قصيده بعنوان(الديك بيدن)

[مسعدعبدالمعزأحمد]

أنا اللى عاشق ليل ونجوم
أقوم وأصلى الفجريه
الديك بيدن فى الفيوم
تسمع أدانه الشرقيه
أقول تكالى على الفتاح
وأدور وأسرح على رزقى
الطير بيحضن كل صباح
والواد بيحلم بصبيه
الديك بيدن فى الفيوم
تسمع أدانه الشرقيه
أحنا اللى كنا زمان دايرين
فى كل شارع أو حاره
بنبيع محبه وشوق وحنين
ولاكان بينقصنا شطاره
يتلفوا حوالينا الحلوين
لما أن ببنده بأشاره
بنكله وألا بنص فرنك
من غير مانبعت أى ترنك
ضاقت علينا الدنيا ياخلق
وبياعنا أصبح بخساره
عيون بتتلفت ليا
بتبكى والدمع ماليها
ياهلترى بتبكى على مين
على حظها
وألا عليا
الديك بيدن فى الفيوم
تسمع أدانه الشرقيه
الحلو عمرنا مانبيعه
لو حتى جفت ينابيعه
والحلوه عالشط تنادى
عنبنا طابت عناقيده
رمان على الخد حماره
وبلحنا يحلا بجماره
زغلول رطب وده حيانى
وفى العيون محلا سماره
جنيته من فوق بأيديا
الديك بيدن فى الفيوم
تسمع أدانه الشرقيه
يابت ياأم الشال شالنى
ورمانى فى الهوا ولاقاللى
يحلالى أضمك بعيونى
وأحط قلبك على قلبى
حبيبتى لابسه التوب أخضر
وماشيه عالنيل تتمخطر
وشعرها الحاضن الكتاف
بيبتسملى ويتغندر
لفيته بأيديا ضفاير
والقلب من حسنها طاير
يقوللى سيبنى أحضن فى هواك
أنا أحلى لما بأكون طاير
ومهرها من فين ييجى
أنا الفقير ولاليش حيله
قالتلى قلبك ملكى ّأ نا
متدخلوش غيرى صبيه
وأن كنت عاشق جد صحيح
القلب يكفينى هديه
أنا اللى عاشق ليل ونجوم
أقوم وأصلى الفجريه
الديك بيدن فى الفيوم
تسمع أدانه الشرقيه
******
مع وافر تحياتى

[المهاجر]

قصيدة ولا اروع كالعادة والاروع انى منذ الصباح لم استطع ان اضع مشاركة فى الاكاديمية لا اعرف لماذا ولكن مع مووضوعك تكك القيد

[همسه]

جميل قوى قوى يااستاذ مسعد والله بحييك صحيح انا المشرف العام هنا بس مش اقدر اعدل ورا حضرتك اى حاجه انا بتعلم من حضرتك وهفضل اتعلم على طول

[تنهيدة]

واللهى انت رائع يأستاذ مسعد انتى الوحيد دلوقت الآبتحسسنى ان مصر لسة فيها خير وكنت عايزة أقول انت مش بتعرض قصايدك عشان نقولك راينا انت بتعرضها عشان نتعلم منها وانا بشكرك انك بتعرضلنا القصايد الجميلة دة

[الامير الصغير]

الموضوع جميل جداً يا استاذ مسعد..
وتستاهله مصر اللى بنحبها كلنا
شكرا على القصيدة الجميلة

[hala]

الله الله الله يا أستاذ .....
أهو كده الكلام ...
فتحت نفسى والله على قراءة باقى المساهمات ..لكن يا ترى نشرت كتب ليك قبل كدة ؟