بما أننا فى وقت مفيش حاجة فية تفرح وأكيد الدموع أكتر بكتير من الضحكات ...فأنا جيت عشان أتكلم معاكو فى الدموع....وأمتى بتنزل دموعكم ...يعنى فى كتير من الناس بستعمل دموعها وسيلة لجذب الأنتباة ..أوالضغط على أنسان بتحبه ....وفى ناس تانيه دموعها دايما سابقة كلامها وده الناس الا بنقول عليهم مرهفين المشاعر أوىوفى ناس تانية خالص ...مش بتحب تبين دموعها أبد ودايما حبساه فى عنيها حتى لوكانو بيتعذبو من جواهم....
المهم أنا كنت عايزة أتعرف على الدموع فى حياة الأعضاء ...يعنى أية أكتر شىء ممكن تنزل دموعك فيه من غير ماتحس ....ومين الا بيهزك دموعه ومتقدرش تشوفه بيبكى ....ومين الأنسان الوحيد الا بترتاح لما تبكى قدامه...وأنت ممكن تكون من الناس الا بتحب تستعطف أو تجذب الأحواليه بدموعها ....
فى النهاية أحب أوضح ان الموضوع للبنات والولاد يعنى الولاد متقلش أحنا رجالة ومش ممكن نبكى زى البنات ...أحنا كلنا أسمنا أنسان عندنا مشاعر زى بعض بنبكى ونضحك يعنى الموضوع مفيهوش ولد وبنت....وكمان كنت حابة اعرفكم ان لو عيزين تبكو شوية أنا معنديش مانع ..وكمان حجبلكو كيلنكس على حسابى
بس ماكنتش بأورى حد دموعى أو أحاول استجذب عطفهم أو كده...بالعكس أنا كنت بأخبى دموعى عن أى حد...وبعد ماكبرت ده تطور انى حتى لو مش بكيت بس لما أبقى زعلان بأفضل أكون لوحدى جدا عشان مافيش حد يحس بحزنى...ونادر جدا لما حد بيحس انى مضايق ودايما ببتسم حتى فى أكتر المواقف حزن لدرجة إن ساعات كان فيه ناس حواليا من كتر ما بأبتسم بتفكر إنى ماعنديش أى مشاكل فى حياتى ولا أعرف أى شئ عن الحزن...و بجد ساعات الإبتسامة دى بتضيع الحزن....
