أشوف نفسي

المشرفون: محمد محمود،همسه،donnabella

أضف رد جديد
palkokapo
أكاديمى جديد
أكاديمى جديد
مشاركات: 2
اشترك في: 13 ديسمبر 2008, 6:47 pm

أشوف نفسي

مشاركة بواسطة palkokapo »

أشوف نفسي أفكرها..نسيتي مش هكررها

دي كلمة مش هوصلها وما أنسى ..كفايا عتاب

على عتبة بيوت الناس أشوف الفرحة أحسدها...

وأتمنى أكون فيها ولاحد يسكتها ليوم ماتروح في سكتها وتاخدني في سكتها ..ولا أعتب ولا أكدب ولا أغصب على نفسي وأدمرها...

هسايسها وأنورها وأحضنها وأدفيها وأشكيها.. لنفسي اللي كان ليها عليا حق أحبابي

ولا تدمع وراح تسمع كلام قلبي.... وتسمعني وتسمع كل أفراحي

وأشوفها دوايا لجراحي

وأفهمها...
وليكي الحق ان تهتي في يوم أرميكي وسط الناس حقيقي ماكانش عندي احساس

تناديني كفاية خلاص تمدي اديكي وسط الناس تلاقيهم..يشدوكي يدوسو عليكي ياذوكي

وأشوفك بالعيون ديا عيون قاسية وعسلية ..عسل من مر من علقم.... وحيد مش حر

مايسلم بايده حبيب ولا غالي...

دي كلمة حد قالهالي..وما بتضر

تفكرني باني قسيت على نفسي كتيير ..ورميت عليها الحمل..حمل كبير..

كتيير خنتك...

وأكتر من الخيانة مافيش...غرست المر في ضلعك..وماسكتيش..فضلتي تنادي جوايا

وقلت أموت ..

أخدتيني عل الماضي

كتمت الصوت
..
وشفت انك عزيزة وحرة جوايا سجنتك..يوم ما شفتك طايرة في سمايا
وناس وسواس قالولي النفس أمارة..

ارد اليوم وأطمنهم..تكون امارة ..ان جا يوم..وما اديتها..في يوم الضعف قويتها

كفاية سكوت..


هشوف نفسي

صورة العضو الرمزية
الأمير الحائر
مشرف قسم الروايات
مشاركات: 859
اشترك في: 31 أكتوبر 2008, 8:06 pm
Real Name: وليد توفيق
Favorite Quote: و تبقى الكلمات...
verification: ID verified and trusted writer

Re: أشوف نفسي

مشاركة بواسطة الأمير الحائر »

شعر جميل جدا جدا...وتعبيرات مميزة عجبنى منها " على عتبة بيوت الناس أشوف الفرحة أحسدها " استعارة جميلة جدا..وكمان " وشفت انك عزيزة وحرة جوايا سجنتك "..والفكرة العامة الحزينة ولوم النفس فكرة مميزة جدا جملتها بطريقتك, واستعمالك لكلمة السكوت بكذا معنى وتصريف ادى شكل جميل للأبيات...
بجد بداية هايلة وبتمنى نقرالك أعمال تانية ان شاء الله صورة
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...

.....

...:: و تبقى الكلمات ::...

...... صفحتى فى الأكاديمية ......

تنهيدة
مشرفة قسم أدب الأطفال
مشاركات: 1291
اشترك في: 04 نوفمبر 2008, 3:01 am
Real Name: نهاد نعمان
Favorite Quote: لوسرقت منا الأيام قلباً معطاء بسام لن نستسلم للآلام ...لن نستسلم للألام .....
verification: ID verified and trusted writer
مكان: بنت مصر

Re: أشوف نفسي

مشاركة بواسطة تنهيدة »

صورةأهلا بيك معانا بجد كلمات هايلة وتعبيرات جمبلة وانا كمان عجبنى البيت الا بيقول "وشفت انك عزيزة وحره جوايا سجنتك "بجد بداية جميلة وفكرة أجمل ومستنين نقرالك حاجات اكترصورة
صورة
palkokapo
أكاديمى جديد
أكاديمى جديد
مشاركات: 2
اشترك في: 13 ديسمبر 2008, 6:47 pm

Re: أشوف نفسي

مشاركة بواسطة palkokapo »

انا بشكركم من أعماقي والله..عارفين يا جماعة اني لسه شايفة التعليق دا النهاردة..وبجد فرحانة جدا..أسعدتوني..وباذن الله الجديدة هحطها حالاا
fromayka
أكاديمى نشيط
أكاديمى نشيط
مشاركات: 136
اشترك في: 08 مايو 2009, 1:27 am
Real Name: سماح مصطفى
Favorite Quote: اول الغيث قطرة
مكان: فى رحم الفجر

Re: أشوف نفسي

مشاركة بواسطة fromayka »

الله الله
على فكرة الكتابه الجميله دى حرام متتكتبش بطريقه منظمه
اللون دا من الشعر العامى لازم يتقطع لابيات عشان نعرف نستمتع بيه
انا قريت القصيدة كذا مرة من جمالها وواضح انها مش التجربه الاولى
اهلا بيك ف الاكاديميه عضو لامع وشاعر متميز
كل مانوصل لمينا
نبتدى ونقول رسينا
الشطوط ترفض لقانا
والبحور تانى تنادينا
أضف رد جديد

العودة إلى ”أشعار عامية“