ياترى يا أوباما يا بن حسين هتبقى معانا و لا مع مين ؟ شوف كام مقالة مكتوبين كله بيقول يا ترى على فين ؟ بدأت بدري أهو ...يا معين وادينا كلنا ... مستنيين هترد امتى ياراجل يازين؟ و اوعى تقول هتشوف العين
ما الأندال خدونا على غفلة ! وكنت حضرتك في الحفلة صادوها ياعيني و كات صيدة سهلة وضربوا بغدر في عز المهلة! نشرولنا صورة راس الطفلة و جنبها صورتك الهايلة قال بيقولوا هيعدل المايلة
شوفوا ازاي بقت حالتنا ؟ هي بابانا و لا مامتنا ؟ عاملة فتوة هنا.. ف حتّّتنا أمريكا دي خلاص احتلتنا! مش كات عمّالة .. تفتّتنا ! عراقي يقولك : خربت بيتنا ! وكويتي يقول : دي حمايتنا! سوري يصرخ.... بنهددنا ؟ بس بصراحة دي بتستتنا!!
ياترى يا أوباما يا بن حسين هتبقى معانا و لا مع مين ؟
هايلة جدا جدا...حقيقى أسلوب مناسب للفكرة وبينها جدا أكتر من لو كانت بالفصحى...ويمكن التوفيق فى إختيار اللغة المناسبة للموضوع أكبر سبب لإعجابى بالقصيدة مع أفكارها اللى كلنا فعلا فكرنا فيها...وإزاى ناس كتير شافت أوباما كأنه البطل المنقذ اللى جاى يغير الكون! مع إن ده بردوا اللى قلناه لما جه بوش! وده بيبين فعلا عقدة أمريكا اللى بقت فى أذهان العرب هى زعيمة الكون وبالضرورة أى تطور للزعيمة دى هيبقى تطور للبشر كلهم!
بحييكى ياغادة على القصيدة ويمكن أول مرة أقرى عمل بيتكلم على الموضوع ده بواقعية..وبالنسبة لأوباما ابن حسين...فهو مش معانا طبعا..هو مع أمريكا..وأمريكا دايما مع الناس التانيين...
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...
.....
الأمير الحائر كتب:هايلة جدا جدا...حقيقى أسلوب مناسب للفكرة وبينها جدا أكتر من لو كانت بالفصحى...ويمكن التوفيق فى إختيار اللغة المناسبة للموضوع أكبر سبب لإعجابى بالقصيدة مع أفكارها اللى كلنا فعلا فكرنا فيها...وإزاى ناس كتير شافت أوباما كأنه البطل المنقذ اللى جاى يغير الكون! مع إن ده بردوا اللى قلناه لما جه بوش! وده بيبين فعلا عقدة أمريكا اللى بقت فى أذهان العرب هى زعيمة الكون وبالضرورة أى تطور للزعيمة دى هيبقى تطور للبشر كلهم!
بحييكى ياغادة على القصيدة ويمكن أول مرة أقرى عمل بيتكلم على الموضوع ده بواقعية..وبالنسبة لأوباما ابن حسين...فهو مش معانا طبعا..هو مع أمريكا..وأمريكا دايما مع الناس التانيين...
كلماتك الرائعة بتحمسني جدا جدا فألف شكر لسرعة التعليق و روعته بالنسبة لأوباما فالكلام و التوقعات منه كتيرة بشكل مغالى فيه ... لتعدد ثقافاته ووعوده الانتخابية ! لكن المحزن ان احنا بنستنى من امريكا الكلمة الأخيرة في معظم أمورنا العربية و احيانا حتى المحلية ... يارب ده يتغير في يوم من الأيام
حلوة جداااااااااااا يا غادة ماشاء الله ...وفعلا العامية كانت مناسبة للقصيدة دي اوي ويمكن دا لان الانسان لما بيكون متحمس اوي في الكلام او الكلام خرج علي لسانه بسرعة وطلقائية بيكون غالبا بالعامية ...بحيكي كتييير..وعجبتني اوي " و جنبها صورتك الهايلة قال بيقولوا هيعدل المايلة"......
mona كتب:حلوة جداااااااااااا يا غادة ماشاء الله ...وفعلا العامية كانت مناسبة للقصيدة دي اوي ويمكن دا لان الانسان لما بيكون متحمس اوي في الكلام او الكلام خرج علي لسانه بسرعة وطلقائية بيكون غالبا بالعامية ...بحيكي كتييير..وعجبتني اوي " و جنبها صورتك الهايلة قال بيقولوا هيعدل المايلة"......
أشكرك جدا يا منى على تعليقك الرائع ده و سعيدة ان التعبير ده عجبك ووصلك ! و بقولك من تاني بجد نورت أكاديميتنا الجميلة !
لماحة والله ... برافو عليكى ... على فكرة تقدرى تعرفى اخبارى من طريقتى فى الرد و التعليق... بس على فكرة ... ده الهدوء اللى بيسبق العاصفة..... كلام فى سرك... بجهز قنبلة فوسفورية للحزب اياااه .
جميله اوى الفكره والاسلوب. اما عن موضوع اوباما فبما انه من اصل افريقى فكلنا فاكرين انه هيعمل الى احنا عوزينه بس دى فكره غلط لانه فى الاخر رئيس الولا يات المتحده والاشخاص الى انتخبتوا امريكان يعنى هو جاى عشان يخدم مصالحهم هما مش مصالح افريقيا والعرب.
ويمكن أول مرة أقرى عمل بيتكلم على الموضوع ده بواقعية..وبالنسبة لأوباما ابن حسين...فهو مش معانا طبعا..هو مع أمريكا..وأمريكا دايما مع الناس التانيين...
و بقولك من تاني بجد نورت أكاديميتنا الجميلة
... بجهز قنبلة فوسفورية للحزب اياااه .
