بخمسين قرش فول

[مسافر زاده الخيال]

[quote="dr asmaa"]السلام عليكم

وصف اكثر مت رائع مع قلة الكلمات ولكنها بالفعل معبرة وواصفة للموقف


بس يعنى ما كنتش حتخصر حاجة لو زودت الراجل شوية قول وابقى خالى الحساب عليا


وبعدين انت وديت الراجل فى داهية لما قال الحكومة فهو اكيييييييييييييد كان بيشكر فيها وبيبدى حبه لها

تحياتى[/qu مشكور
ومتخافش على الراجل مش هديهم اسمه

[مسافر زاده الخيال]

زميلى العزيز اهلا بك فى الاكاديمية
ب11

قصتك ذات فكرة قوية اعجبتنى
بس انا حسيت انها ناقصة حاجة يعنى مش عارفة اية بالضبط بس..

اعتقد انها مثلا لازم تطول شوية وتنهيها بحاجة توضح الفكرة اكتر..

عموما ده رأيى المتواضع واهلا بك مرة تانية

اولا
مشكورة على مرورك
ثانيا
انا دايما كنت حاسسها ناقصة حاجة والله
بس مش عارف ايه هى
لو عرفتى ارجوك قوليلى

[مسافر زاده الخيال]

السلام عليكم

شيء عجيب جداً أيها المسافر أن المسافرين من أبناء الوادي غالباً يحنون إلي الفول لأنه صار من طقوس حياتنا البسيطة ولكنك كمسافر سقطت في حلة المدمس وبتبيع كمان

قصتك سردية قصيرة وجميلة في نفس الوقت إستخدمت فيها الطريق الأمثل والمتكامل لكتابة القصة القصيرة الوصف الحركة اللغة الحوار ات القصيرة المقتضبة والثرية وجاء وصفك لحركة الرجل الواهنة والبطيئة وكأنك تصف حركة المجتمع المستسلمة مقابل حركة وسرعة الزمن والأيام بكل ما فيها من سخرية وتضخم وغلاء وأحسنت في النهاية إذ بكلمة الحكومة تركت النهاية مفتوحة لتستفز التفكير ولتعمل العقول مع الحكومة علي الحلول

وتقبلي خالص تحياتي

مشكور
اخى احمد
دمت بخير
تقبل تحياتى

[مسافر زاده الخيال]

الزميل / المسافر
أرحب بك فى الأكاديمية ،،،
وعايز أقولك حاجة حصلت معايا فى الغربة وبالتحديد فى الإمارات وحقولها بالعامية أفضل .
كنت مشتاق أوى للفول والطعمية بعد وجودي فى الإمارات سنة ونص تقريباً والمكان اللى كنت شغال فيه مكانش فيه محلات فول وطعمية وانا كنت حتجنن ووحشتني أوى الأكلة دي ، وبعدين جاتلى مأمورية تبع شغلى وسافرت مكان تانى بنفس الدولة وفوجئت بمحل مكتوب عليه فول وفلافل . . مصدقتش نفسي ودخلت على طول وقعدت على طاولة كانت فاضية وطلبت فول وطعمية وبعد دقيقتين تقريباً جالى طبق فول صغير لا يتعدى قطره 10 - 12 سم وطبق تانى فيه أربع حبات طعمية متوسطة الحجم ورغيف شامي !!!! ضحكت وتعجبت كثيراً وبعدين قلت مش مشكلة المهم إنى آكل الفول والطعمية وخلاص ( عينات عينات ) أعمل إيه . . خلصت أكل وطبعاً مشبعتش بس قلت أمشى علشان ألحق أخلص شغلى وبعدين أبقى أرجع آكل تانى ،،، ورحت علشان أدفع الحساب وكانت المفاجأة والصدمة الكبيرة . . .
تخيل إن الحساب 16 درهم ( ستة عشر درهم إماراتي ) يعنى 24 جنيه مصري . . . وقفت وأنا أخرج الفلوس من جيبى وأنا مذهول ،،، المهم دفعت وخرجت .
تفتكر رجعت آكل فول وطعمية تانى ؟
ههههههههه

آسف طولت عليك . . . قصتك جميلة ومميزة وأهم ما يميزها البساطة وطبعاً لأنها هادفة .
أتمنى لك دوام التوفيق والنجاح فى الأكاديمية وخارجها .

لا انت مش فاهم
هم جابوا لك العينات
لو كانت عجبتك كانوا هيجيبوا لك الاكل
بس انت الى استعجلت ومشيت
هههههههههه
مشكور على مرورك