جنّـنـووني ! ح 6 (( ألطف الكائنات ! ))

هذا القسم لليوميات أو المذكرات المسلسلة والمكتوبة فى قالب كوميدى أو اجتماعى ساخر.

المشرف: الأمير الحائر

صورة العضو الرمزية
Ghadat2009
مشرفة قسم الكتابة
مشاركات: 1481
اشترك في: 02 فبراير 2009, 12:00 pm
Real Name: غادة يسري
Favorite Quote: كن جميلا ..... ترى الوجود جميلا :)
verification: ID verified and trusted writer
مكان: مصر الجميلة

جنّـنـووني ! ح 6 (( ألطف الكائنات ! ))

مشاركة بواسطة Ghadat2009 »

[table][tr][td]جنـنـوووني !![/td][/tr][/table]
" 6 "
ألطف الكائنات !
سمية النهارده في منتهى القلق ... بنات خالتها التلاته هينوّروهم لمدة أسبوعين ...عقبال ما خالتها تيجي من العمرة ..... و مش دي بس المشكلة ... المشكلة إن النور ده كله هيكون معاها ..في أوضتها شخصيا !!


الأم : كفاية يا بنتي بقى .... خيلتيني ! ..... من الصبح و انتي رايحة جاية ف كل حتّة ....هوّ فيه إيه بس ؟
سمية : أنا مش عارفة إزاي أنا بس اللي قلقانه كده ؟ مفروض كلنا نساعد بعض و نشيل الفازات و أي حاجة
ممكن تتكسر أو .....تتحدف !
الأم : مش للدرجادي يا سمسمة ! همّ صحيح أشقيا شويّتين بس ممكن الدكتورة بتاعتنا تسيطر عليهم بسهولة
....و لاّ إييييه؟
سمية : شويّتين ؟ دول عفاريت ! بصراحة أنا بنسى كل اللي أعرفه عن علم النفس .... أو تقريبا مش بالاقي فرصة عشان أطبّقه عليهم ....

شهاب يدخل الريسبشن و ف إيده كيس شيبسي عملاق .... و بيدندن بأغنية " كان بدري عليك ... عليك بدري "

شهاب : بونجور ياجماعة ....سمسوم ... حبيب قلبي ! إيييه اللي أنا سمعتو دااا؟ رولا و جنا و كمان جودي ..معانا هنا ؟ و كمان عند أختي حبيبتي ؟ لا لا ...مش معقول ! قولو كلام غير ده ! بركاااتك يا دينا !

سمية : شهاب ! لو سمحت ... سيبني ف اللي انا فيه ! و بيتهيألي هم بيجننوك انت كمان و لاّ .....أفكّرك؟
شهاب : لالالا ....شكرا ... أنا ملحقتش أنسى .....ربنا معاكي ... و معانا طبعا !
سمية : يعني خالتو سها ماكانتش قادرة تاخدهم معاها ! ده حتى عشان تبقى مطّمّنة عليهم !
الأم : ماينفعشي خالص ! دي مسافرة عشان تدعي ربنا يهديهم لها .... و لو خدتهم مش هيسيبوها تعمل العمرة أساساً ! ... بس بقى لو سمحتو ...دول الظاهر وصلوا !

شهاب راح يفتح الباب .... و سمية بتقرا في سرّها قرآن و أذكار و كل الأدعية اللي تعرفها !

الخالة : سلامو عليكو ... إريكو يا للي مش بتسألو عليّا خالص ؟ دلوقتي بقى تقولولي إدعيلنا يا خالتو ... و متنسيش ميّة زمزم ! إذا كنتو انتو ناسيني كده يبقى أنا هافتكر اللي عايزينه؟
سمية : إزيك يا خالتو ؟ لأ طبعا دايما على بالنا ... و عايزينك تيجي بالسلامة و تبقى عمرة مقبولة إن شاء الله و ده كفاية علينا !
شهاب : خالتو ! .... القمر اللي بينور حياتنا وصل يا ناس ..... هتوحشينا جدا جدا ... يارب الأسبوعين دول يعدّو بسرررعة !
الخالة : يا بكّاااش ! بس برضه بحبكو و بحب كلامكو الجميل ده ! ربنا يخليكم لباباكم و مامتكم السكر دي ! عاملة إيه يا سوزان ؟ يارب ماكونش هدايقكو بوجود البنات معاكم ؟
الأم : إزاي تقولي كده ؟ ده بيتهم برضه يا سها ! بس ...احم ....ممكن توصّيهم علينا شوية ؟


هو فيه إيه ؟ رولا و جنا و جودي قاعدين هاديين من ساعة ما دخلو ... مش طبيعي اللي بيحصل بجد !

الأم : همّ بقوا في سنة كام ..الواحد بينسى بسرعة !
الخالة : عادي يا سوزان .. كلنا كده ! رولا يا ستّي ف خامسة ابتدائي ... و جنا ف تالتة ابتدائي.....أما جودي فهيّ لسة في سنة أولى ابتدائي .... تمام ؟ أشوفكو على خير بقى ... ألحق أكمّل تحضير الشنط .. و هشوفكو تاني إن شاء الله قبل السفر ...سلامو عليكوو ...

رولا : أنا عطشانة أوي يا خالتو ! ممكن أروح أشرب ؟
سمية : هجيب لك مية و عصير و كل حاجة بس خليكو هنا ... OK ؟
رولا : كده يا سمسمة ؟ مش لسه كنتو بتقولو البيت بيتنا ؟ طب فيها إيييه لمّا أجيب إزازة المية من التلاجة و....أشرب أنا و اخواتي المساكين دول !
سمية : سمسمة ؟؟؟ مافيش أي حاجة قبلها ؟ عادي كده !
أم سمية : مافيهاش حاجة يا حبايبي ... أومي يا رولا ..براحتك يابنتي !

رولا راحت المطبخ و رجعت و ف إيدها كوبّاية مية ..... بس شكلها مخضوضة أوي ..فييييه إييييه يا ترى؟

رولا : خالتو ...سمية ....شهاب .... فيه أصوات غريبة في المطبخ .... بسرعة ! الظاهر فيه حاجة هتحصل ....ربّنا يستر !!

التلاتة جريوا للمطبخ ... و فجأة ....بووووم ! فرقعة جامدة .... سمية و مامتها بيصرخوا ....شهاب إتخض بس بيحاول يفهم اللي حصل .... و البنات الأبرياء بيضحكوا أوي !
خرجوا من المطبخ ...شكلهم غريب أوي ....متجهين ناحية البنات ......ربنا يستر !

سمية ( تجز على سنانها بغيظ ) : إيه اللي حطّيتيه في الفرن يا رولا ؟
رولا ( و هي بتضحك ): ده بمب من نوع جديد ! أصل قلت أجرب أعمل زيّ حلقات " فارس المشاكس " دي بتيجي كل يوم الساعة أربعة العصر على القناة العشرين ... بس نحفة بجد !
سمية : انتي عارفة إن كان ممكن يبقى فيه انفجار بجد ...لولا ربنا ستر و طفينا الحريقة اللي كانت هتبتدي ؟
رولا : معقول ؟ ده بالضبط الي حصل في الحلقة بتاعت امبارح !

شهاب لسه مذهول ... و قد عالكنبة يستريح .. و بعد دقيقة ...حس ..بإن البنطلون اتبلّ !!! فقام وقف بسرعة وقبل ما يحاول يفهم اللي بيحصل ...كانوا البنات بيضحكوا جامد أوي !

جنا : شفتو بقى؟ قلتلكو مش هياخد باله ! صقفولي بقى !
شهاب : هو فيييه إييه ؟ هو إيه اللي أنا قعدت عليه ده ..... ثم إيه الريحة الفظيعة دي ؟
جنا : متخافش ! دي بتروح بعد شوية ..دي بودرة دوبتها في المية اللي جابتها رولا و دلقتها ههههه عشان تقعد عليها هههه زي " مقالب غالب " ده كرتون يجنن .... هيبدأ كمان شوية ....تشوفه معانا ؟؟

شهاب بيبص لها بغيظ .... نفسه يقعّدها على الكنبة دي ! بس مش لازم يعمل عقله بعقلها برضه !

الأم "سوزان " بتحاول تحل الموقف فتقول بارتباك

الأم : إيه رأيكو تدخلوا تستريحو شوية ؟
سمية :( تهمس لمامتها) كده يا ماما ؟ يعني هتسيبوهم عليّا؟ مش قلقانة عليّا خالص !

سمية تدخل مع البنات اللطاف للأوضة ...و بعد دقايق ....صوت فرقعة ..و تكسير حاجات و....صوت سمية بتنادي :

" ياماماااا .... ياشهاااب ! مش هينفع كده ! الحقوني منهم ..... جنّـنوووني !"


مسكينة يا سمية ! .....هوّ انتي لسّه شفتي حاجة ؟ صورة
صورة

.
.
.
[highlight=#ffff40]*** لــزيارة صــفـــحـــتــي *** [/highlight]
صورة العضو الرمزية
ريم
أكاديمى نشيط
أكاديمى نشيط
مشاركات: 219
اشترك في: 07 مارس 2009, 1:43 pm
Favorite Quote: ((إن الله لا يغير ما بقوم حتى يغيروا ما بأنفسهم))
verification: ID verified and trusted writer
مكان: مصر

Re: جنّـنـووني ! ح 6 (( ألطف الكائنات ! ))

مشاركة بواسطة ريم »

عسولة أوي المذكرات دي صورةبتبهجني جدا....أنا بقيت أستناها....والظاهر إني أدمنتها....صورة
أسلوبك في الكوميدي لذيذ خالص يا غادة....وعلى فكرة أنا عندي من العينة دي(رولا وجنا وجودي)ابني عبد الرحمن اللي مجننيصورة
حقيقي بتخليني في كل مرة أتخيل الشخصيات بأشكالها والمواقف كأنها بتتعرض أمامي
والسيناريو الخفيف الظل الذي يصل القلب....ويضحكه..بكوميديا راقية دون ابتذال
بس أنا مشفقة أوي على سمية ...كده هتروح العباسية من كتر اللي بيحصل لها
صورةتسلم إيدك يا غادة أنا في انتظار الحلقات القادمة بفارغ الصبر صورة.صورة..بس واضح إن عين دينا شغااااالة أوي...من ساعتها وسمية بتحصل لها حاجات فظييييعة!!!!!صورة
وفطست من الضحك لما الأم قالت إن الخالة مسافرة أساسا عشان تدعي ربنا يهديهم...الثلاثة قطط الوديعة!!!!!!!!!
أنا في انتظار الحلقات الفادمةصورة(((سؤال محيرني ؟؟؟؟فين القناة عشرين؟؟وفين فارس المشاكس عشان ماخليش عبد الرحمن يتفرج عليها...!!!!!!!!!!!!!!)))))صورةصورةصورة
صورة
رضوى
أكاديمى فعال
أكاديمى فعال
مشاركات: 12
اشترك في: 02 مارس 2009, 9:45 pm

Re: جنّـنـووني ! ح 6 (( ألطف الكائنات ! ))

مشاركة بواسطة رضوى »

في أكتر من حل
فيصورة
او التهديد بـ صورة
أو صورة
أو صورة وأمرها لله
مذكرات عسولة قوي
تنهيدة
مشرفة قسم أدب الأطفال
مشاركات: 1291
اشترك في: 04 نوفمبر 2008, 3:01 am
Real Name: نهاد نعمان
Favorite Quote: لوسرقت منا الأيام قلباً معطاء بسام لن نستسلم للآلام ...لن نستسلم للألام .....
verification: ID verified and trusted writer
مكان: بنت مصر

Re: جنّـنـووني ! ح 6 (( ألطف الكائنات ! ))

مشاركة بواسطة تنهيدة »

أصبحت أنتظر هذه المذكرات الرائعة مثلما انتظر القمر فى كل شهر بمنتهى اللهفة...صورة
فقد تعودت على اسرة الدكتورة سمية وعلى أقاربها واصدقائها وكأنى اعرفهم وكل هذا يرجع لآسلوبك الكوميدى الرائع ...صورة
تنناولى فى هذا الجزء فكرة مهمة جدااا أصبحت شائعة جدا بين أطفالنا ..وهى مسلسلات وأفلام الكرتون الذين يرونها بكل لهفة ...وهذه المسلسلات والأفلام لاتهتم سوى بطرح أفكار للمقالب وأساليب مختلفة للضرب ..وللأسف الأطفال تستمتع جدا برؤيتها ...وتقلد كل مافيها بمنهى المهارة مثلما ذكرتى مافعلوه الأطفال فى سمية وأسرتها ...فأنا أتمنى لو جميع الأمهات تمنع أطفالها من رؤية هذا النوع من الكرتون التى يخلق بداخلهم العنف ويجعلهم اكثر حده ...ويحاولون أن يعوضوهم بدلا من هذا الكرتون بأشياء مفيدة ومسلية ...تنمى مهارتهم
بحيكِ جدا ياصديقتى العزيزة ..واتمنى لكى المزيد من الأفكار الرائعة ...بالتوفيق دائما ...صورةصورةصورة
صورة
صورة العضو الرمزية
Ghadat2009
مشرفة قسم الكتابة
مشاركات: 1481
اشترك في: 02 فبراير 2009, 12:00 pm
Real Name: غادة يسري
Favorite Quote: كن جميلا ..... ترى الوجود جميلا :)
verification: ID verified and trusted writer
مكان: مصر الجميلة

Re: جنّـنـووني ! ح 6 (( ألطف الكائنات ! ))

مشاركة بواسطة Ghadat2009 »

ريم كتب:عسولة أوي المذكرات دي صورةبتبهجني جدا....أنا بقيت أستناها....والظاهر إني أدمنتها....صورة
أسلوبك في الكوميدي لذيذ خالص يا غادة....وعلى فكرة أنا عندي من العينة دي(رولا وجنا وجودي)ابني عبد الرحمن اللي مجننيصورة
حقيقي بتخليني في كل مرة أتخيل الشخصيات بأشكالها والمواقف كأنها بتتعرض أمامي
والسيناريو الخفيف الظل الذي يصل القلب....ويضحكه..بكوميديا راقية دون ابتذال
بس أنا مشفقة أوي على سمية ...كده هتروح العباسية من كتر اللي بيحصل لها
صورةتسلم إيدك يا غادة أنا في انتظار الحلقات القادمة بفارغ الصبر صورة.صورة..بس واضح إن عين دينا شغااااالة أوي...من ساعتها وسمية بتحصل لها حاجات فظييييعة!!!!!صورة
وفطست من الضحك لما الأم قالت إن الخالة مسافرة أساسا عشان تدعي ربنا يهديهم...الثلاثة قطط الوديعة!!!!!!!!!
أنا في انتظار الحلقات الفادمةصورة(((سؤال محيرني ؟؟؟؟فين القناة عشرين؟؟وفين فارس المشاكس عشان ماخليش عبد الرحمن يتفرج عليها...!!!!!!!!!!!!!!)))))صورةصورةصورة


ربنا يكرمك يا ريم و يهديلك عبد الرحمن صورة
و جميل جدا إنك تتخيلي الشخصيات و تحسي بيهم ... و باشكرك على رأيك الرائع في الحوار صورة
أنا برضه صعبان عليا سمية ....بس ده قدرها بقى صورة

وفعلا ... دينا ذات قوة ثلاثية صورة

فارس المشاكس و مقالب غالب دول أسامي حركية لكل البرامج و الكرتون العنيف اللي بيعلم الأطفال أسوأ عادات و تصرفاتصورة

أشكرك بجد على رأيك الجميل ...و مرورك الرقيق صورةصورة
صورة

.
.
.
[highlight=#ffff40]*** لــزيارة صــفـــحـــتــي *** [/highlight]
صورة العضو الرمزية
Ghadat2009
مشرفة قسم الكتابة
مشاركات: 1481
اشترك في: 02 فبراير 2009, 12:00 pm
Real Name: غادة يسري
Favorite Quote: كن جميلا ..... ترى الوجود جميلا :)
verification: ID verified and trusted writer
مكان: مصر الجميلة

Re: جنّـنـووني ! ح 6 (( ألطف الكائنات ! ))

مشاركة بواسطة Ghadat2009 »

رضوى كتب:في أكتر من حل
فيصورة
او التهديد بـ صورة
أو صورة
أو صورة وأمرها لله
مذكرات عسولة قوي


إنتي اللي عسولة جدا يا رضوى صورة

باين من ردك الشرير الكوميدي ده إنك مرحة و لذيذة صورة

نورتي الصفحة يا زميلة صورة
صورة

.
.
.
[highlight=#ffff40]*** لــزيارة صــفـــحـــتــي *** [/highlight]
صورة العضو الرمزية
Ghadat2009
مشرفة قسم الكتابة
مشاركات: 1481
اشترك في: 02 فبراير 2009, 12:00 pm
Real Name: غادة يسري
Favorite Quote: كن جميلا ..... ترى الوجود جميلا :)
verification: ID verified and trusted writer
مكان: مصر الجميلة

Re: جنّـنـووني ! ح 6 (( ألطف الكائنات ! ))

مشاركة بواسطة Ghadat2009 »

تنهيدة كتب:أصبحت أنتظر هذه المذكرات الرائعة مثلما انتظر القمر فى كل شهر بمنتهى اللهفة...صورة
فقد تعودت على اسرة الدكتورة سمية وعلى أقاربها واصدقائها وكأنى اعرفهم وكل هذا يرجع لآسلوبك الكوميدى الرائع ...صورة
تنناولى فى هذا الجزء فكرة مهمة جدااا أصبحت شائعة جدا بين أطفالنا ..وهى مسلسلات وأفلام الكرتون الذين يرونها بكل لهفة ...وهذه المسلسلات والأفلام لاتهتم سوى بطرح أفكار للمقالب وأساليب مختلفة للضرب ..وللأسف الأطفال تستمتع جدا برؤيتها ...وتقلد كل مافيها بمنهى المهارة مثلما ذكرتى مافعلوه الأطفال فى سمية وأسرتها ...فأنا أتمنى لو جميع الأمهات تمنع أطفالها من رؤية هذا النوع من الكرتون التى يخلق بداخلهم العنف ويجعلهم اكثر حده ...ويحاولون أن يعوضوهم بدلا من هذا الكرتون بأشياء مفيدة ومسلية ...تنمى مهارتهم
بحيكِ جدا ياصديقتى العزيزة ..واتمنى لكى المزيد من الأفكار الرائعة ...بالتوفيق دائما ...صورةصورةصورة


الله على كلامك الشاعري الرائع يا نهاد صورة

فعلا فكرة تقليد الأطفال لكل اللي بيشوفوه عايزة وقفة من اللي بيسمحوا بعرض هذا النوع من البرامج و من الأسرة نفسها لمقاطعة كل ماهو غير هادف و مفيد

سمية و أسرتها و كل أصدقائها "بما فيهم دينا " بقولولك "" نورتي بيتهم و مستنيينك الزيارة اللي جاية بفارغ الصبر

باشكرك يا صديقتي الرقيقة على تعليقك العسول و تمنياتك الرائعة صورةصورةصورةصورة
صورة

.
.
.
[highlight=#ffff40]*** لــزيارة صــفـــحـــتــي *** [/highlight]
صورة العضو الرمزية
الزهراء
مشرفة قسم النقد الفنى و المقالات
مشاركات: 473
اشترك في: 03 إبريل 2009, 11:28 pm
Real Name: سليمة مشري
Favorite Quote: الشكوى انحناء و أنا نبض عروقي الكبرياء ...
فالشكوى لغير الله مذلة
verification: ID verified and trusted writer
مكان: بلد الأحرار

Re: جنّـنـووني ! ح 6 (( ألطف الكائنات ! ))

مشاركة بواسطة الزهراء »

مساء الخير يا غادة

جميلة جدا هذه المذكرات ، تحمل الكثير في طياتها فهي تجمع بين الكوميديا و ترمي إلى أشياء غريبة تحدث في حياتنا و منتشرة في مجتمعاتنا
فمثلا هذه الحلقة أشرتي إلى الأطفال الذين للأسف الشديد تقريبا فقدوا براءتهم بسبب الأعمال و الرسوم المتحركة و البرامج التي تذاع و فيها الكثير من العنف كذلك بالنسبة للألعاب

لقد قرأت كل الأجزاء و في كل مرة أقول هذا الجزء أحلى فتبين أنها جميعها رائعة و أحلى من بعض صورة

أسلوبك في الكوميدي مدهش و لذيذ و الفكرة هايلة تقدري من خلالها تمسي كل جوانب الحياة

إلى المزيد من الأحداث المضحكة و الهادفة

و إلى الكثير من الأعمال المميزة ، تقبلي مني كل احتراماتي صورة
جوا العين و ساكنة القلب
نحبك يا بلادي
......................
صورة
صورة العضو الرمزية
Ghadat2009
مشرفة قسم الكتابة
مشاركات: 1481
اشترك في: 02 فبراير 2009, 12:00 pm
Real Name: غادة يسري
Favorite Quote: كن جميلا ..... ترى الوجود جميلا :)
verification: ID verified and trusted writer
مكان: مصر الجميلة

Re: جنّـنـووني ! ح 6 (( ألطف الكائنات ! ))

مشاركة بواسطة Ghadat2009 »

الزهراء كتب:مساء الخير يا غادة

جميلة جدا هذه المذكرات ، تحمل الكثير في طياتها فهي تجمع بين الكوميديا و ترمي إلى أشياء غريبة تحدث في حياتنا و منتشرة في مجتمعاتنا
فمثلا هذه الحلقة أشرتي إلى الأطفال الذين للأسف الشديد تقريبا فقدوا براءتهم بسبب الأعمال و الرسوم المتحركة و البرامج التي تذاع و فيها الكثير من العنف كذلك بالنسبة للألعاب

لقد قرأت كل الأجزاء و في كل مرة أقول هذا الجزء أحلى فتبين أنها جميعها رائعة و أحلى من بعض صورة

أسلوبك في الكوميدي مدهش و لذيذ و الفكرة هايلة تقدري من خلالها تمسي كل جوانب الحياة

إلى المزيد من الأحداث المضحكة و الهادفة

و إلى الكثير من الأعمال المميزة ، تقبلي مني كل احتراماتي صورة



زهراء الجميلة ! صورةصورة

تعليقك هو المدهش و الرائع حقا !

أعتبره هدية جميلة جدا من قلم مبدع و شخصية مثقفة و رقيقة و روح طيبة صورة


أعطر تحياتي و تقديري لكِ صورةصورةصورة
صورة

.
.
.
[highlight=#ffff40]*** لــزيارة صــفـــحـــتــي *** [/highlight]
المصرية
أكاديمى نشيط
أكاديمى نشيط
مشاركات: 412
اشترك في: 09 ديسمبر 2008, 2:33 pm
Real Name: رانيا حسن
verification: ID verified and trusted writer

Re: جنّـنـووني ! ح 6 (( ألطف الكائنات ! ))

مشاركة بواسطة المصرية »

دمك خفيف يا غادة يا عسل واللهى الكارتون هيهبل العيال الواد ابن اخت خط ودنه تحت الحنفية عشان يقلد توم وجيرى وقعد شهرين يتعالج من ودانه ربنا يهديهم .
صورة
أضف رد جديد

العودة إلى ”مذكرات كوميدية“