لماذا اخترت الأسم والتوقيع الشخصي؟

22 فبراير 2009, 11:41 pm

لماذا اخترت الأسم والتوقيع الشخصي؟

23 فبراير 2009, 7:01 am

انهى اسم بقى انا كان ليا اكتر من اسم منهم احمد الصياد وثانيهم الحاج احمد ثالثهم حبيبتى يا مصر دلوقتى المهاجر كمان يوم ولا بتاع هيبقى الحب الضائع

المهم ناخدهم اسم اسم :
1- احمد الصياد ..............عشان دا اسمى واخترته اول ما اشتركت فى الاكاديمية
2- الحاج احمد .............. تنهيدة عارفة الموضوع حلو يا ستى كنت بقولها الحاجة تنهيدة ، فقلت انا اولى بقى بالحاج دى
3- حبيبتى يا مصر ........ اثناء حرب غزة والهجوم على مصر واتهامها بالخيانة من العرب فكان لازم ننمى روح الانتماء فينا عشان ما نديش فرصة للشيطان يسمعنا كلام العرب
4- المهــــاجر ........ لانى مسمى الموقع بتاعى المهاجر يعنى راحل من زمن لزمن تانى
5- الحب الضائع ....... بسبب الحب اللى ضاع منى وقت ما كان بايدى يبقى ايه ضايع

بس دا بالنسبة لللاسماء

اما التوقيع :-

1- اول توقيع كان صورة صقر ومكتوب عليها اسمى وكان اللى عملهالى امير اخو وليد فاساليه هو بقى ليه اختار ليا الصقر
2- التوقيع الموجود دلوقتى .. احداث غزة واللى طلعه فى التلفزيون ويقولوا احنا لازم نحارب بالكلام .... انا قولت لا انا احارب فعل واشجع المقاطعة

23 فبراير 2009, 9:02 am

سؤال جميل و ذكي للمزيد من التعارف و الفهم للآخرين !

أما عن الاسم : فأنا حسيته قبل ما أكتبه ! يعني كنت عايزة أغير في نفسي بعض حاجات ....و أبقى متخمسة أكتر لحاجات بس أحترس من التشتت اللخبطة و عدم الاستقرار و عشان كدة كتبت اسمي و جنبه السنة اللي قررت فيها التغيير و الحماس وهي 2009 و سبب كتابته بالانجليزية : عشان ننطق حرف ال ( ت ) فيبقى له معنى !

أما التوقيع الشخصي : فأنا باعشق التأمل في مخلوقات الله

و خاصة المناظر الطبيعية ...و قبل التوقيع الحالي .. كان فيه صورة مصاحبة لعبارة : (سبحان الله و بحمده -سبحان الله العظيم )...كانت صورة لقوس قزح ( و ده من اجمل الظواهر اللي لما كنت بشوفها بحس اني هطير من الفرحة ... بالوانه الرائعة و التفاؤل اللي فيه ) يخترق حديقة و على يمينه فيه شجرة شبه ميتة ..مافيهاش و رق و لا أي نضارة .. و على الشمال فيه شجرة في منتهى الخضرة و النضارة و الجمال فكان منظر يستدعي التأمل !
أما التوقيع الحالي فهو منظر طبيعي برضه بس غني بألوان مبهجة و مريحة جدا للعين و للقلب وكمان الروح كمان : اللون الأخضر - و الأزرق
بس المشكلة اني ملولة شوية ...يعني ممكن أغير التوقيع تاني و تالت ... و بقاوم نفسي اني اغيره كل يوم .!

23 فبراير 2009, 11:23 pm

المهـــــاجر كتب:انهى اسم بقى انا كان ليا اكتر من اسم منهم احمد الصياد وثانيهم الحاج احمد ثالثهم حبيبتى يا مصر دلوقتى المهاجر كمان يوم ولا بتاع هيبقى الحب الضائع

المهم ناخدهم اسم اسم :
1- احمد الصياد ..............عشان دا اسمى واخترته اول ما اشتركت فى الاكاديمية
2- الحاج احمد .............. تنهيدة عارفة الموضوع حلو يا ستى كنت بقولها الحاجة تنهيدة ، فقلت انا اولى بقى بالحاج دى
3- حبيبتى يا مصر ........ اثناء حرب غزة والهجوم على مصر واتهامها بالخيانة من العرب فكان لازم ننمى روح الانتماء فينا عشان ما نديش فرصة للشيطان يسمعنا كلام العرب
4- المهــــاجر ........ لانى مسمى الموقع بتاعى المهاجر يعنى راحل من زمن لزمن تانى
5- الحب الضائع ....... بسبب الحب اللى ضاع منى وقت ما كان بايدى يبقى ايه ضايع

على فكرة موضوع تغيير الأسم ده لخبطتني كثير، ومرة افتركتك بنت جديدة اشتركت في المنتدى(حبيبتي يا مصر)

والمرة دي غبت ورجعت لقيت المهاجر، وما كنتش بعرفك غير من الصقر..

23 فبراير 2009, 11:34 pm

ghadat2009 كتب:سؤال جميل و ذكي للمزيد من التعارف و الفهم للآخرين !

أما عن الاسم : فأنا حسيته قبل ما أكتبه ! يعني كنت عايزة أغير في نفسي بعض حاجات ....و أبقى متخمسة أكتر لحاجات بس أحترس من التشتت اللخبطة و عدم الاستقرار و عشان كدة كتبت اسمي و جنبه السنة اللي قررت فيها التغيير و الحماس وهي 2009 و سبب كتابته بالانجليزية : عشان ننطق حرف ال ( ت ) فيبقى له معنى !

.!

إن شاء الله بعد كده هننطقه صح..

ghadat2009 كتب: أما التوقيع الشخصي : فأنا باعشق التأمل في مخلوقات الله و خاصة المناظر الطبيعية ...و قبل التوقيع الحالي .. كان فيه صورة مصاحبة لعبارة : (سبحان الله و بحمده -سبحان الله العظيم )...كانت صورة لقوس قزح ( و ده من اجمل الظواهر اللي لما كنت بشوفها بحس اني هطير من الفرحة ... بالوانه الرائعة و التفاؤل اللي فيه ) يخترق حديقة و على يمينه فيه شجرة شبه ميتة ..مافيهاش و رق و لا أي نضارة .. و على الشمال فيه شجرة في منتهى الخضرة و النضارة و الجمال فكان منظر يستدعي التأمل !
أما التوقيع الحالي فهو منظر طبيعي برضه بس غني بألوان مبهجة و مريحة جدا للعين و للقلب وكمان الروح كمان : اللون الأخضر - و الأزرق
بس المشكلة اني ملولة شوية ...يعني ممكن أغير التوقيع تاني و تالت ... و بقاوم نفسي اني اغيره كل يوم .!

عادي كله بيغير توقيعه كل يوم..أنا شخصيا غيرته حوالي اربع مرات لحد دلوقتي..غيري ولا يهمك..وعجبني حبك للمناظر الطبيعية الجميلة، بحس ساعات لو كانت بوتنا في وسط مناظر طبيعية جميلة كان الواحد عمره ما يحس باكتئاب على العكس من شوارع المدن زحمة وكئيبة والعمارات لونها رمادي يسد النفس..شكرا على ردك الجميل

يوبا · 26 فبراير 2009, 11:32 pm

يوبا : إسم ملك امازيغي قديم

وأنا أمازيغي لذلك اخترت الإسم إل جانب أنه سهل النطق

أظن أنه بلهجة مصرية ما يعني الأب أيضا

dr_hope · 27 فبراير 2009, 8:40 am

يتحدّث مهاجر عن الحب الضائع

و أنا أتحدّث عن الأمل الضائع ..

ليست نظرتي تشاؤمية؛ لكنّها سوداوية فقط .. لم تبلغ بعد حد التشاؤم

فأنا أحاول أن أقنع نفسي أنه لا يزال هناك أمل

لذا كان الاسم hope و dr لأني طالب حاليا في كلية الطب؛ و بعد يجي تلت ارباع سنة هكون طبيب امتياز فاشل أد الدنيا ..

و هروح شكلي هتكلّف زي الدكتور نبيل في أقاصي الصعيد

و لا شك إني هكتب مذكّراتي بردو

اشمعنى أنا يعني ؟؟؟

بالنسبة للتوقيع .. فمعنديش واحد أصلا

و السبب إني بكسّل أعمله بصراحه

06 مارس 2009, 6:35 pm

يوبا كتب:
يوبا : إسم ملك امازيغي قديم
وأنا أمازيغي لذلك اخترت الإسم إل جانب أنه سهل النطق

هل أنت من إحدى دول المغرب العربي؟..لقد سمعت عن اللغة الامازيغية على أحد المواقع وأعتقد أنها لا زالت مستخدمة حسب ما فهمت

يوبا كتب:
أظن أنه بلهجة مصرية ما يعني الأب أيضا

ممكن والله..(بوبا) بدلا من (بابا)

06 مارس 2009, 6:43 pm

نداااء الى هبة !

نحن في انتظار أن تخبرينا بدورك : لماذا اخترتِ الصورة الرمزية لفتاة تحت المطر؟ أما التوقيع فأكيد سببه هوايتك التي أخبرتنا بها " جمع مقتطفات مما يعجبك" أليس كذلك؟

06 مارس 2009, 7:05 pm

ghadat2009 كتب:أما التوقيع فأكيد سببه هوايتك التي أخبرتنا بها " جمع مقتطفات مما يعجبك" أليس كذلك؟

بالضبط..

..كنت سأقولها..
بالفعل كل توقيعاتي كانت عبارة عن مقتطفات من الكتب عدا توقيع واحد تقريبا أيام حرب غزة..

ghadat2009 كتب:نداااء الى هبة !

نحن في انتظار أن تخبرينا بدورك : لماذا اخترتِ الصورة الرمزية لفتاة تحت المطر؟

لازم الاحراج..اولا الاسم أخترت الأسم لأنني كلما اخترت اسما رمزيا انساه لأنني اشترك في 70000 منتدى فقررت في النهاية أدخل باسمي الحقيقي كي لا أنسى كل الأسماء التي اخترعتها..
صورة الفتاة التي تسير تحت المطر

اخرتها لأنها تشبهني بالتأكيد؛ ذات الملامح الباهتة ، والقامة المحنية المتعبة التي تسير رغم كل شيء وسط العواصف والمطر..
وهناك سبب آخر طبعا أنني وجدت الصورة بالمصادفة على جهازي ولا أعرف من أين أتت..لابد وأنها حفظت مع إحدى صفحات الانترنت التي احفظها..

أكاديمية ايجيبت رايت الأدبية