اولا....اشكرك جدااااااااا يا غادة على الموضوع المهم دا...والمتميز ايضا...
لأن الوقت دا حاجة مهمة جداااا كتير مننا ممكن مش يلاحظ اهميته...
لكن بصراحة..ترددت كثيرا في الرد عليهino1 ..لأن ما شاء الله الاعضاء اللي
قبلي واضح جدا انهم ملتزمين .. وانا شكلي اكيد دلوقتي هيبقى وحشششش
لأني تقريبا عايشة حياتي بالعكس شويا..و خاصة في الاجازة...
من غير ما اطول عليكي هرد على الاسئلة..و أمرى لله
![يبكي :cry:](./images/smilies/icon_cry.gif)
..
1- يا ترى بتصحى ( في الأجازة ) الساعة كام ؟
انا بصراحة...بمنتهى الصراحة...بصحى الساعة 7 صباحا...
هههههه(دا حلم بعيد طبعا)..
من غير كدب وبصراحة..بس صراحة جد شويا المرة دي..انا بصحى
حوالي الساعة 2 او 3 بعد الظهر..
2- إيه أجمل حاجة تبدأ بيها يومك ؟
و الله دا حسب حالتي النفسية..
![تصفير so1](./images/smilies/lalala.gif)
.. احيانا ممكن احب اكتب
او اقرا..او اسمع التليفزيون..او اشرب اي حاجة..
يعنيب مش حاجة محددة كل يوم..لاني اصلا بكره الروتين.. حتى
لو متمثل في عادة شخصية بحبها..
3- إيه أهم وجبة عندك في اليوم ؟ و ليه ؟
ليه الاحراج دا بس..؟
![خجول :oops:](./images/smilies/icon_redface.gif)
.. انا يا غادة وبلا فخر.. مش ملتزمة بوجبات..
انا اصلا لو سبتيني من غير اكل مش هاخد بالي
![يضحك :lol:](./images/smilies/icon_lol.gif)
..
بس لولا مامتي بقى اللي مظبطاني كل شويا قومي كلي قومي كلي..
بقوم اكل وامري لله..س11..
4- بتعمل تخطيط لكل يوم ؟ يعني فيه خطة معينة بالورقة و القلم لتنظيم الاستفادة بالـ 24 ساعة ؟ و لاّ تفتكر التخطيط بيبقى في أيام الدراسة و الشغل و بس؟
أحيانا ممكن تلاقيني في الايام العادية بحب اخطط بالتفصيل انا هعمل ايه باذن الله..و بالتفصيل الممل كمان..
وايام الدراسة دي حاجة اساسية عندي اني اخطط اعمال اليوم..ومواعيدها بالدقيقة..
انا في الايام العادية بردو بيبقى حسب الحالة النفسية..
![ملحوظة read1](./images/smilies/deal.gif)
..
بس بصراحة غالبا مش بيكون بغرض اني استفيد من ال24 ساعة..لكن عشان انجز حاجات لازم انجزها في وقت محدد..
5-تفتكر اليوم لازم يكون فيه أنشطة متنوعة ( إنجاز عمل .. هواية .. قراءة .. زيارات ..و غيره )؟
انا أؤمن ان الانشطة دي من اهم الحاجات اللي بتخلي الحياة حلوة...لو حد ما قراش في اليوم او مش زار قريب ليه او صديق..او ما استمتعش بممارسة هوايته .. يا ترى هيبقى في ايه حلو في اليوم..؟
حتى لو اليوم حلو..بيحس دايما ان ناقص حاجة..
6- بتحب السهر ؟ بتقضي السهرة إزاي : نوم ؟ قراءة ؟ تليفزيون ؟ خروج ؟ نت ؟ زيارات ...الخ
انا مدمنة سهر...
![غاضب :x](./images/smilies/icon_mad.gif)
..حياتي معظمها بالليل..بس طبعا في الدراسة كل حاجة بتختلف نظرا لظروف خارجة عن ارادتي
(المحاضرات)..
![يضحك :lol:](./images/smilies/icon_lol.gif)
..
بقضي السهرة باي شكل..ممكن اعمل مج شاي واقعد اسمع فيلم حلو..او اقضيها نت طبعا..او اقرا او اكتب..
او حتى ممكن اقعد كدا بس في اوضتي غارقة في تفكير عميييييييق...
7- إيه هواياتك ؟ ياترى بتلاقي ليهم وقت ثابت يوميا أو حتى أسبوعيا ؟
أنا بحب اقرا واكتب واسمع تليفزيون..والنت طبعا..و بحب اقعد ساكتة..
و زمان كان عندي هوايات غريبة..لو قلتها هتبقى فضيحة بصراحة:lol:
احيانا بلاقي وقت امارس هواياتي..و احيانا لا خاصة في الدراسة طبعا..
8- بتمارس رياضة معينة ؟ إيه هي ؟ تفتكر الرياضة للرشاقة بس و لا ليها فوايد تانية ؟ إيه هيّ؟
لا..بصراحة كل ما اواظب على رياضة معينة اسيبها تاني..و الرياضة طبعا مش للرشاقة بس..اهم حاجة ان الانسان يبقى عنده لياقة ويقدر يتحرك بسرعة في اي مكان..
9- بتتكلم يوميا مع أصدقاءك (تليفون أو موبايل ) ؟ أد ايه الوقت اللي بتستهلكه في المكالمات؟
مش بكلمهم يوميا..لكن بصفة مستمرة..يعني مش بغيب عنهم كتير خاصة صحباتي المقربين جداااا..
و الوقت اللي بستهلكه بيبقى حسب في حاجة نتكلم فيها او لا..واهميتها ايه..يعني مش وقت محدد..
10- بتشتكي من وقت الفراغ ؟ و لاّ من الوقت الضايع ؟ و لاّ من قلة الوقت ؟
تاني..
![خجول :oops:](./images/smilies/icon_redface.gif)
.. والله يا غادة اسئلتك دي جابتلي عقدة ذنب
![يبكي :cry:](./images/smilies/icon_cry.gif)
..
انا بشتكي من الوقت الضايع غالب الوقت...
11- ممكن توصف نفسك انك : طموح و لاّ كسول و لاّ واقعي و لاّ مثالي و لاّ ....إيه ؟؟ بالنسبة لاستفادتك من الوقت
بالنسبة لاستفادتي من الوقت..
![متعجب :o](./images/smilies/icon_e_surprised.gif)
... تقدري تقولي عني كسولة
![يبكي :cry:](./images/smilies/icon_cry.gif)
...
12- بتخصص وقت معيّن للكتابة ؟ و لاّ الفكرة لمّا تيجي بتكتبها فورا ..و في أي وقت ؟
لا مش بحدد وقت معين..لما الفكرة بتيجي في اي وقت واي مكان..اطلع قلمي وورقتي واكتب..
اشكرك جداااااااا يا غادة على الموضوع الجميل والمفيد دا...
![وردة متفتحة flower1](./images/smilies/orangeflower.gif)