ليه بترد على مواضيع غيرك ؟؟

[Ghadat2009]

1 - ليه بترد على مواضيع غيرك ؟؟

طبعا سؤال ..أو تساؤل غريب .. بس ليه صحيح؟

هل بتحس إنه واجب لازم تعمله؟ و لا فرصة لمجاملة أصدقاءك و اكتساب محبتهم ؟

و لا عشان زي ما بترد على مواضيعهم ...هم كمان يهتموا بالرد على مواضيعك ؟

و لا هواية عندك : أقصد التحليل أو التقد ؟

و لا بترد فعلا بحب و رغبة في اسعاد الآخرين ؟ أو إفادتهم بمعلوماتك ؟


2 - طيب ..بكل صراحة ...ليه بترد على مواضيع و تسيب مواضيع تانية ؟

تفتكر لو موضوع أو أسلوب عرض مش عاجبك ..إيه الأحسن : تسييبه من غير رد منك ..و لاّّ نحاول بأسلوبك تلفت نظر الكاتب لبعض الجوانب السلبية في موضوعه ..بدون اساءة أو تجريح ؟

3 - لما تعرض موضوع ... تحب كل الأعضاء يردوا عليه ؟ ليه؟

[المهاجر]

السلام عليكم

مش عارف انتوا ناويين على ايه يا غادة هو كدا دايما ان كيدهن عظيم مش هتستريحوا الا لما تولعوا العملية فى الاحزاب ولكن خبتم وخابت ظنونكم حزب البنات فنحن على الدرب سائرون


بعيداً موضوعك جميل واعذرونى لى عودة بعد الفاصل

[تنهيدة]

حلو اوى الموضوع دا ياغادة
أنا حجاوب بصراحة طبعا ....السؤال الأول
1- ليه بترد على مواضيع غيرك ؟؟
هل بتحس إنه واجب لازم تعمله؟ و لا فرصة لمجاملة أصدقاءك و اكتساب محبتهم ؟
واجب مفكرتش أبد أن مشاركتى معاكم فى احساسكم واجب لازم اعملة ...أنا عن نفسى بستمتع جدا بقراءة أفكاركم وبحب جدا أقرأ حتى رودكم على المواضيع مش بس مواضعكم الا بتكتبواها وبحب أشارككم فى كل المواضيع وبضيق لم ألاقى نفسى وقتى مسمحش ان أرد على كل المواضيع ...لان أعتقد أن يوم ماأشتركت فى الموقع كان هدفى هو الأفادة والأستفادة ...وكل عضو بيشترك وبيقدم جهد محتاج مننا كلنا المشاركة ...والتقدير

و لا عشان زي ما بترد على مواضيعهم ...هم كمان يهتموا بالرد على مواضيعك ؟
لا واللهى بدليل ان حتى الا مش بيرد على مواضيعى خالص بهتم جدااا ان لو قريت مواضيعوا وعجبنتى أرد بدون تردد أو تفكيير فى أن مبيردش علية ولا لا ...
و لا هواية عندك : أقصد التحليل أو التقد ؟
هى فعلا هواية عندى التحليل لكن معنديش هواية النقد كتير ...بس أكيد لو حاجة فيها خطأ وأنا لاحظته أكيد مش بتردد فى توجية صاحبة

و لا بترد فعلا بحب و رغبة في اسعاد الآخرين ؟ أو إفادتهم بمعلوماتك ؟
طبعا برد بحب ورغبة فى أسعاد الأخرين ...وبحب أعبرهم انهم فادونى بمواضعهم اكتر ماأنا فدتهم بردى ...

السؤال التانى 2 - طيب ..بكل صراحة ...ليه بترد على مواضيع و تسيب مواضيع تانية ؟
واللهى مش بتكون عن قصد أبد اننا مردش على بعض المواضيع هى بس بالنسبة ليه مشكلة وقت ...وزى ما ذكرت أن بضايق جدااا لو ما شاركتش

تفتكر لو موضوع أو أسلوب عرض مش عاجبك ..إيه الأحسن : تسييبه من غير رد منك ..و لاّّ نحاول بأسلوبك تلفت نظر الكاتب لبعض الجوانب السلبية في موضوعه ..بدون اساءة أو تجريح ؟
لا طبعا أرد عليه وألفت نظر الكاتب لسلبيات الا لاحظتها بدون ادنى أساء أو تجريح ..وأعتقد أن الأساءة حتكون أن مردش على العمل خالص...
3 - لما تعرض موضوع ... تحب كل الأعضاء يردوا عليه ؟ ليه؟
طبعا أحب أن كل الأعضاء تشاركنى احساسى بالعمل ...وتوجهنى لو كان عندى اخطاء ...بس طبعا مش بزعل لو فى حد مردتش ..... بس بكون مبسوطة جداااااا بكل كلمة أتقالت عن العمل ...يكفى أن العضو قرأ العمل وشارك فيه ولو بكلمات بسيطة
بحيكِ ياغادة على أيثارة مثل هذا الموضوع التى أتمنى أن يشارك فيه كل الأعضاء
وبجد مش عارفة أشكرك أزاى على كل مواضيعك الجميلة ياأجمل غادة فى الدنيا

[محمد محمود]

ايه المواضيع الجامدة دي يا غادة
بجد موضوع جميل أشكرك عليه .
وسأجاوب عليه بكل صراحة

1 - ليه بترد على مواضيع غيرك ؟؟

لأني جربت عندما أكتب موضوع بحاول أستفيد من نقد الآخرين ليا وباكون محتاج ردهم اللي ممكن يوضحلي نقاط في كتاباتي مكنتش واخد بالي منها ، لذلك بحاول في ردودي إن كان فيه ملاحظة أوضحها بأسلوب طيب بدون مهاجمة أو نقد غير بناء ، السبب الأخر إن المفروض يكون فيه تواصل بين الأعضاء داخل الأكاديمية حتى ننمي روح الزمالة والألفة بين جميع الأعضاء.

2 - طيب ..بكل صراحة ...ليه بترد على مواضيع و تسيب مواضيع تانية ؟
أحيانا بأرد على بعض المواضيع دون البعض الآخر وده بيكون بسبب ضيق الوقت نظرا ً لظروف عملي وده عن غير قصد ، لكن لو رديت على موضوع مش عاجبني أكيد سألفت نظر كاتبه بصورة لا تحمل إساءة أو تجريح للنقاط التي تستوجب النقد دون إغفال حقه في جودة الموضوع .
أما إذا كان الموضوع خارج عن اللياقة فسأتخذ الإجراء المناسب ضده كوني مشرف وسأبلغ عنه الإدارة كما يحدث معنا كمشرفين نحمل أمانة المحافظة على احترام هذا المكان .

3 - لما تعرض موضوع ... تحب كل الأعضاء يردوا عليه ؟ ليه؟
لما بأكتب موضوع طبعا ً ردود الأعضاء بتكون لها عامل السحر على نفسي ، وباكون متابع للردود على الموضوع لأن بصراحة باكون منتظر أعرف رأي زملائي الأعضاء والمشرفين في العمل بصراحة وبدون مجاملة
حتى لو كان العمل عليه نقد فسأحاول تدارك ذلك إما بتعديل العمل أو الحذر من الوقوع في نفس الخطأ في كتاباتي اللاحقة .أو توضيح وجهة نظري في هذه النقطة التي يثيرها الزميل .
وفي النهاية أحييك مرة أخرى على هذا الموضوع الرائع .

[donnabella]

- ليه بترد على مواضيع غيرك ؟؟

في أكثر من سبب:
1-إن الموضوع يكون حلو فعلا و لمس قلبي بجد فلازم أسجل إعجابي
2-إنه يكون حلو و في حاجة عايزة أعلق عليها و أبلغ رأيي إذ ربما يفيد صاحبه

2 - طيب ..بكل صراحة ...ليه بترد على مواضيع و تسيب مواضيع تانية ؟
ممكن مردش على مواضيع نظرا لضيق الوقت و ظروف العمل و ممكن يكون موضوع إحساسي بيه كان محايد و صراحة سعات بيكون تقصير مني نظرا لضعف كفاءة كتابتي على ال pc باللغة العربية

3 - لما تعرض موضوع ... تحب كل الأعضاء يردوا عليه ؟ ليه؟
لما أكتب موضوع طبعا ًباستنى ردود الأعضاء - زي ما كنت بستنى نتيجة الإمتحان زمان - لعدة أسباب:
1-إحنا بالنسبة لبعض الجمهور و مفيش فنان في رأيي ينفع يستمر من غير رأي الجمهور سواء إستحسان أو إستهجان.
2-إحنا بالنسبة لبعض النقاد أيضا فحين ينقدني زميل أهتم جدا و أحاول شرح وجهة نظري إذا كان النقد للفكرة و إذا كان النقد للغة أو الصياغة احاول ان أتفاداه في الكتابات القادمة فالنقد البناء مهم جدا لأي كاتب.



الموضوع ده هايل..إنت جامدة جدا بجد...للأماااااااااااااااام دائما

[الزهراء]

أولا أحب أن أشكرك يا غادة على الموضوع المهم هذا و قد كنت أفكر أن أطرح عليكم ساؤل حول مدى مصداقية الردود ، ليس للشك فيها و لكن فقط الرغبة في التساؤل حول النقد و المجاملات و سأجيب على أسئلتك الهامة

1 - ليه بترد على مواضيع غيرك ؟؟

طبعا سؤال ..أو تساؤل غريب .. بس ليه صحيح؟

هل بتحس إنه واجب لازم تعمله؟ و لا فرصة لمجاملة أصدقاءك و اكتساب محبتهم ؟

و لا عشان زي ما بترد على مواضيعهم ...هم كمان يهتموا بالرد على مواضيعك ؟

و لا هواية عندك : أقصد التحليل أو التقد ؟

و لا بترد فعلا بحب و رغبة في اسعاد الآخرين ؟ أو إفادتهم بمعلوماتك ؟

يالنسبة لسبب الرد على زملائي فهذا للرغبة في التواصل و تبادل الاراء و الاستفادة من أكثر من رأي ، و كذلك أحب الرد على زملائي في أكثر الأحيان لتبادل الأفكار و كذلك لتشجيعهم و الثناء عليهم في حالة ما إذا كان الموضوع جميل و يستحق الثناء...
2 - طيب ..بكل صراحة ...ليه بترد على مواضيع و تسيب مواضيع تانية ؟
قد يحدث هذا فعلا و لكن دون قصد ..ممكن بسبب الوقت ، أو مثلا هناك بعض المواضيع التي تجذبني اليها و لو من خلال العنوان
تفتكر لو موضوع أو أسلوب عرض مش عاجبك ..إيه الأحسن : تسييبه من غير رد منك ..و لاّّ نحاول بأسلوبك تلفت نظر الكاتب لبعض الجوانب السلبية في موضوعه ..بدون اساءة أو تجريح ؟
أعتقد أنني ناقدة فاشلة ، لأن فيا داء الحياء و لا أقوى أن أقول لشخص ما أن موضوعه فيه كذا و كذا و لكن في كل الأحوال أحاول أن انقده بطريقة لبقة...
3 - لما تعرض موضوع ... تحب كل الأعضاء يردوا عليه ؟ ليه؟

أتمنى ذلك على طول لأنني هنا لأعرض ما أكتب بيني و بين نفسي من أجل أن أسمع اراء غيري و أعرف أخطائي و أحسن من نفسي....

شكرا مرة أخرى على هذا الموضوع و كل موضوعاتك في الصميم، بوركتِ يا غادة

[Ghadat2009]

السلام عليكم

مش عارف انتوا ناويين على ايه يا غادة هو كدا دايما ان كيدهن عظيم مش هتستريحوا الا لما تولعوا العملية فى الاحزاب ولكن خبتم وخابت ظنونكم حزب البنات فنحن على الدرب سائرون


بعيداً موضوعك جميل واعذرونى لى عودة بعد الفاصل

أنا مش عارفة بتتكلم على إيه يا أستاذ فارس ؟

و ليه بتقول (نحن) ؟ مع انك انت الوحيد اللي سائر على الدرب

عالعموم ...في انتظار ردك ...بعد عمر طويل ..إن شاء الله


ملحوظة : الدار أمان ..متخافش ..ممكن متغيرش اسمك لمدة ساعة و لاّ اتنين ! محدّش هيبلّغ عنك !

[Ghadat2009]

حلو اوى الموضوع دا ياغادة
أنا حجاوب بصراحة طبعا ....السؤال الأول
1- ليه بترد على مواضيع غيرك ؟؟
هل بتحس إنه واجب لازم تعمله؟ و لا فرصة لمجاملة أصدقاءك و اكتساب محبتهم ؟
واجب مفكرتش أبد أن مشاركتى معاكم فى احساسكم واجب لازم اعملة ...أنا عن نفسى بستمتع جدا بقراءة أفكاركم وبحب جدا أقرأ حتى رودكم على المواضيع مش بس مواضعكم الا بتكتبواها وبحب أشارككم فى كل المواضيع وبضيق لم ألاقى نفسى وقتى مسمحش ان أرد على كل المواضيع ...لان أعتقد أن يوم ماأشتركت فى الموقع كان هدفى هو الأفادة والأستفادة ...وكل عضو بيشترك وبيقدم جهد محتاج مننا كلنا المشاركة ...والتقدير

و لا عشان زي ما بترد على مواضيعهم ...هم كمان يهتموا بالرد على مواضيعك ؟
لا واللهى بدليل ان حتى الا مش بيرد على مواضيعى خالص بهتم جدااا ان لو قريت مواضيعوا وعجبنتى أرد بدون تردد أو تفكيير فى أن مبيردش علية ولا لا ...
و لا هواية عندك : أقصد التحليل أو التقد ؟
هى فعلا هواية عندى التحليل لكن معنديش هواية النقد كتير ...بس أكيد لو حاجة فيها خطأ وأنا لاحظته أكيد مش بتردد فى توجية صاحبة

و لا بترد فعلا بحب و رغبة في اسعاد الآخرين ؟ أو إفادتهم بمعلوماتك ؟
طبعا برد بحب ورغبة فى أسعاد الأخرين ...وبحب أعبرلهم انهم فادونى بمواضعهم اكتر ماأنا فدتهم بردى ...

السؤال التانى 2 - طيب ..بكل صراحة ...ليه بترد على مواضيع و تسيب مواضيع تانية ؟
واللهى مش بتكون عن قصد أبد اننا مردش على بعض المواضيع هى بس بالنسبة ليه مشكلة وقت ...وزى ما ذكرت أن بضايق جدااا لو ما شاركتش

تفتكر لو موضوع أو أسلوب عرض مش عاجبك ..إيه الأحسن : تسييبه من غير رد منك ..و لاّّ نحاول بأسلوبك تلفت نظر الكاتب لبعض الجوانب السلبية في موضوعه ..بدون اساءة أو تجريح ؟
لا طبعا أرد عليه وألفت نظر الكاتب لسلبيات الا لاحظتها بدون ادنى أساء أو تجريح ..وأعتقد أن الأساءة حتكون أن مردش على العمل خالص...
3 - لما تعرض موضوع ... تحب كل الأعضاء يردوا عليه ؟ ليه؟
طبعا أحب أن كل الأعضاء تشاركنى احساسى بالعمل ...وتوجهنى لو كان عندى اخطاء ...بس طبعا مش بزعل لو فى حد مردتش ..... بس بكون مبسوطة جداااااا بكل كلمة أتقالت عن العمل ...يكفى أن العضو قرأ العمل وشارك فيه ولو بكلمات بسيطة
بحيكِ ياغادة على أيثارة مثل هذا الموضوع التى أتمنى أن يشارك فيه كل الأعضاء
وبجد مش عارفة أشكرك أزاى على كل مواضيعك الجميلة ياأجمل غادة فى الدنيا

أولا أنا اللي بشكرك على الروح الجميلة الطيبة دي و على رأيك المشجع الرقيق في مواضيعي ..دايما الرد الجميل بيكون له أثر رائع في الدفع الى الأمام

كلامك و ردك على الاستفسارات اللي في الموضوع .. جميلة و شكلك بتقوليها بتلقائية ما شاء الله

بس اسمجيلي ..أنا لونت جزء منها بالأزرق لغرض معيّن ..إنها من أجمل يكون و انها كمان بتوضح نقطة مهمة جدا .. موضوع الوقت الضيق و تأثير السلبي على التمكن من الرد على جميع المواضيع الجديدة ..زي مافهمت من كلامك ..و أنا كان عندي اقتراح ..أرجو انك تقوليلي رأيك فيه ..إن شاء الله ...
الاقتراح بالتفصيل

تمنياتي بأمتع و أفيد وقت ليكي و للجميع في أكاديميتنا الحبيبة

[رحاب صفا]

1 - ليه بترد على مواضيع غيرك ؟؟

اللي بيلمس إحساسي أو ينعشلي دماغي أو يشد انتباهي بحس إن صاحبه يستحق الرد والتعليق. ويمكن تعليقي يساعده او يشجعه إنه يكمل أحسن،وكمان لإني ببقى حاسة قد ايه هو بيبقى محتاج الكلام ده وبيخليه ميبعدش عن قلمه...مين عارف يمكن يخرج منا واحد يكون كاتب مشهور ونكون ساعدناه ولو بكلمة.

2- طيب ..بكل صراحة ...ليه بترد على مواضيع و تسيب مواضيع تانية ؟

الأولوية غالباً تكون بسبب العنوان هو السبب المبدئي ف حاجة زي كدة ..وساعات ضيق الوقت من الشغل مبتساعدنيش على اني افتح كل المواضيع..وساعات بيكون الكاتب برده من أسباب لفت الإنتباه والإهتمام وإهدائه لشوية أولوية..حد مثلاً قرأتله وعرفت إن أسلوبه ودماغه بيعجبوني فبكون عايزة أتابع جديده..لكن لما بتبقى فيه فرصة بفتح مواضيع معظم الناس.

تفتكر لو موضوع أو أسلوب عرض مش عاجبك ..إيه الأحسن : تسييبه من غير رد منك ..و لاّّ نحاول بأسلوبك تلفت نظر الكاتب لبعض الجوانب السلبية في موضوعه ..بدون اساءة أو تجريح ؟

هي دي غلطة أنا وقعت فيها فعلا ومعترفة بيها ..فعلاً الموضوع اللي كان مش بيعجبني قوي أو بحس إنه عادي كنت بسيبه من غير رد...بس سؤالك لمحت فيه تأنيب عندك حق فيه...فالمنتدى مش مجمع مجاملات ..عندك حق.

لما تعرض موضوع ... تحب كل الأعضاء يردوا عليه ؟ ليه؟

طبعاً جداً أكيد ...احنا جمهور بعض ونقاد بعض وبيهمني قوي النقد البناء اللي فيه تحليل وبلمح فيه اهتمام حقيقي.
وببقى مستنياه جداً.

وأخيراً بحييكي جداً يا غادة ومش جديد عليكي العملية دي ،وقدرتك على إجبارنا على المراجعة والتفكير من جديد....برافو يا غادة .. متهيألي تستحقي لقب "ضمير المنتدى"

[Ghadat2009]

ايه المواضيع الجامدة دي يا غادة
بجد موضوع جميل أشكرك عليه .
وسأجاوب عليه بكل صراحة

1 - ليه بترد على مواضيع غيرك ؟؟

لأني جربت عندما أكتب موضوع بحاول أستفيد من نقد الآخرين ليا وباكون محتاج ردهم اللي ممكن يوضحلي نقاط في كتاباتي مكنتش واخد بالي منها ، لذلك بحاول في ردودي إن كان فيه ملاحظة أوضحها بأسلوب طيب بدون مهاجمة أو نقد غير بناء ، السبب الأخر إن المفروض يكون فيه تواصل بين الأعضاء داخل الأكاديمية حتى ننمي روح الزمالة والألفة بين جميع الأعضاء.

2 - طيب ..بكل صراحة ...ليه بترد على مواضيع و تسيب مواضيع تانية ؟
أحيانا بأرد على بعض المواضيع دون البعض الآخر وده بيكون بسبب ضيق الوقت نظرا ً لظروف عملي وده عن غير قصد ، لكن لو رديت على موضوع مش عاجبني أكيد سألفت نظر كاتبه بصورة لا تحمل إساءة أو تجريح للنقاط التي تستوجب النقد دون إغفال حقه في جودة الموضوع .
أما إذا كان الموضوع خارج عن اللياقة فسأتخذ الإجراء المناسب ضده كوني مشرف وسأبلغ عنه الإدارة كما يحدث معنا كمشرفين نحمل أمانة المحافظة على احترام هذا المكان .

3 - لما تعرض موضوع ... تحب كل الأعضاء يردوا عليه ؟ ليه؟
لما بأكتب موضوع طبعا ً ردود الأعضاء بتكون لها عامل السحر على نفسي ، وباكون متابع للردود على الموضوع لأن بصراحة باكون منتظر أعرف رأي زملائي الأعضاء والمشرفين في العمل بصراحة وبدون مجاملة
حتى لو كان العمل عليه نقد فسأحاول تدارك ذلك إما بتعديل العمل أو الحذر من الوقوع في نفس الخطأ في كتاباتي اللاحقة .أو توضيح وجهة نظري في هذه النقطة التي يثيرها الزميل .
وفي النهاية أحييك مرة أخرى على هذا الموضوع الرائع .

أشكرك جدا على الردود الصادقة التلقائية ..و على التشجيع الرائع على فتح الموضوع
أنا لوّنت أجزاء مهمة جدا في كلماتك و ردك المميز .. و أكيد جميل حرصك على الرد كعضو و كمشرف عند اللزوم
و لاحظت تدخل عنصر الوقت من جديد ليتحكم في تمكننا من الرد على الجميع بقدر المستطاع

لذلك فقد كان لدي اقتراح أرجو أن يحظى بالقبول و التنفيذ ..كما أتمنى سماع رأيك الصريح فيه

الاقتراح بالتفصيل ...

تمنياتي بأمتع و أفيد وقت لك و للجميع في أكاديميتنا الحبيبة