ضحكه بيضه منوره .. دوسنا عليها بالقدم حكمنا عليها تتعدم .. وهيا لسه مخضره ضحكه بيضه منوره
ضحكه مليانا ذكريات .. مليانا حنين لعمر فات و أمل ف بكره و أمنيات .. و توهة في زحمة القاهره
دي ضحكه بيضه منورة
ضحكه عرفناها زمان .. كانت كفاية عشان تملى المكان بصوت عالي و كركره .. من حتت نكته تافهة متكررة بس تعجبك عشان سامعها من ورا ضحكه بيضه بريئه منوره
ضحكه لو تشيلها تلاقي و حشة القلوب تخوفك .. تكرمشك .. و تبعدك عن الناس و الدنيا و الحياة .. و لما ترجع .. تعود معاها تاني الحياة بضحكه بيضه منوره
ضحكة بيضه حافظ عليها .. من الوحوش و الذئاب تفتكرهم ناس بجد زيي و زيك بس لما يشيلو الوشوش ... يبان الكذب و الخداع و الهباب ضحكه بيضه حوشها عنهم لتقول بعدها يا عيني يا ولداه الضحكه البيضه البريئه بقت خلاص فاهمه الحقيقه والحلم تاه
آخر تعديل بواسطة Ezz في 25 فبراير 2009, 8:57 am، تم التعديل مرة واحدة.
الله حقيقى جميلة ياعز وكلماته معبرة جدا تحس أنه ضحكة ممزوجة بالألم .وفعلا احنا طول الوقت بقينا بنحاول ندور على الضحكة المنورة الا قتلتها الظروف والحياة ...بس لاننا مصرين بنحاول نحتفظ بالضحكة ومن أشد همومنا بنحاول نخلقها ...عجبتنى كتير من التعبيرات الا زكرتها فى القصيدة زى ضحكه لو تشيلها تلاقي و حشة القلوب تخوفك .. تكرمشك .. و تبعدك عن الناس و الدنيا و الحياة .. و لما ترجع .. تعود معاها تاني الحياة
بجد تعبيراك ده جميل زى باقى تعبيرات القصيدة ..بحيك جدا ياعز وبتمنالك التوفيق والمزيد من كتابات الجميلة
جميله و رقيقه ..... لكن ..فيها مفردات حادة شويه ..زي : الهباب - تافهة أرجو أن تتقبل رأيي - هذه المفردات أخرجتني من الجو الجميل للقصيدة
تمنياتي بكل توفيق و نجاح
تنهيدة كتب:الله حقيقى جميلة ياعز وكلماته معبرة جدا تحس أنه ضحكة ممزوجة بالألم .وفعلا احنا طول الوقت بقينا بنحاول ندور على الضحكة المنورة الا قتلتها الظروف والحياة ...بس لاننا مصرين بنحاول نحتفظ بالضحكة ومن أشد همومنا بنحاول نخلقها ...عجبتنى كتير من التعبيرات الا زكرتها فى القصيدة زى ضحكه لو تشيلها تلاقي و حشة القلوب تخوفك .. تكرمشك .. و تبعدك عن الناس و الدنيا و الحياة .. و لما ترجع .. تعود معاها تاني الحياة
بجد تعبيراك ده جميل زى باقى تعبيرات القصيدة ..بحيك جدا ياعز وبتمنالك التوفيق والمزيد من كتابات الجميلة
بشكرك جدا يا تنهيده وأتمنى تستمري في قراية المزيد في المستقبل إن شاء الله
ghadat2009 كتب:جميله و رقيقه ..... لكن ..فيها مفردات حادة شويه ..زي : الهباب - تافهة أرجو أن تتقبل رأيي - هذه المفردات أخرجتني من الجو الجميل للقصيدة
تمنياتي بكل توفيق و نجاح
أنا معاكي فعلا يا ghadat إنها تعبيرات حاده بس يمكن أيام ما كنت بكتبها كان الجو إللي حواليا كان فعلا مديني إحساس " الهباب " دا فا فضلت إني أسيبها وقلت زي ما تيجي تيجي ولكن برضه بتفق معاكي إنها تعبيرات حاده ومختلفه عن الجو العام زي كلمة صغنتوته في سلامي ليكي يا ذكريات وبشكرك على ردك واستمري النقد كل ما تلاقي حاجه مش عجباكي
ghadat2009 كتب:جميله و رقيقه ..... لكن ..فيها مفردات حادة شويه ..زي : الهباب - تافهة أرجو أن تتقبل رأيي - هذه المفردات أخرجتني من الجو الجميل للقصيدة
تمنياتي بكل توفيق و نجاح
أنا معاكي فعلا يا ghadat إنها تعبيرات حاده بس يمكن أيام ما كنت بكتبها كان الجو إللي حواليا كان فعلا مديني إحساس " الهباب " دا فا فضلت إني أسيبها وقلت زي ما تيجي تيجي ولكن برضه بتفق معاكي إنها تعبيرات حاده ومختلفه عن الجو العام زي كلمة صغنتوته في سلامي ليكي يا ذكريات وبشكرك على ردك واستمري النقد كل ما تلاقي حاجه مش عجباكي
باحيــيــك يا عز على تقبلك الجميل للنقد البناء ... و أرجو لك كل توفيق انشاءالله ..