيء بجد رائع !

[Ghadat2009]

واللهى مش حتصدقى ياغادة أنا امبارح كنت بتكلم مع أخواتى فى نفس الموضوع ونزلة أجبلهم كلمات أزى بنقلها بالعامية وباللغة العربية بتتقال ازاى بس طبعا انا موافقه جدا بس اقتراحى أن يكون الكلام باللغة العربية فى أقسام الشعر والخواطر والقصص والروايات والمقالات لكن متهيألى فى الأقسام الا تحت حيكون صعب شوية ..
بس حقيقى لو حاولنا نرد ونعلق على مواضوعات بعض باللغة العربية أكيد حيفدنا كتير جداااا..بشكرك ياغادة على طرحك لموضوع مهم جدا وبتمنا لو يتحققوسأذهب الأن لأكون أول من يمارس التحدث بالغة العربية فى موقعنا الأدبى المتميز ..

استجابتك روعة بجد يا نهاد !ووجهة نظرك في التطبيق في أقسام الشعر و الخواطر و القصة في محلها و معاكي حق فيها
و أعتقد لو كنا جادين و مصرين على التعامل باللغة العربية حتى في الردود في الأقسام دي .. حنخلق جو مميز جدا و شديد الاحترام و هيبقى واجهة ممتازة للزوار .
و حماسك للتطبيق او المبادرة الآن ...يدعو للتصفبق بجد

[الأمير الحائر]

فكرة ممتازة ياغادة...ويمكن تلقائيا من دقايق أنا رديت على موضوعك بخصوص النقد..و لأنك كاتبة الأسألة بالفصحى لقيت نفسى تلقائى بأكتب ردى بالفصحى..مع إنى بقالى كتير لظروف شخصية مش عارف أجمع الكلمات وأرتبها فى أى عمل..حتى جزء الرواية كتبته بعد عناء وخدت وقت طويل جدا لتشتت ذهنى الأيام دى..لكن لما كتبتى أنتى بالفصحى أعتقد ده حمسنى تلقائيا أرد بالفصحى وكتبت بكل بساطة..وأعتقد الموضوع جاى فى وقت مناسب جدا بعد المشاكل اللى ضايقتنى فى ظل بعض الردود خفيفة الظل اللى تعدت مستوى العامية وتطرقت إلى مستوى " القهاوى " وأعتقد ده كان من أكبر الأسباب للمشاكل اللى حصلت وتنبيه إدارة الأكاديمية عليها
بكل المقاييس هى فكرة رائعة ياغادة وجميل إننا نعملها بإتفاق واضح...وممكن طبعا مؤقتا نطبقها فى القسم الأدبى من خواطر وقصص وأشعار فصحى...أو أى موضوع يتطلب إننا نتكلم فصحى...عشان اللى حتى مش بيعرف يكتب فصحى كويس بالتعود على قرائتها هيبتدى يتحسن فيها...
بحييكى ياغادة على الفكرة المناسبة فى الوقت المناسب...

[Ghadat2009]

فكرة ممتازة ياغادة...ويمكن تلقائيا من دقايق أنا رديت على موضوعك بخصوص النقد..و لأنك كاتبة الأسألة بالفصحى لقيت نفسى تلقائى بأكتب ردى بالفصحى..مع إنى بقالى كتير لظروف شخصية مش عارف أجمع الكلمات وأرتبها فى أى عمل..حتى جزء الرواية كتبته بعد عناء وخدت وقت طويل جدا لتشتت ذهنى الأيام دى..لكن لما كتبتى أنتى بالفصحى أعتقد ده حمسنى تلقائيا أرد بالفصحى وكتبت بكل بساطة..وأعتقد الموضوع جاى فى وقت مناسب جدا بعد المشاكل اللى ضايقتنى فى ظل بعض الردود خفيفة الظل اللى تعدت مستوى العامية وتطرقت إلى مستوى " القهاوى " وأعتقد ده كان من أكبر الأسباب للمشاكل اللى حصلت وتنبيه إدارة الأكاديمية عليها
بكل المقاييس هى فكرة رائعة ياغادة وجميل إننا نعملها بإتفاق واضح...وممكن طبعا مؤقتا نطبقها فى القسم الأدبى من خواطر وقصص وأشعار فصحى...أو أى موضوع يتطلب إننا نتكلم فصحى...عشان اللى حتى مش بيعرف يكتب فصحى كويس بالتعود على قرائتها هيبتدى يتحسن فيها...
بحييكى ياغادة على الفكرة المناسبة فى الوقت المناسب...

أنا فعلا كنت متضايقة من بعض أساليب الردود اللي أصبحت للأسف سوقية شوية ! و تحليلك ممتاز لسبب الاقتراح لأن اللغة العربية ترتقي بأسلوب حوار متحدثيها ... و كمان ده في صالح الأكاديمية و تميزها و رقيها ..وهيبقى تدريب جميل لكل الأعضاء ... و لو هيبقى تطبيقه صعب في الأول ..ممكن نبدأ بتخصيص ساعات يومية للغة العربية فقط.. نتفق عليها او يوم معين مبدئيا ( عشان نلتزم بجد !)
و لضيقك : لا تقل يارب ان همي كبير و لكن قل يا هم .. ان لي رب كبير ! فرج الله همك و أزال كربك انشاءالله

[dr_hope]

طبعا أنا لم أكتب عملا بالعامّية قط

إلى الآن ..

أقصى شيء أني أستخدم بعض الكلمات العامّية؛ لمناسبة بعض المواقف؛ في بعض الأحيان ..

ليه ؟؟ مش عارف ..

لكنّي لا أتخيّل الأدب أبدا بالعامية ..

طبعا مع احترام كل من يكتب بالعامية .. هناك من يكتب و يبدع ..

الفكرة ممتازة ؛ لكن تحتاج أبعاد تطبيقية أكتر من كده شوية ..

بالتوفيق إن شاء الله