سؤال:بتكتب ليه وامتى ولمين و ....؟؟

خطواتك الأولى على درجات الأكاديمية, لتعريف باقى الأعضاء بنفسك عن طريق المواضيع الشخصية والنقاشية المختلفة.

المشرف: تنهيدة

قوانين المنتدى
يمنع تماما وضع البريد الألكترونى أو الموقع الشخصى داخل المواضيع فى هذا القسم أو غيره, يمكنك دائما وضع ذلك فى توقيعك وملفك الشخصى مع التحذير بأن إظهار بريدك الألكترونى فى موقع عام يعرض بريدك الألكترونى للرسائل المزجعة أو محاولات السرقة.
صورة العضو الرمزية
Ghadat2009
مشرفة قسم الكتابة
مشاركات: 1481
اشترك في: 02 فبراير 2009, 12:00 pm
Real Name: غادة يسري
Favorite Quote: كن جميلا ..... ترى الوجود جميلا :)
verification: ID verified and trusted writer
مكان: مصر الجميلة

سؤال:بتكتب ليه وامتى ولمين و ....؟؟

مشاركة بواسطة Ghadat2009 »

سؤال بيلح علي فقلت أجرب و اسأل ....

1- يا ترى اكتشفت امتى وازاي حبك للكتابة ؟صورة

2- فيه حد شجعك أو وجهك ؟صورة

3- جربت تكتب لمجلات أو جرايد ؟ صورة

4- فزت بأي مسابقات أدبية؟صورة

5- إيه هدفك من الكتابة ؟صورة

6- عندك هوايات غير الكتابة ؟صورة

7- بتقرأ لمين؟صورة

8- بتكتب لمين ؟صورة

9- بتحلم تحترف الكتابة ؟ولا تبقى هواية و بس!صورة

10-ايه المجال الأدبي اللي لقيت نفسك فيه أكتر من غيره ؟صورة
آخر تعديل بواسطة Ghadat2009 في 09 فبراير 2009, 1:48 am، تم التعديل مرة واحدة.
صورة

.
.
.
[highlight=#ffff40]*** لــزيارة صــفـــحـــتــي *** [/highlight]
صورة العضو الرمزية
المهاجر
مشرف قسم المقالات و النقد الفنى
مشاركات: 779
اشترك في: 04 نوفمبر 2008, 4:48 pm
Real Name: أحمد جمال الدين أحمد
Favorite Quote: دائما إفعل ما تحب ان يراك الناس عليه
دائماً لا تفعل ما يحب الناس ان يروك عليه
verification: ID verified and trusted writer
مكان: مصر
اتصال:

Re: سؤال:بتكتب من امتى؟؟

مشاركة بواسطة المهاجر »

طرح رائع يا غادة وانا هجاوب اول واحد اهو

1- يا ترى اكتشفت امتى وازاي حبك للكتابة ؟صورة

انا ما اكتشفتش دا انا كنت بكتب تعبير عن احساس جوايا ليس الا ودا بدأ وانا فى تانية ثانوى
2- فيه حد شجعك أو وجهك ؟صورة

قبل كدا لا لكن بعد ما جيت الاكاديمية لقيت كل التشجيع فكتبت للكتابة
3- جربت تكتب لمجلات أو جرايد ؟ صورة
لسة بفكر
4- فزت بأي مسابقات أدبية؟صورة
اول مسابقة اعرفها هى مسابقة مصر بكتب ايه
5- إيه هدفك من الكتابة ؟صورة
التعبير عن احساس جوايا تجاه اى حاجة

6- عندك هوايات غير الكتابة ؟صورة
الحمد لله انا بصمم صفحات النت وعندى موقع على النت وكمان بحب المشاركة الاجتماعية
صورة العضو الرمزية
Ghadat2009
مشرفة قسم الكتابة
مشاركات: 1481
اشترك في: 02 فبراير 2009, 12:00 pm
Real Name: غادة يسري
Favorite Quote: كن جميلا ..... ترى الوجود جميلا :)
verification: ID verified and trusted writer
مكان: مصر الجميلة

Re: سؤال:بتكتب من امتى؟؟

مشاركة بواسطة Ghadat2009 »

أشكرك جدا على الاطراء الجميل و الرد السريع يا أحمد..صورة

س1- انت جاوبت على السؤال الأولصورة صح (يمكن انا سألت غلط!) قصدت أول مرة كتبت -يعني زيك من ثانية ثانوي
س(2- 4) جميل جدا حبك واعترافك بالجميل للأكاديمية صورة
س5-هدفك من الكتابة جميل جدا
س6-أهي دي بقى مفاجأة بجد ! يعني ماشاءالله ازاي بتوفق بين الهوايات ؟ صورةو أعرف ان تصميم المواقع بياخد وقت شوية- ثم ايه عنوان الموقع بتاعك -لو ماعندكش مانع ممكن نزوره ؟
عموما .. أتمنى لك التوفيق دايما و.. من جد وجد انشاء الله.
صورة

.
.
.
[highlight=#ffff40]*** لــزيارة صــفـــحـــتــي *** [/highlight]
صورة العضو الرمزية
الأمير الحائر
مشرف قسم الروايات
مشاركات: 859
اشترك في: 31 أكتوبر 2008, 8:06 pm
Real Name: وليد توفيق
Favorite Quote: و تبقى الكلمات...
verification: ID verified and trusted writer

Re: سؤال:بتكتب ليه وامتى ولمين و ....؟؟

مشاركة بواسطة الأمير الحائر »

موضوع جميل جدا ياغادة وأنا حاولت أكتب رد كذا مرة عليه الأيام اللى فاتت بس بسبب انشغالى مالحقتش للاسف...وأدينى أخيرا هأعرف أرد على الأسألة الجميلة دى ويمكن هى استكمال لموضوع امتحان تعارف بس من ناحية أدبية أكتر منها شخصية ودى حاجة رائعة بجد صورة

1- يا ترى اكتشفت امتى وازاي حبك للكتابة ؟صورة

من وأنا صغير جدا يعنى فى الإبتدائى مثلا كنت بأرسم كاريكاتير كده بسيط من ناحية الرسم بس كنت بركز فيه على الكتابة الساخرة بشكل كبير أوى وكانت بتعجب أصحابى أوى...بعد كده بدأت الكتابة الفعلية وأنا عندى 14 سنة كخواطر وقصص.

2- فيه حد شجعك أو وجهك ؟صورة

فى البيت لأ خالص صورة كنت أنا الوحيد اللى بيحب القراية أصلا فى البيت وبالتالى الكتابة..أصلا هما كانوا وما زالو بيتريقوا على موضوع القراية والكتابةصورة...أما اللى شجعنى بجد أبى الروحى وأظن الأستاذ لجيل كامل..دكتور نبيل فاروق...هو اللى شجعنى اولا بباب عزيزى القارئ فى سلسلة كوكتيل 2000 واللى حاولت أبعتله فى بداية كتابتى وطبعا كان أيامها لسه عايشين فى عصر الجوابات ومافيش حاجة اسمها نت ولا ايميل انتشر وعشان كده تقريبا الجواب كلته القطة صورة المهم إن بعد كام سنة كان بدأت مسابقة روايتى للدكتور نبيل فاروق فى الرواية..ودى كانت أول تجربة ليا إنى أحول فكرة لرواية أو لأى نوع تانى عموما..وبدأت رواية الأمير..وحاوت أتقدم بس للأسف ماكملتش الرواية بسبب ظروف شخصية أيامها...بس بدأت بقى حبى للكتابة ككتابة وابتديت اِكتب فى منتديات أدبية كتير...كقسم أدبى فى منتدى عام..وكانت تجارب مالهاش فايدة...لحد مالقيت الأكاديمية هنا...وبعدها حدث ولا حرج...أعتقد كانت بحر كتابات غصت فيه منذ دخولها وانضمامى لبيت العيلة على حد تعبير هالة الجميل صورة
3- جربت تكتب لمجلات أو جرايد ؟ صورة

لأ..خالص صورة
4- فزت بأي مسابقات أدبية؟صورة

أنا مش (مسابقاتى) بطبعىصورة...يعنى مش بحب أشترك فى مسابقات إلا نادرا وأغلب كتابتى هى لرصد إحساس شخصى أو تحويل فكرة عابرة لعمل...بس ساعات كتير كانوا أصحابى اللى عارفين إنى بحب الكتابة بيدعونى لمسابقات ونادر لما كنت بشترك...و عمليا من يوم ما بدأت كتابة من 6 سنين ما اشتركتش غير فى مسابقة واحدة هى مسابقة الأديبة نجلاء محرم فى القصة القصيرة السنة دى...وحتى دى كانت بداية تعرفى على مؤسسة نجلاء محرم وحضورى فيها لتطوير كتابتى أكتر يعنى كانت المؤسسة ليها فايدة وأهمية أكبر عندى من المسابقة
5- إيه هدفك من الكتابة ؟صورة

متهيألى رديت على جزء من السؤال ده فى ردى اللى فات..الكتابة للكتابة..وفى أحيان تانية بتبقى الكتابة للتعبير عن وجهة نظر أو مبدأ أو حالة إنسانية تخيلتها وهكذا...يعنى الكتابة بالنسبالى زى متنفس وحيز للتعبير عن آراء وأحاسيس ومشاعر...

6- عندك هوايات غير الكتابة ؟صورة

كان زمان كتير جدا...كنت بلعب جودو لمدة طويلة وكنت ابتديت أدخل بطولات وكده قبل الثانوية العامة - ربنا يخدها - ما تبدأ...وبعد كده جت الكلية - ربنا يخدها بردو -صورة وماعرفش أكمل أى هواية أو نشاط حتى الكتابة اللى مارجعتش ليها الا حديثا جدا...

7- بتقرأ لمين؟صورة

دكتور نبيل فاروق طبعا...وحديثا الأديبة القديرة نجلاء محرم واللى ابتديت أتعلم منها الطريقة التصورية فى الكتابة وأستخدم التشبيهات والإستعارات اللى كنت مش بجأ ليها رغم تمكنى منها...ويمكن هى الفضل فى أن أخر قصة " ذلك اللامع " كانت من أفضل القصص اللى كتبتها كأسلوب لأنها كانت محتاجة التعبيرات التصورية الحالمة دى...
وحاليا كمان بقرأ لتنهيدة...المهاجر..غادة...وهمسة وكل اللى بيكتبوا فى الأكاديمية هنا رغم بعدى عن الأكاديمية الأيام اللى فاتت بس بجد دايما بحب كل الأعمال اللى بتكتب فيها...

8- بتكتب لمين ؟صورة
لمصر..للناس..للقضايا..للظلم..للمشاعر..و للحب...
9- بتحلم تحترف الكتابة ؟ولا تبقى هواية و بس!صورة
وحدها الأيام يمكن أن تجيب على هذا السؤال...
10-ايه المجال الأدبي اللي لقيت نفسك فيه أكتر من غيره ؟صورة

أنا بحاول ما اتقيدش بمجال معين فى الكتابة..أو حتى أسلوب معين...بس عموما أنا شخصيا بحب أكتب الروايات الرومانسية...

أنا إزاى كتبت كل الكلام ده؟ ربنا يكون فى عون اللى هيقرا بقى صورة وبجد شكرا على الأسألة الجميلة ياغادة صورة
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...

.....

...:: و تبقى الكلمات ::...

...... صفحتى فى الأكاديمية ......
صورة العضو الرمزية
Ghadat2009
مشرفة قسم الكتابة
مشاركات: 1481
اشترك في: 02 فبراير 2009, 12:00 pm
Real Name: غادة يسري
Favorite Quote: كن جميلا ..... ترى الوجود جميلا :)
verification: ID verified and trusted writer
مكان: مصر الجميلة

Re: سؤال:بتكتب ليه وامتى ولمين و ....؟؟

مشاركة بواسطة Ghadat2009 »

إجاباتك بجد رائعة جدا !صورة اسمح لي أطلق عليك أمير التأمل أو الفيلسوف الحالم

توقفت عند بدايتك : كتابة ساخرة و رسوم كاريكاتيرية و الآن حب الكتابة الرومانسية ... تطور مذهل !صورة
لا أدري لماذا تحمل هذا الرأي للمسابقات ؟ أعتقد ان الفوز في المسابقات امر مشجع و ليس معناه ان من يدخلها لا يكتب حبا في الكتابة ...صورة
بس واضح انك كاره صورةنظام التعليم و الكلية بتاعتك ( هي كلية أدبية ام لا؟)
يسعدني جدا ان تقرا لي و استفيد من تعليقاتك العميقة المستفيضة الأكثر من رائعة بصراحة
أشكرك جدا على تعريفنا بك أدبيا
صورةصورةصورة
صورة

.
.
.
[highlight=#ffff40]*** لــزيارة صــفـــحـــتــي *** [/highlight]
dr_hope
أكاديمى نشيط
أكاديمى نشيط
مشاركات: 173
اشترك في: 09 فبراير 2009, 9:17 am
Favorite Quote: لا تنس ذكر الله
مكان: مصر
اتصال:

Re: سؤال:بتكتب ليه وامتى ولمين و ....؟؟

مشاركة بواسطة dr_hope »

1- يا ترى اكتشفت امتى وازاي حبك للكتابة ؟صورة

مين قال اني بحب الكتابة أصلا ؟؟صورة

بدأت في اجازة السنة اللى فاتت(يعني كام شهر اهوه)،

و الحكاية اني انطوائي جدا مبخرجش خالص، فكنت بعاني اشد المعاناة من الفراغ،

فوجدت في الكتابة متنفّس ليه

كنت بكتب لنفسي كتير و بعدين أقطّع اللى كتبته و أرميه في الزبالة ..

لحد ما جرّبت يوم اكتب على الكمبيوتر؛ ووجد منتديات بيتعرض فيها الاعمال الادبية؛ قلت أجرّب حظّي

انا مبحبّش الكتابة، و متأكد انها مش مجالي خالص؛ بس هي زي ما قلت مجرد متنفس ليه ..

يعني لو انشغلت في اي حاجه؛ هسيب الكتابة خااالص ..

و علي فكرة الموضوع ده بيزعلّني جدا؛ و حاسس اني لو حبّيت الكتابة فعلا ؛ ممكن اعمل حاجات كويّسة



2- فيه حد شجعك أو وجهك ؟صورة

محدّش يعرف اصلا اني بكتب حاجة
3- جربت تكتب لمجلات أو جرايد ؟ صورة

لا .. لحداثة عهدي بالكتابة أولا

ثانيا لرداءة ما أكتبه

4- فزت بأي مسابقات أدبية؟صورة

انا اشتركت في حوالى أربع مسابقات الى الان و ده من ساعة ما بدأت؛ و إلى الآن؛ النتائج لسه مظهرتش .. لو ظهر حاجه هقولكم

أقصى حاجه؛ إن بعض قصصي تم اختيارها أعمال متمّيزة في عدّة منتديات ؛ ده لا يرجع انها متميّزة غالبا؛ لكن لقلّة الأعمال المتميّزة الأخرى .. يعني أحسن الوحشيين
5- إيه هدفك من الكتابة ؟صورة

لو قلت اني ليه رسالة عاوز اوصّلها من خلال كتاباتي؛ أكون كداب ..

بس هدفي إلى الآن زي ما قلت؛ القضاء على الفراغ..
6- عندك هوايات غير الكتابة ؟صورة

الأكل- النوم - النت(تصميم منتديات-و عندي منتدى)- كرة السلّة _أحيانا_، القراءة ..
7- بتقرأ لمين؟صورة

بقرأ أي حاجة و لأي حد؛ حتى الكلام اللى موجود على ورقة الشمعدان؛ و كيس الايريال بقرأه ..
8- بتكتب لمين ؟صورة

لنفسي ..

9- بتحلم تحترف الكتابة ؟ولا تبقى هواية و بس!صورة

بحلم أسيب الكتابة في أقرب فرصة ممكنة
10-ايه المجال الأدبي اللي لقيت نفسك فيه أكتر من غيره ؟صورة

بكتب اللى بيجي على لساني على حسب الحالة المزاجية .. دون الالتفات لموضوع المجالات دي .. بس على حسب

عدد الحاجات اللى كتبتها؛ تقدر تقول .. القصة القصيرة اكتر حاجة كتبتها إلى الان ..


حسبنا الله و نعم الوكيل !
تنهيدة
مشرفة قسم أدب الأطفال
مشاركات: 1291
اشترك في: 04 نوفمبر 2008, 3:01 am
Real Name: نهاد نعمان
Favorite Quote: لوسرقت منا الأيام قلباً معطاء بسام لن نستسلم للآلام ...لن نستسلم للألام .....
verification: ID verified and trusted writer
مكان: بنت مصر

Re: سؤال:بتكتب ليه وامتى ولمين و ....؟؟

مشاركة بواسطة تنهيدة »

1- يا ترى اكتشفت امتى وازاي حبك للكتابة ؟صورة
من وأنا صغيرة وأنا دايما احب أشكى للورقة والقلم كانوا دايما لما يزعلونى فى البيت ملقيش حل غير أنى أكتب
مكنتش أعرف بعد كده أنها ميزه كبيرة اوى الأنسان ألا بيعرف يعبر عن أحساسه بالكتابة ...ولما كبرت بقة شويه بقيت بشترك فى جميع الأنشطة الأديبية فى المدرسة وكنت بكتب قصص دايما للمدرسة وحتى قبل كده ذكرت أيه أول قصة كتبتها بس بلاش أذكره عشان محدش يدبسنى فى نشرها صورة...وبعد كده بقيت بكتب معاكم هنا وخرجت حاجات كانت دايما حبيست الأدراج ..بس حقيقى معاكم حسيت بمتعت الكتابة الحقيقية ...

2- فيه حد شجعك أو وجهك ؟صورة
واللهى أنا كنت فاكره ان موضوع الكتابة ده سر من أسرارى فمكنتش بهتم أنى أقول لحد لكن هم فى البيت عرفين أنى دايما بحب القراءة والكتابة وجميع الأنشطة الا تخص المجالات ديه وعندى أخواتى فى البيت بئو من عشاق الموقع ودايما بيقراو الا أنا بكتبة والا كل الأعضاء بيكتبواه ..لكن بصراحة أنا كانت فى أستاذه ليه فى المدرسة كانت بتشجعنى دايما ...

3- جربت تكتب لمجلات أو جرايد ؟ صورة
لا ..بس لو تنفع مجلات المدرسة فكنت دايما بكتب فيها وكمان بصممها ...

4- فزت بأي مسابقات أدبية؟صورة
لا ...وحقيقى أنا مش من هوايتى المسابقات أنا حتى لما أشتركت فى الموقع مكنتش أعرف فى الأول انه بيقدم مسابقة ....بس حبيت بعد كده أوى هدف الموقع وانه بيعمل المسابقة لتفعيل الموقع وتنشيطة ..لان معتقدش أن الا حيفوز بالجايزة حيكون هو الوحيد الا كان بيكتب كويس ..لان بجد أنا شايفة ان كل الأعضاء عندها موهبة كبيرة فى الكتابة ويستهلوا حقيقى الفوز وبدليل أن وليد من أنشط وأحسن الا بيكتبوا فى الموقع ومع ذلك فالأكاديمية أخترته يكون مشرف عام وده بيأكد أن المسابقة جزء من الأكاديمية الا هدفه الوحيد تخريج ناس بتحب الكتابة وبتعرف قيمته وربنا يوفق الجميع انشاء الله ...أنا حاسه انى اتكلمت كتير صورة

5- إيه هدفك من الكتابة ؟صورة
هو الحلم أنى أقدر دايما أحلمصورة ولو حيكون الحلم بس على ورق ..أن أقدر أوصل أحساس مقدرش كلامى يوصله ..هدفى من الكتابة أن أفضل أحب والانسان الا بيقدر يعبر عن أحساسه هو الأنسان الا بيعرف يحب ...بصراحة هدفى من الكتابة حياة تانية مش حقدر أعشها غير على الورق...

6- عندك هوايات غير الكتابة ؟صورة
بصراحة أنا بحب أعمل حاجات كتير فى حياتى بس يعنى هى مش هوايات رياضية ولا حاجة ..بلاش أقوله أحسن عشان محدش يتريق ...بس حقيقى أن بحب أوى مكنش روتنية فى حياتى وبعمل حاجات كتير بحاول أقتل بيه الملل..

7- بتقرأ لمين؟صورة
بقراه ليكم كلكم ...واللهى بجد أنا بحب قوى أقراه كتاباتكم ...بحب أقراه كل كتابات وليد بحس أنه متنوع وانه كاتب شامل المفروض يكون بقه أسمه على كتب..بحب كتابات أحمد الصياد الا فيه ثورة الشباب الجميلة ..بحب أقراه لمحمد أبن مصر لانى بحس بحب مصر فى كل
مواضيعة ... بحب شعر همسه وولاء وهالة ..بحب قصصك وخواطرك الجميلة ياغادة بحب أقراه أحساس لارا الجميل بحب أقراه لكل أعضاء الأكاديمية لانى بحس وأفهم كلامكم لان كلنا بنتكلم بالغة واحده وأحساس واحد أن عايزة أقول كل الأعضاء ...لكن أنا حاسة فعلا انى بتكلم كتير ..

8- بتكتب لمين ؟صورة

بكتب للحب جوايا ...بكتب لآحساس خايفة الزمن يقتله بكتب ليكم لانى بحس أنكم حتحسوا نفس أحساسى

9- بتحلم تحترف الكتابة ؟ولا تبقى هواية و بس!صورة
مبحلم أنى أفضل اكتب طول عمرى وميحيش اليوم الا يعجز قلمى عن وصف مشاعرى مش مشكلة بقة حكون محترفة ولا هواية المهم انى أفضل أكتب

10-ايه المجال الأدبي اللي لقيت نفسك فيه أكتر من غيره ؟صورة
أنا نفسى أتعلم كل المجالات لكن لحد دلوقتى أن بحب الخواطر أوى لكن بجد بحاول أنى أعرف أكتب كل حاجة وأعتقد انى أتعلمت حاجات كتير من أعضاء الأكاديمية ....
بشكرك أوى ياغادة على أسئلتك الجميلة ...وبجد أسفة أنى طولت عليكم ...صورة
صورة
صورة العضو الرمزية
هبة الله محمد
مشرفة قسم أخبار الأدب
مشاركات: 672
اشترك في: 28 نوفمبر 2008, 12:20 am
Favorite Quote: الجحيم هو الآخرين.
verification: ID verified and trusted writer

Re: سؤال:بتكتب ليه وامتى ولمين و ....؟؟

مشاركة بواسطة هبة الله محمد »

1- يا ترى اكتشفت امتى وازاي حبك للكتابة ؟صورة
يعني أما كنت باقرأ حاجة بحس إن أنا عايزة اكتب زيها فكنت كل ما اقرأ لحد أقلده شوية..الموضوع ده بدأ من زمان لأن والدي علمني القراءة من وأنا عندي 8 سنيين فبدأت أحاول في سن صغير.
2- فيه حد شجعك أو وجهك ؟صورة

والدي شجعني جدا بس كنت باجيبله احباط لأن أنا كنت بحس إني مش موهوبة فمكنتش مهتمة بالموضوع قوي.. وكمان أختى الكبيرة بس هي بطلت كتابة وأنا اللي رجعت شجعتها ثاني وبقيت اكتب لها وابعت لها الأعمال من غير ما تعرف..إنما توجيه كنت باقرأ النقد اللي بتكتب عن أعمال ثانية وأصلح نفسي على أساسه.

3- جربت تكتب لمجلات أو جرايد ؟ صورة

لا..الصراحة بحس إن النشر في معظمها واسطة من مستوى الأعمال اللي بتشر خاصة في الصحف المحلية.

4- فزت بأي مسابقات أدبية؟صورة

آه فزت كثير..ىخر مسابقة اللي أسعدتني جدا إن أنا خدت المركز الثالث في مسابقة د.نبيل فاروق للخيال العلمي..طبعا ما صدقتش نفسي لما اتصوا بيه..ولسه لحد دلوقتي مش مصدقة إني هأشوف د.نبيل الشهر الجاي.

5- إيه هدفك من الكتابة ؟صورة

توصيل معنى معين بيلح علي ..يعني مرة كنت عايزة اكتب عن عقدة الذنب والشعور بالأثم فعملت قصة كاملة مخصوص عشان كده فلازم يكون فيه هدف معين حتى لوبكتب أدب مغامرة لازم يكون فيه هدف إنساني مش تسلية بس.

6- عندك هوايات غير الكتابة ؟صورة
عندي باحب اتفرج على ماتشات الكورة جداصورةما بهزرش على فكرة..وباحب أشتري الكتب طبعا دي حاجة غير قراءة الكتب..باحب الكتابة والقراءة..وكنت زمان باحب تقليد الرسوم بس دلوقتي مش قوي..وباحب الموسيقى الكلاسكيك والسفر جدا..لو طلت أسافر كل يوم هأسافر.
7- بتقرأ لمين؟صورة
باحب كتاب كثير وبقرأ لكتاب كثير بس بصفة خاصة بحب كتابات أكثر جبران خليل جبران وفرانز كافكا وهرمان هسه..وكمان بحب توفيق الحكيم وكل كتاب روايات مصرية للجيب.


8- بتكتب لمين ؟صورة


لنفسي أولا..وعشان أسيب حاجة بعديا.
9- بتحلم تحترف الكتابة ؟ولا تبقى هواية و بس!صورة

ياريت..عند أول فرصة هأطلق هندسة الكمبيوتر بالثلاثة واتفرغ للكتابة.
10-ايه المجال الأدبي اللي لقيت نفسك فيه أكتر من غيره ؟صورة

القصة القصيرة..بس لو كان نوعية القصص فأنا باكتب كله..زي تجار الشنطة بتوع كله.
صورة
صورة العضو الرمزية
Ghadat2009
مشرفة قسم الكتابة
مشاركات: 1481
اشترك في: 02 فبراير 2009, 12:00 pm
Real Name: غادة يسري
Favorite Quote: كن جميلا ..... ترى الوجود جميلا :)
verification: ID verified and trusted writer
مكان: مصر الجميلة

Re: سؤال:بتكتب ليه وامتى ولمين و ....؟؟

مشاركة بواسطة Ghadat2009 »

D.Hope إجاباتك بالرغم من غرابتها شوية الا انها تلقائية جدا و صادقة - بس مش عارفة ازاي مبتحبش الكتابة رغم موهبتك الواضحة فيها ؟ ده تواضع و لا انكار للذات و لا أزمة ثقة ؟صورة
على فكرة : انت ورا كتاباتك فيه أفكار و اسقاطات و ده معناه انها مش قتل وقت و بس !صورة
حلو موضوع هواية الأكل و النوم ده !بس اوعى يقلب "احتراف!" صورة
و بتقرا اي حاجة؟ يمكن تنوع قراءاتك سبب رنة السخرية اللى في كتاباتك و حتى في كلامك !

بيتهيألي كده ان عدم تمكنك من كتابة الرواية اللي عايز تكتبها وراه نظرتك -الساخرة طبعا - للقراءة على انها مجرد تضييع وقت ! يعني لو خدتها جد حتى لو بتكتب هزار حتقدر تكتب روائع ..صورة

أشكرك لتعريفنا للكتير عنك ! صورة

صورة

.
.
.
[highlight=#ffff40]*** لــزيارة صــفـــحـــتــي *** [/highlight]
صورة العضو الرمزية
Ghadat2009
مشرفة قسم الكتابة
مشاركات: 1481
اشترك في: 02 فبراير 2009, 12:00 pm
Real Name: غادة يسري
Favorite Quote: كن جميلا ..... ترى الوجود جميلا :)
verification: ID verified and trusted writer
مكان: مصر الجميلة

Re: سؤال:بتكتب ليه وامتى ولمين و ....؟؟

مشاركة بواسطة Ghadat2009 »

أشكرك على مرورك الجميل أيتها الزعيمة تنهيــدة ! صورةصورةصورة
بصراحة طول مانا باقرا اجاباتك حاسة اني باخد حوار معاكي و احنا ماشيين مع بعض في بستان رائع مليان انواع ورود -نور الشمس و دفاها و زقزقة العصافير في كل مكان : بجد انتي رومانسية حتى النخاع زي مابيقولواصورة

1- ده كده عشق للكتابة مش بس حب ! صورة
2-اجابتك حسيت انك بتدوري على حد تهديله نجاحك وواضح انك بتحبي كل الناس ! صورة
3-كتابة و تصميم كمان ؟ تقصدي تصميم و لاّ تنسيق المحتوى بتاعها ؟
5-اجابتك هنا مميزة جدا !
6-نفسي أعرف هي اييييه؟صورة
8- دي بداية خاطرة رائعة ... و اللع اعلم ! صورة
9- انت بتحبي الحرية فعلا !
10- بيتهيألي انك ممكن تكتبي شعر مميز جدا!
على فكرة ماطولتيش ابدا - بالعكس نورتينا جدا جدا .................صورة
صورة

.
.
.
[highlight=#ffff40]*** لــزيارة صــفـــحـــتــي *** [/highlight]
أضف رد جديد

العودة إلى ”من أنت...؟“