(يا أهل الجزاير) ....

المشرفون: محمد محمود،همسه،donnabella

السيد فهيم
أكاديمى نشيط
أكاديمى نشيط
مشاركات: 308
اشترك في: 02 مايو 2009, 1:22 pm
Favorite Quote: الفن الجميل لا يورث قبحا
verification: ID verified and trusted writer

(يا أهل الجزاير) ....

مشاركة بواسطة السيد فهيم »

يا أهل الجزاير


يا أهل الجزاير
عقلي حاير
م اللي حاصل
و اللي داير
لو خواجة ؟!
هاقول حسودي
لو عدو ؟!
هاقول يهودي
إنما مسلم .. وعربي !!
زي أحفادي وجدودي !!
شيء يمخول
شيء يخلي العقل يفصل
تنقري فيه الدفاتر
آآه .. يا ساتر
ده اللي فينا مكفينا
ليه نشمت حد فينا
ده احنا أهل
وعزوة ليكم
وانتو برضه
عزوة لينا
أرض واحدة
و رب واحد
ده بدل مانروح نجاهد
ونرجع أراضينا ؟!
واللا احنا خلاص
سامحنا
اللي داير قتل فينا
ونسينا يا ناس
جراحنا
و أوجاعنا الدفينة
و فضينا لماتش كورة
و بالجهل اكتفينا
ده لسه الظلم ساير
و لسه القهر جاير
و هاتدور الدواير
عليكم و علينا
هوه برضه
مش احنا وانتم
راكبين نفس السفينة؟!




صورة العضو الرمزية
dr asmaa
أكاديمى نشيط
أكاديمى نشيط
مشاركات: 123
اشترك في: 04 نوفمبر 2009, 8:18 pm
Real Name: أسماء مصطفى
Favorite Quote: اللهم أسترنا فوق الأرض وتحت الأرض ويوم العرض عليك
verification: ID verified and trusted writer
مكان: الإسكندرية
اتصال:

Re: (يا أهل الجزاير) ....

مشاركة بواسطة dr asmaa »

برافو عليك والله أنت قلت كل إللى أحنا عايزين نقوله happy11

أنا مش عارفة أه كل اللى حاصل ده ,, ياجماعة ده أحنا مسلمين وعرب

بس حنروح بعيد ليه ماهى فتح وحماس ,,, والسنة والشيعة مسلمين بردك:x

والله عيب وحرام إللى حاصل ده أحنا لازم نراجع نفسنا وزى ما أنت قلت ده أحنا فى مركب واحدةthi1


فكرة حلوة فى وقت مناسب لها

مشكوو
أسماء مصطفى
تنهيدة
مشرفة قسم أدب الأطفال
مشاركات: 1291
اشترك في: 04 نوفمبر 2008, 3:01 am
Real Name: نهاد نعمان
Favorite Quote: لوسرقت منا الأيام قلباً معطاء بسام لن نستسلم للآلام ...لن نستسلم للألام .....
verification: ID verified and trusted writer
مكان: بنت مصر

Re: (يا أهل الجزاير) ....

مشاركة بواسطة تنهيدة »

رائع يادكتور سيد كلماتك بجد مكتوبة بمنتهى الحب والصدق وبجد نفسى كل العرب يقروا القصيدة
أحنا أزاى وصلنا لكدا ازاى خلينا القلة المفسدة الا فى مجتمعاتنا العربية ظاهرة بالشكل ده ازاى يتحول
الحب فجأة لكره ازاى نحارب بعض من غير سبب انا والله حاسة بحزن مش ممكن حد يتخيلة أنا والله العظيم
بحب كل الدول العربية بحب بلدى جدا وأكتر حاجة بحبها فى بلدى حبها لكل الدنيا أزاى فجاة مصر يكون فى دولة
عربية بتكرها مش قادر اتصور ومش قادرة اصدق وحقيقى نفسى الكابوس دا ينتهى ونموت الفتنه قبل ماتموتنا
بحيك يادكتور على كل كلمة كتبها عجبتنى كل الكلمات وحستها جداااا لانها مكتوبة بحماس وبروح عربية
بتدافع عن العروبة بشكرك على هذه القصيدة التى اتمنى لو يقرأها كل الدنيا
تمنياتى لك بكل النجاح والتوفيق فى كل أعمالك
صورة
Emy
أكاديمى فعال
أكاديمى فعال
مشاركات: 91
اشترك في: 27 يوليو 2009, 9:36 am
Favorite Quote: كما تدين تدان

Re: (يا أهل الجزاير) ....

مشاركة بواسطة Emy »

فعلا كلمات جميلة جداا .. فيها ايحاء بالحب الممزوج بالملامة والعتاب ..
احسنت يا استاذ سيد .. وعبرت عن جزء كبير جدااا من اللى جوانا .. ان لم تكن عبرت عنه كله


انما اللى بيحصل من اهل الجزاير.. شىء غريب فى وقت غريب بسبب غريب
ربنا يهديهم


ميرسى جدااااا .. ونتمنى المزيد
صورة
صورة العضو الرمزية
سندريلا
مشرفة قسم الخواطر
مشاركات: 795
اشترك في: 28 إبريل 2009, 8:51 pm
Real Name: جيهان راضي
Favorite Quote: المرأة عاشت ألوف السنين مثل مرآة تعكس صورة للرجل أكبر و أجمل من الحقيقة !
verification: ID verified and trusted writer
مكان: my own world
اتصال:

Re: (يا أهل الجزاير) ....

مشاركة بواسطة سندريلا »

زميلي الفاضل /
أحييك بشدة على كل كلمة كتبتها .... و بالطبع قصيدة رائعة كعادتك دائما و عبرت فيها عما بداخلي و عداخل 80 مليون مصري ....
و لا أريد التحدث عما حدث حتى لا يغضب مني أحد ... كل ما أقوله لا تعليق ....
و أتساءل هل علم مصر الذي حرق يستحق ذلك ؟ هل تستحق مصر ذلك ؟ لماذا لا يحرق علم إسرائيل ؟
و أشكرك جدا على قصيدتك و أتمنى أن يهدي الله الجميع ....
السيد فهيم
أكاديمى نشيط
أكاديمى نشيط
مشاركات: 308
اشترك في: 02 مايو 2009, 1:22 pm
Favorite Quote: الفن الجميل لا يورث قبحا
verification: ID verified and trusted writer

Re: (يا أهل الجزاير) ....

مشاركة بواسطة السيد فهيم »

dr asmaa كتب:برافو عليك والله أنت قلت كل إللى أحنا عايزين نقوله happy11

أنا مش عارفة أه كل اللى حاصل ده ,, ياجماعة ده أحنا مسلمين وعرب

بس حنروح بعيد ليه ماهى فتح وحماس ,,, والسنة والشيعة مسلمين بردك:x

والله عيب وحرام إللى حاصل ده أحنا لازم نراجع نفسنا وزى ما أنت قلت ده أحنا فى مركب واحدةthi1


فكرة حلوة فى وقت مناسب لها

مشكوو
أسماء مصطفى
لا أملك إلا أن أردد .. . حسبي الله ونعم الوكيل.
السيد فهيم
أكاديمى نشيط
أكاديمى نشيط
مشاركات: 308
اشترك في: 02 مايو 2009, 1:22 pm
Favorite Quote: الفن الجميل لا يورث قبحا
verification: ID verified and trusted writer

Re: (يا أهل الجزاير) ....

مشاركة بواسطة السيد فهيم »

تنهيدة كتب:رائع يادكتور سيد كلماتك بجد مكتوبة بمنتهى الحب والصدق وبجد نفسى كل العرب يقروا القصيدة
أحنا أزاى وصلنا لكدا ازاى خلينا القلة المفسدة الا فى مجتمعاتنا العربية ظاهرة بالشكل ده ازاى يتحول
الحب فجأة لكره ازاى نحارب بعض من غير سبب انا والله حاسة بحزن مش ممكن حد يتخيلة أنا والله العظيم
بحب كل الدول العربية بحب بلدى جدا وأكتر حاجة بحبها فى بلدى حبها لكل الدنيا أزاى فجاة مصر يكون فى دولة
عربية بتكرها مش قادر اتصور ومش قادرة اصدق وحقيقى نفسى الكابوس دا ينتهى ونموت الفتنه قبل ماتموتنا
بحيك يادكتور على كل كلمة كتبها عجبتنى كل الكلمات وحستها جداااا لانها مكتوبة بحماس وبروح عربية
بتدافع عن العروبة بشكرك على هذه القصيدة التى اتمنى لو يقرأها كل الدنيا
تمنياتى لك بكل النجاح والتوفيق فى كل أعمالك
أشكرك يا أستاذة نهاد علي كلماتك الغالية ... لو عايزة تبعتي القصيد لأصدقائك و معارفك أنا ماعنديش أي مانع ... واضم صوتي ليكي يا ريت كل الناس تقراها .... ليس لأني كاتبها ولكن لأنها تعبر عن مشاعر دفينة لا أشك أن ثمانين مليون مصري يشاركونني إياها.
السيد فهيم
السيد فهيم
أكاديمى نشيط
أكاديمى نشيط
مشاركات: 308
اشترك في: 02 مايو 2009, 1:22 pm
Favorite Quote: الفن الجميل لا يورث قبحا
verification: ID verified and trusted writer

Re: (يا أهل الجزاير) ....

مشاركة بواسطة السيد فهيم »

Emy كتب:فعلا كلمات جميلة جداا .. فيها ايحاء بالحب الممزوج بالملامة والعتاب ..
احسنت يا استاذ سيد .. وعبرت عن جزء كبير جدااا من اللى جوانا .. ان لم تكن عبرت عنه كله


انما اللى بيحصل من اهل الجزاير.. شىء غريب فى وقت غريب بسبب غريب
ربنا يهديهم


ميرسى جدااااا .. ونتمنى المزيد
أشكرك يا أستاذة إيمي ... و أتمني أن يكون لكلماتنا أي جدوي .... لأنني فعلا في حالة من الغضب الممزوج بالدهشة ، والتي لم أشعر بها من قبل .... تخيلو أنني ليل نهار أردد في سري نشيد بلادي ؟!
السيد فهيم
السيد فهيم
أكاديمى نشيط
أكاديمى نشيط
مشاركات: 308
اشترك في: 02 مايو 2009, 1:22 pm
Favorite Quote: الفن الجميل لا يورث قبحا
verification: ID verified and trusted writer

Re: (يا أهل الجزاير) ....

مشاركة بواسطة السيد فهيم »

الحلم المستحيل كتب:زميلي الفاضل /
أحييك بشدة على كل كلمة كتبتها .... و بالطبع قصيدة رائعة كعادتك دائما و عبرت فيها عما بداخلي و عداخل 80 مليون مصري ....
و لا أريد التحدث عما حدث حتى لا يغضب مني أحد ... كل ما أقوله لا تعليق ....
و أتساءل هل علم مصر الذي حرق يستحق ذلك ؟ هل تستحق مصر ذلك ؟ لماذا لا يحرق علم إسرائيل ؟
و أشكرك جدا على قصيدتك و أتمنى أن يهدي الله الجميع ....
أشكرك يا جيهان علي مرورك ... علم مصر حرق ... وديس عليه بالأقدام و بسيارة رايح جاي ... و حمل علي نعش هذا الصباح ... إلخ إلخ ... إيه؟ بتقولي إسرائيل؟ ... إسرائيل الآن في أجمل و أسعد حالاتها .. تتهكم علينا وتشمت وتستهزيء في إعلامها علينا مصريين وجزائريين وتعبر بالنكت المرسومة والمسموعة والمقروءة... عندهم كل الحق ولا لوم عليهم.
السيد فهيم
صورة العضو الرمزية
donnabella
مشرفة قسم الأشعار
مشاركات: 365
اشترك في: 30 يناير 2009, 4:16 pm
Real Name: نورا مجدي
Favorite Quote: إذا لم يكن من الموت بد .. فمن العجز أن تموت جبانا
verification: ID verified and trusted writer

Re: (يا أهل الجزاير) ....

مشاركة بواسطة donnabella »

سلم قلمك و إبداعك يا دكتور
أنا و الله مش مصدقه اللي بيحصل و مش عارفه أعمل إيه..أنا كل اللي غايظني إنهم عامالين يصعدوا الموضوع ، فرنسا و أروبا كلها فاكرين إن احنا اللي إعتدينا علي الجزاير و السلطات الجزائرية ضالعة بشكل أساسي فيما حدث و يحدث ، تعرف أنا مشكلتي الكبري إن أنا مش عارفه أكرههم ، يعني لو أخوك إنحرف و بقي بلطجي و مدمن و كل يوم و التاني يسرق البيت و يعتدي عليك و علي أهل البيت ، تفتكر هتكرهه و لا تدعيله و تحاول تعالجه و ترجعه لصوابه ، أهو دا نفس إحساسي اللي أنا مش عارفه أتخلص منه ، أنا لسه بحب الجزائر رغم المرارة اللي ملياني و مصدومه لأن الإحتلال اللي خرج من أرضهم لسه قاعد في عقل كتير منهم .. ولسه مؤمنه إني مينفعش أكرهم لأن الكره اللي في قلبي كله خلاص راح لإسرائيل اللي مليون في الميه لها يد في اللي بيحصل ده .... و حين تقوم الفتن.. فأسأل عن اليهود
ومـا مــِن كاتبٍ إلا سيبلى ....... ويُبقي الدهر مــا كتبت يـداهُ
فلا تكتُب بخطِك غير شيءٍ ....... يسُــرك في القيامةٍ أن تـراهُ
أضف رد جديد

العودة إلى ”أشعار عامية“