ايه كل الأحلام السعيدة ده بجد أحلام جميلة بتمنى تتحقق كلها
ياسلام فعلا يامحمد لو تحقق الوحده العربية ونكون صف واحد وكل أنسان ينقى نفسه من الحقد والنفاق انا متأكدة اننا حنعيش فى دنياجديدةيارب أحلامك الا هى أحلامنا كلها تتحقق
نيجى لأحلام الطفولة البريئة بجد كلها براءة بس صدقنى ياأمير عيش طفولتك واكيد حتكبر ويارب تكون أجمل شاب فى الدنيا لان سنك الا أنت فيه أحلى سن فى الدنيا وحلمك التانى ان تكون مصر جميلة وأكيد حتكون جميلة طول مافى أطفالك زيك بيحلمو بتطورها وياريت ياأمير فعلا كل النظام التعليمى يتغير مش بس المدرسين وبلاش ياأمير حكاية الونش وياريت تتغط قبل ماتنام ويارب ياأمير تحقق كل أحلامك..
اما أنتى ياهبة فا أحلامك حدخلنا المعتقل بس ولا يهمك احلامى على كفيك وانشاء الله حتتحقق كل احلامك ونفسى فعلا ياهبة نتعلم أزاى يكون عندنا لغة حوار ونتخلص من كل القوانين الا خناقنى وخنقة ناس كتير بس ياهبه طول ما حنحلم أكيد حنحقق كل احلامنا بشكر كل الا شارك فى الموضوع وبتمى من قلبى ان تتحقق كل احلامنا
تيجى نحلم لسنة الجديدة
المشرفون: محمد محمود،المهاجر
-
- أكاديمى نشيط
- مشاركات: 412
- اشترك في: 09 ديسمبر 2008, 2:33 pm
- Real Name: رانيا حسن
- verification: ID verified and trusted writer
Re: تيجى نحلم لسنة الجديدة
عارفة يا تنهيدة لما قريت كلامك اتمنيت ايه ؟اتمنيت يكون عندي صديقة زيك انسانة عندها اخلاق ومبادىء وكمان قلب كبير يحس باللي حواليه, حياتي عبارة عن متاهة ولولا اسرتي والولدين ,وايمان بحول احافظ عليه كان زماني سلمت بالنهاية من زمان ,نفسي ابقى حرة انا حاسة اني في سجن كل يوم الزنزانة بتضيق نفسي اتنفس هواء الدنيا ,نفسي صوتي يعلا من غير خوف نفسي اقدر افتح بيتي للكل ,نفس استعيد صحتي زي الاول ,نفسي الاقي نفسي ,نفسي ربنا يحمي الولدين عشان يبقى فيه قيمة لكل اللي ضاع من عمري ,انا اسفة لكل الكابة دي بس مش هتصدقي انامش لاقية حد اكلمه لاني خايفة على الناس القريبة مني انها تعرف اللي انا مخبياه جواية وشكرا مرة ثانية يا تنهيدة .
-
- أكاديمى نشيط
- مشاركات: 173
- اشترك في: 09 فبراير 2009, 9:17 am
- Favorite Quote: لا تنس ذكر الله
- مكان: مصر
- اتصال:
Re: تيجى نحلم لسنة الجديدة
بحلم ألاقي نفسي في السنة الجديدة
لأنها تايهه مني من زمان
حسبنا الله و نعم الوكيل !
-
- مشرفة قسم أدب الأطفال
- مشاركات: 1291
- اشترك في: 04 نوفمبر 2008, 3:01 am
- Real Name: نهاد نعمان
- Favorite Quote: لوسرقت منا الأيام قلباً معطاء بسام لن نستسلم للآلام ...لن نستسلم للألام .....
- verification: ID verified and trusted writer
- مكان: بنت مصر
Re: تيجى نحلم لسنة الجديدة
المصرية كتب:عارفة يا تنهيدة لما قريت كلامك اتمنيت ايه ؟اتمنيت يكون عندي صديقة زيك انسانة عندها اخلاق ومبادىء وكمان قلب كبير يحس باللي حواليه, حياتي عبارة عن متاهة ولولا اسرتي والولدين ,وايمان بحول احافظ عليه كان زماني سلمت بالنهاية من زمان ,نفسي ابقى حرة انا حاسة اني في سجن كل يوم الزنزانة بتضيق نفسي اتنفس هواء الدنيا ,نفسي صوتي يعلا من غير خوف نفسي اقدر افتح بيتي للكل ,نفس استعيد صحتي زي الاول ,نفسي الاقي نفسي ,نفسي ربنا يحمي الولدين عشان يبقى فيه قيمة لكل اللي ضاع من عمري ,انا اسفة لكل الكابة دي بس مش هتصدقي انامش لاقية حد اكلمه لاني خايفة على الناس القريبة مني انها تعرف اللي انا مخبياه جواية وشكرا مرة ثانية يا تنهيدة .
بجد يارانيا ده شىء يسعدنى جدااا أننا نكون أصدقاء ومتشكرة جداااا على كلماتك الرقيقة ..وليه يكون نفسك نكون أصدقاء..أحنا فعلا بقينا أصدقاء والدليل أنك أتكلمتى عن نفسك بحرية معانا ...بس أنا بجد مضيقة جدا عشان نبرة الحزن الا دايما مصاحبة كلماتك ...
يمكن كتير بيحس بنفس احساسك وخوف الأسرة بخيلينا مش بنعرف نعبر على الا جوانا عشان منقلقهمش وبنفضل داخل متاهنا وبتزيد مع كل يوم بيمر
..ولان الحرية أروع سمه فى حياة أى أنسان لما بنحس أن حريتنا بقت محدودة او حتى مش عارفينا نلاقاه بنتمنى لو حياتنا تخلص ..لكن لو كل واحد فكر كدا يبقى الحياة حتنتهى لان للأسف الناس كلها بقت بتستمتع بالحجر على حرية الغير ...وحياتنا وخصوصا حياة البنات مش ملكها ملك للغير دايما ..فى الأول بتكون الأهل هى المتحكمة لكن بصراحة احنا بنحب تحكم أهلنا فينا لاننا بنحس من خلاله للحب ..لكن أكيد برضة مش بنحس بالحرية فى أختيارتنا ..بنيجى للمرحلة الا مفيش منها مفر (الجواز) والا للأسف دايما بنقول عليه السجن الزوجى وطبعا سجن للطرفين بس الأكتر طبعا للبنات ...لان الناس بقيت بتعتبر الجواز هو النهاية ...ويبدا طبعا الزوج يتحكم فى الهوا الا بتتنفسة زوجتة ..وأكيد مش الكل بس الأغلابية ...اعملى أيه وبلاش تعملى أيه ان مش بحب أصحابك مش ..بحبك تختلطى بالناس ..فى الوقت ده بنحس انا حياتنا واحلامنا وكل شىء بنحبه أتفرض عليه الحصار وان الحرية أصبحت حلم بعيد المنال ...أنا أسفة يارانيا لانى حسيت ان زودت كأبتك لكن زى انتى ما قلتى احنا بنخاف على الا بنحبهم لا يعرفوا الا جوانا فعشان كدا محتاجين نكلم حد...
انا بدعيلك بجد انك ربنا يباركلك فى والديكى وتكون بصحه كويسة وحياتك الجاية تكون احسن من دلوقت ودورى فى حياتك أكيد حتلاقى أبتسامة حتديكى امل فى الأستمرار ...وأنت كمان عندك حاجة مش عند كتير عندك احساسك الجميل الا بتقدرى توصلى من خلالة لأجمل الكتابات..واكيد عمر الورقة والقلم محتتحكم فيكٍ وممكن تحسى بالحرية من خلال الكتابة ...فلو حياتك زنزانة أخرجى منها بكتاباتك...وربنا يوفقك يارانيا وبجد بتمنالك حياة مليئة بالأمل والأستقرار ...
-
- مشرفة قسم أدب الأطفال
- مشاركات: 1291
- اشترك في: 04 نوفمبر 2008, 3:01 am
- Real Name: نهاد نعمان
- Favorite Quote: لوسرقت منا الأيام قلباً معطاء بسام لن نستسلم للآلام ...لن نستسلم للألام .....
- verification: ID verified and trusted writer
- مكان: بنت مصر
Re: تيجى نحلم لسنة الجديدة
dr_hope كتب:بحلم ألاقي نفسي في السنة الجديدةلأنها تايهه مني من زمان
حلم لخص كل الأحلام نفسك تلاقى نفسك ...يارب يادكتور تقدر تلاقى نفسك السنه دى وتحقق ذاتك وكل احلامك ....بس طبعا ده مش حيحصل غير بالأمل وانت أسمك معناه الأمل ...وأنا كان عجبنى أختيارك لأسمك من البداية لان بيدل أنك بتحب الأمل ...والأنسان المحب للأمل أكيد فى يوم حيلاقى نفسه ....تمنياتى لك بكل التوفيق والأمل