ساكت مبتكلمش

[medo]

جايلى بضحكة شفايف وبنظرة عين يرجعنى
وناسى انى شايف قلبه مع غيرى بيخدعنى

بيقول كلام مليان غرام يخدعنى بيه
وناسى قلبى اللى ياما هان عليه
كان فين الكلام لما كنت بحن ليه
ولا الغرام اللى جاى دلوقتى بيه

وانا ساكت مبتكلمش

ازاى عارف يعيش مع قلبه اللى جارحنى
وازاى ببساطه قادر يوم تانى يرجعلى
وراجع بشوق يسمع منى كلمة سامحنى
وزاى عنيا تشوفه وتنسى انه خدعنى

من غير الكلام
يعرف أد ايه عزبنى
ويدوق الالام
اللى فى بعده خلتنى ساكت مبتكلمش

[medo]

فتحنا عنينا على الدنيا
جرينا ورا احلامنا
حبينا من القلب دبنا
ببساطه عشنا ايامنا

ومن يوميها متشوقين مستنين الدنيا تفرحنا
ويوم بيوم وكل يوم عايشين ياقلبى فى جراحنا

واتارينا مش حاسين وتمر بينا السنين
مش عايشين احلامنا زى ما كنا فاكرين

واتارينا مش عايشين وتمر تانى السنين
احلامنا بس فى كلامنا وفدنيتنا تايهين

ومهما نرجع نشكلها وكلامنا يطلع يحكيلها
يارتنا برضو بنرتاح
طلع الكلام مننا احساسه لسه فى قلبنا
بحب او بجراح

[لارا]

اولا : اهلا بيك عضو جديد والاكاديميه نورت
ثانيا:داخل داخله جامده اوى علينا .بس فعلا كلماتك جميله جدا وبتوصف حاله ناس كتير اهنيك على شعرك الرائع وبالتوفيق
ثالثا بقى

[tafatefe]

بجد حلو اوي يا ميدو

ما شاء الله عليك

وكمان كلمات خفيفه وممكن تتعمل غاني وبصراحه التانيه عجبتني اوي

شكرا لي يا جميل ع الكلمات الحلوه الرقيقه دي

وانا من حلوتهم ساكت مبتكلمش

[Ghadat2009]

ساكت مابتكلمش :

عنوان يشدّ ! و فعلا ساعات السكوت بيبقى له معنى أقوى بكتير من أي كلام ... زي الحالة اللي في موضوعك الجميل

فتحنا عينينا :

أنا حسيت إنها كلمات أغنية جميلة و يمكن و أنا بقراها كنت تقريبا سامعة لحن مصاحب لموسيقى كلماتك الحلوة


أنا عندي سؤال : ليه خليت (ساكت مابتكلمش) و ( فتحنا عينينا ) في مكان واحد؟ هو كل واحدة فيهم عمل مستقل بذاته

بالتوفيق إن شاء الله في كل اللي بتكتبه

[هبة الله محمد]

جميلة كلماتك بالفعل تصلح ككلمات راقية لأغنيات رقيقة، ولقد أعجبتني بصفة خاصة القصيدة الثانية.

شكرا على امتاعنا بمشاركتك.

[url=mailto:wa7e-alqalm@hotmail.com][/url]

[المرشيل علي]

احساس رائع واسلوب متميز
اخوك المخلص
المرشيل