كورس تفاؤل

خطواتك الأولى على درجات الأكاديمية, لتعريف باقى الأعضاء بنفسك عن طريق المواضيع الشخصية والنقاشية المختلفة.

المشرف: تنهيدة

قوانين المنتدى
يمنع تماما وضع البريد الألكترونى أو الموقع الشخصى داخل المواضيع فى هذا القسم أو غيره, يمكنك دائما وضع ذلك فى توقيعك وملفك الشخصى مع التحذير بأن إظهار بريدك الألكترونى فى موقع عام يعرض بريدك الألكترونى للرسائل المزجعة أو محاولات السرقة.
صورة العضو الرمزية
mona
أكاديمى نشيط
أكاديمى نشيط
مشاركات: 125
اشترك في: 21 يناير 2009, 10:14 pm
Real Name: منى سعيد عبد الخالق
Favorite Quote: "كن نفسك"
مكان: مصر

Re: كورس تفاؤل

مشاركة بواسطة mona »

موضوع جااااااااااااااااااااامد جدااااااااااااااااااصورةصورةصورة...انا جيت متأخرصورة ...بس مش عارفة الحق ادفع المصاريف واخش ولا لاصورةصورةصورة....بس بجد معاكو عشان مخنوقة جداااا صورةصورةصورةوعايزة افوق بشكل مش طبيعىصورة...........شكرا علي الموضوعات الجميلةصورةصورة........صورةصورةصورة.
مولاىّ إنى ببابك قدبسطت يدى ...من لى ألوذبه إلاك يا سندى.....
صورة العضو الرمزية
الزهراء
مشرفة قسم النقد الفنى و المقالات
مشاركات: 473
اشترك في: 03 إبريل 2009, 11:28 pm
Real Name: سليمة مشري
Favorite Quote: الشكوى انحناء و أنا نبض عروقي الكبرياء ...
فالشكوى لغير الله مذلة
verification: ID verified and trusted writer
مكان: بلد الأحرار

Re: كورس تفاؤل

مشاركة بواسطة الزهراء »

مساء الخير يا رحاب صورة

بجد الأسئلة كانت صعبة و ما لهاش اجابة بس يا ريت على اديكي ان شاء الله حنلقالها اجابة

باي مع أول حصة ...و الحمد لله إنها مجانية و رغم كدة حتى لو كانت غالية أوي كان الفصل كلو ح يكون مليان

فكرة هايلة بحييكِ عليها و ربنا يقدرك على المجموعة ديصورة ...بس أنا خايفة لتطلعينا من حالة التشاؤم و الحزن ..و توقعي فيها انت و تتعقدي بقى ...صورة
بعد الشر عليكي بس ساعتها ح تلاقي طلاب نجباء هنا عشان يساعدوكِصورة
جوا العين و ساكنة القلب
نحبك يا بلادي
......................
صورة
رحاب صفا
أكاديمى نشيط
أكاديمى نشيط
مشاركات: 265
اشترك في: 29 مارس 2009, 2:30 pm
Favorite Quote: إذا أردت شيئاً بشدة فتتبعه
اتصال:

Re: كورس تفاؤل

مشاركة بواسطة رحاب صفا »

الحصة الأولى:
صورةصباح الأملصورة...صباح يوم جديد بحلم جديد ...النهاردة هنبدأ حصصنا يا جماعة ...جاهزين؟
وهنبدأ مع بعض نعيش يوم لسة معشنهوش ...تفتكروا نعيش النهاردة ازاي...القرار في ايديكوا... ومعلش هنبتدي الكورس باختبار صغير
اختار الإجابة الصحيحة من بين القوسين :
سأعيش يومي (أفكر في مستقبلي- أكرر الأمس - أتذكر همومي - كما تعودت كل يوم أحد - سأصنع شيئاً مختلفاً- الحقيقة لم أفكر بعد-لم يسبق وأن سألت نفسي هذا السؤال)
جاوب ورد عليا ....
اصحى وعيش ...ارسم وأعمل... جدد يومك ... حقق حلمك . وابتسم .
"الحياة فرصةً واحدةً . .فإما فلاح الراشدين , وإما عثرات النائمين . الحياة فرصةٌ لا تحتمل , نوماً ثقيلاً ولا جلوساًطويلاً. الحياة صفحةٌ بيضاءَ , فإما تاريخ الناجحين , وإما نوم الغافلين .وإن كانت النفوس كباراً تعبت في مرادها الأجسادُ .والسمكةُ القويةُ هي التي تستطيع أن تعوم ضد التيار . "الإنسان دون ابتسامة كوردةٍ دون رائحة . إنه دون حب كغابةٍ أحترق شجرها."

اللحظة اللي بنعيشها هتعدي هتعدي....بالحزن هتعدي وبالفرح هتعدي ،ومبترجعش من تاني ،ولو إن لحظة الحزن سراقة بتسرق معها لحظات كتييييييير ومبنفوقش إلا بعد ما اتسرق من أيامنا كتييير وبعدها يدخل علينا الندم بنصبه عشان يكمل ويسرق اللي فاضل!!!!!

وعشان كدة..............
يلا بينا نتفق ...نتحداهم ....ونسيطر عليهم مش احنا اللي نكون تحت سيطرتهم ...هنتفق على كل حاجة ...كل التفاصيل ..بداية من الشكل وحتى المضمون ....فالشكل والمضمون يا سادة وجهان لعملة واحدة ..عشان كدة لازم نشتغل عليهم هما الاتنين ..
يلا نبتدي....................

المحور الأول: "الشكل"
1- البداية.
"أساس سليم بصباح مشرق"
هناك أشياء صغيرة ...قد لا ننتبه إليها في اليوم...وقد نتجاهل حدوثها...بالرغم من تأثيرها على مجرى اليوم وقد تكون أسباباً لسلبيته ،أو إيجابيته....
فكيف نصنع يوماً ناجحاً؟
س/ بتصحى الصبح إزاي؟
( حاسس إنك عايز تنام تاني- مش عايز تقوم- جسمك بيوجعك- مكشر- زهقان- مكسل- نشيط – مضايق-متفائل)

التمرين:
اصحى ..فتح عينيك ....متقومش بسرعة...استنى شوية...استرخي دقيقة ،وافتكر إن النهاردة هيبقى يوم رائع بانجازاتك.. خد نفس عميق براحة... دلوقتي تقدر تقوم ...لحظة واحدة ..احمد ربنا من قلبك...تقدر تطلع للناس...ارسم ابتسامة رائعة على كل ملامحك صورة...ابتسم اكترصورةصورةصورة في وش أول واحد بتقابله ..قوله صباح الخير بمنتهى المرح ..ويا سلام لو هزرت معاه صورة.....
حاسس بايه؟
س/ ايه اكتر حاجة بتحسسك بانتعاش؟ صورة
( تغسل وشك بماء بارد- تمارين رياضية- تفتح الشباك وتاخد نفس عمييييييييييييق – تشرب عصير أو أي مشروب)

التمرين:

ايه رأيك بقى تجرب معايا كل دول...تفتكر هيحصل ايه؟....هياخد وقت؟!!.....هيفرق معاك كتييييييير صدقني...وهتستغرب جداً إنك كنت بتبدأ اليوم غلط ...
وارجع من تاني ..خد نفس عميييييق ..وابتسم صورة....نظم نفسك .....دلوقتي تقدر تفكر في اليوم واسأل نفسك:
س/ هقضي انهاردة ازاي؟ صورة
س/ ايه اكتر حاجة مفيدة ممكن أعملها؟ صورة
س/ يا ترى ممكن أعمل حاجة مختلفة؟ صورة
س/ يا ترى هقدر أعمل حاجة بحبها؟ صورة
س/ ممكن أقدم حاجة لحد تساعده وتسعده ،وتسعدني بسعادته؟ صورة
اختار سؤال ..وجاوب عليه...اجابتك هترسملك تفاصيل اليوم وانت حاسس من جواك انك مرتاح وسعيد..عارف ليه؟...لإنك أنت اللي اتحكمت في اليوم مش اليوم اللي اتحكم فيك...بس خاللي بالك أوعى توقع في المصيدة....ممكن جداً تقابلك حاجات كتيييير تضايق،وتغيظ ،وتنرفز...وممكن حد يضايقك ..هتتصرف إزاي؟ صورة
تصنيف المضايقين:
1-حد يقصد يضايقك صورة
2- حد ما يقصدش صورة
3-حد يهمك صورة
4-حد ما يهمكش صورة
اللي يقصد يضايقك يبقى ضروري في اللحظة اللي قرر فيها إنه يضايقك تخليه حد ما يهمكش..ما دام هونت عليه... ولو حد ما يقصدش يبقى سبب الضيق باطل ..ولو حد يهمك يبقى يستاهل تسامحه أو تعاتبه..ولو حد ما يهمكش يبقى مايهمكش – على فكرة لا أنكر عليك حق الإحساس والتأثر ،ولكن أنكر أن تعيش فيه أكثر مما ينبغي-

ودلوقتي..........
وف آخر اليوم قبل النوم...اخلي ذهنك خالص ..اعمل حاجة بتهديك...اقرا ..اتفرج على حاجة..اسمع حاجة ..اشرب حاجة..وقبل ما تغمض عنيك ..قول لنفسك..انهاردة كان يوم عظيم رغم كل الصعاب..مش هكرر أخطائي فيه،وهكمل اللي بدأته...ونام من غير ما اتفكر في أي تفاصيل ..وارضى..ارضى قوي عن نفسك وعن ربنا وعن اليوم و....
دع المقـادير تجـرى في أعنتهـا ** ولا تبيتن إلا خالي البال

الواجب :
س/ أنا ليه كدة؟
(أنا ليه كدة دايماً مضايق؟-أنا ليه كدة دايماً مش راضي- أنا ليه كدة دايماً مهموم- أنا ليه كدة دايماً عصبي-أنا ليه كدة دايماً مش صابر- أنا ليه كدة دايماً مش قادر؟)
مستنية الواجب يا أولاد...


وإلى اللقاء:
في الحصة اللي جاية معادنا ..هنكمل مع بعض الأسئلة والتمارين... ونجاوب على على سلسلة أنا ليه كدة واحتمالاتها ...
وعيشوا بأجمل ابتسامة ...عيشوا بثقة إن اللحظة دي أجمل لحظة واللي بعدها أجمل.
اشوفكم على خير.صورةصورةصورة


آخر تعديل بواسطة رحاب صفا في 10 مايو 2009, 2:52 pm، تم التعديل مرة واحدة.
السكون للامعقول قدر لا نفقه تفسيره.
صورة العضو الرمزية
Ghadat2009
مشرفة قسم الكتابة
مشاركات: 1481
اشترك في: 02 فبراير 2009, 12:00 pm
Real Name: غادة يسري
Favorite Quote: كن جميلا ..... ترى الوجود جميلا :)
verification: ID verified and trusted writer
مكان: مصر الجميلة

Re: كورس تفاؤل

مشاركة بواسطة Ghadat2009 »

هااااايل جدا جدا جدا يا رحاب !! صورة

موضوعك في منتهى الروعة و التناول فريد جدا ! لم تكتفي بأسئلة و تساؤلات بل انك تعالجين و بكل جدية ! صورةصورةصورة

أشكرك جدا جدا ...و أتمنى أن تتقبلي انضمامي المتأخر للكورس العظيم ده ...و أتمنى ألا يخلو من ذكر الله لأن به تطمئن قلوبنا و نقبل على الحياة بهدف و ثقة

تحياتي لإبداع تفكيرك و قلمك و روحك الجميلة
صورة
صورة

.
.
.
[highlight=#ffff40]*** لــزيارة صــفـــحـــتــي *** [/highlight]
صورة العضو الرمزية
ابن مصر
أكاديمى نشيط
أكاديمى نشيط
مشاركات: 261
اشترك في: 04 نوفمبر 2008, 2:47 pm

Re: كورس تفاؤل

مشاركة بواسطة ابن مصر »

اولا الف حمدلة على سلامة غادة و انا سعيد جدا لعودتها الى مشاركتنا و امتاعنا بمشاركاتها و ردودها الجميلة و الناقدة ثانيا بجد كانت حصة جميلة جدا يا ابلة رحاب صورةو ان شاء الله هاعمل الواجب كله و هسمع الكلام هاهاهاهاهاهاهصورة معلش شكلى رجعت طفل بس بجد حصة ممتازة و انا منتظر باقى الحصص و اتمنى ان اكون تلميذ مطيع بس انا ماليش دعوى غادة بتغش منى و كمان اخدت منى الاستيكة صورة

تحياتى الى الابلة رحاب
صورةصورة
ابن مصر
على اسم مصر التاريخ يقدر يقول ما شاء
أنا مصر عندي أحب وأجمل الأشياء
بحبها وهي مالكة الأرض شرق وغرب
وبحبها وهي مرمية جريحة حرب
بحبها بعنف وبرقة وعلى استحياء
واكرهها وألعن أبوها بعشق زي الداء
----------------------------------------
يالا يا مصرى نشترى المنتج المصرى
--------------------------------

صورة
رحاب صفا
أكاديمى نشيط
أكاديمى نشيط
مشاركات: 265
اشترك في: 29 مارس 2009, 2:30 pm
Favorite Quote: إذا أردت شيئاً بشدة فتتبعه
اتصال:

Re: كورس تفاؤل

مشاركة بواسطة رحاب صفا »

Ghadat2009 كتب:هااااايل جدا جدا جدا يا رحاب !! صورة

موضوعك في منتهى الروعة و التناول فريد جدا ! لم تكتفي بأسئلة و تساؤلات بل انك تعالجين و بكل جدية ! صورةصورةصورة

أشكرك جدا جدا ...و أتمنى أن تتقبلي انضمامي المتأخر للكورس العظيم ده ...و أتمنى ألا يخلو من ذكر الله لأن به تطمئن قلوبنا و نقبل على الحياة بهدف و ثقة

تحياتي لإبداع تفكيرك و قلمك و روحك الجميلة
صورة


حمدلله على سلامتك يا غادة ..وانت يا غادة من أعضاء هيئة التدريس خصوصاً بحكمتك "كن جميلا..ترى الكون جميلاً المميزة"
أنا سعيدة بانضمامك ومشاركتك وسعيدة اكتر برجوعك بألف صحة وعافية إن شاء الله.صورةصورة
والنقطة اللي أثرتيها كانت جاية جاية...دايماً سباقة بالخير يا غادة وهنتكلم فيها حصة بحالها....
انتظرونا.
السكون للامعقول قدر لا نفقه تفسيره.
رحاب صفا
أكاديمى نشيط
أكاديمى نشيط
مشاركات: 265
اشترك في: 29 مارس 2009, 2:30 pm
Favorite Quote: إذا أردت شيئاً بشدة فتتبعه
اتصال:

Re: كورس تفاؤل

مشاركة بواسطة رحاب صفا »

ابن مصر كتب:اولا الف حمدلة على سلامة غادة و انا سعيد جدا لعودتها الى مشاركتنا و امتاعنا بمشاركاتها و ردودها الجميلة و الناقدة ثانيا بجد كانت حصة جميلة جدا يا ابلة رحاب صورةو ان شاء الله هاعمل الواجب كله و هسمع الكلام هاهاهاهاهاهاهصورة معلش شكلى رجعت طفل بس بجد حصة ممتازة و انا منتظر باقى الحصص و اتمنى ان اكون تلميذ مطيع بس انا ماليش دعوى غادة بتغش منى و كمان اخدت منى الاستيكة صورة

تحياتى الى الابلة رحاب
صورةصورة



أنا واثقة إن الأستيكة أصلاً بتاعة غادة ...فبلاش شقاوة وركز في الحصة ،والواجب ابعته في أي وقت..مستنياه..وغادة من صف الشطار لا يمكن تغش منك ..ركز انت بس وذاكر واعمل الواجب.
السكون للامعقول قدر لا نفقه تفسيره.
تنهيدة
مشرفة قسم أدب الأطفال
مشاركات: 1291
اشترك في: 04 نوفمبر 2008, 3:01 am
Real Name: نهاد نعمان
Favorite Quote: لوسرقت منا الأيام قلباً معطاء بسام لن نستسلم للآلام ...لن نستسلم للألام .....
verification: ID verified and trusted writer
مكان: بنت مصر

Re: كورس تفاؤل

مشاركة بواسطة تنهيدة »

أنتى رائعة بجد يارحاب ...بجد كلامك يدعو لكل التفاؤل والأمل أد أيه حاسه انك كتباه بمنتهى الحب ربنا يديم عليكِ أحساسك الجميل...الحصة بجد ممتازة وأستفدت بيها كتير يا ميس ..بس الواجب صعبة أوى (انا ليه كدا)صورة ....لالا الواجب محتاج تفكير بس أوعدك انى حجاوب وأقدملك الواجب بسرعة ...بس بالنسبة للأسئلة الموجودة أثناء الحصة ...
أنا عن نفسى أول ماأقوم من النوم بفكر فى أول شىء أنى حصنع النهاردة شيئ جديد بس أوقات كتير الاقى اليوم أتخطف منى وعملت حاجة جديدة ...
وأول حاجة بعملها الصبح أفتح الشباك وأشرب حاجة سخنة وبكون عندى كمية تفاؤل جامدة جداااا بس بتقل على مدار اليوم
بجد عجبنى اوى التمارين واللهى لو نفذناه حيختلف يوما خالص
بجد بحيكِ ياميس رحاب على هذه الفكرة الرائعة الا أمتعتنى فوق ماتتصورى عجبنى أوى تصنيف المضايقين حلو أوى...
بس ياريت تخلى بئة كلو واحد يقعد بعيد عن التانى عشان الولاد بتغيظ فينا عشان هما يومهم بيكون مختلف عننا عشان بيخرجوا أكتر مننا وبيقدروا يستمتعوا بيومهم عننا بكتير ياريت تعملى حصة تقوللنا أحنا البنات أزاى نستمتع بيومنا زيهم ...صورة
بشكرك تانى يارجاب لان بجد كلامك فى منتهى الرووووووووووووووعة فى أنتظار الحصة الجاية بفارغ الصبرصورةصورةصورةصورة
وصباح كله أمل وتفاؤلصورة
صورة
رحاب صفا
أكاديمى نشيط
أكاديمى نشيط
مشاركات: 265
اشترك في: 29 مارس 2009, 2:30 pm
Favorite Quote: إذا أردت شيئاً بشدة فتتبعه
اتصال:

Re: كورس تفاؤل

مشاركة بواسطة رحاب صفا »

تنهيدة كتب:أنتى رائعة بجد يارحاب ...بجد كلامك يدعو لكل التفاؤل والأمل أد أيه حاسه انك كتباه بمنتهى الحب ربنا يديم عليكِ أحساسك الجميل...الحصة بجد ممتازة وأستفدت بيها كتير يا ميس ..بس الواجب صعبة أوى (انا ليه كدا)صورة ....لالا الواجب محتاج تفكير بس أوعدك انى حجاوب وأقدملك الواجب بسرعة ...بس بالنسبة للأسئلة الموجودة أثناء الحصة ...
أنا عن نفسى أول ماأقوم من النوم بفكر فى أول شىء أنى حصنع النهاردة شيئ جديد بس أوقات كتير الاقى اليوم أتخطف منى وعملت حاجة جديدة ...
وأول حاجة بعملها الصبح أفتح الشباك وأشرب حاجة سخنة وبكون عندى كمية تفاؤل جامدة جداااا بس بتقل على مدار اليوم
بجد عجبنى اوى التمارين واللهى لو نفذناه حيختلف يوما خالص
بجد بحيكِ ياميس رحاب على هذه الفكرة الرائعة الا أمتعتنى فوق ماتتصورى عجبنى أوى تصنيف المضايقين حلو أوى...
بس ياريت تخلى بئة كلو واحد يقعد بعيد عن التانى عشان الولاد بتغيظ فينا عشان هما يومهم بيكون مختلف عننا عشان بيخرجوا أكتر مننا وبيقدروا يستمتعوا بيومهم عننا بكتير ياريت تعملى حصة تقوللنا أحنا البنات أزاى نستمتع بيومنا زيهم ...صورة
بشكرك تانى يارجاب لان بجد كلامك فى منتهى الرووووووووووووووعة فى أنتظار الحصة الجاية بفارغ الصبرصورةصورةصورةصورة
وصباح كله أمل وتفاؤلصورة


زي ما توقعت ...نهاد التلميذة النجيبة ... متابعتك للحصة ممتازة...وهايل قوي انك بتعملي نص التمارين تقريباً ...واظبي على اللي باقي ..دربي نفسك عليه طول الأسبوع... وقوليلي النتيجة
وبالنسبة لفكرة "يوم للبنات" فكرة جميلة جداً جديرة بالتفكير ،والتحضير ..بس اديني وقت بس أحضرها وأوعدك بيها...
وبالنسبة لموضوع إنك بتتقلي في نص اليوم...فوقي نفسك أول بأول ...وبالتدريب واحدة واحدة هتلاقي أدائك بيتحسن يوم عن اليوم اللي قبله...
والواجب رغم صعوبته - على حد تعبيرك - مش هيصعب على أشطر تلميذة في الفصل نهاد...مستنيا الواجب بتاعك في أي وقتصورة
السكون للامعقول قدر لا نفقه تفسيره.
صورة العضو الرمزية
ريم
أكاديمى نشيط
أكاديمى نشيط
مشاركات: 219
اشترك في: 07 مارس 2009, 1:43 pm
Favorite Quote: ((إن الله لا يغير ما بقوم حتى يغيروا ما بأنفسهم))
verification: ID verified and trusted writer
مكان: مصر

Re: كورس تفاؤل

مشاركة بواسطة ريم »

صورةرااااااااااااائع جدا جدا يا دكتورة رحاب الكورس ده جه في وقته لأني محتاجاه جدا
فكرتك ممتازة ..وعامل زي كورسات التنمية البشرية
بس حقيقي هكتبها عندي علشان أنفذ نصائخك الغالية يا دكتورة ...
بس هو الكورس بكااااام..؟؟؟
أنا هقول لك:
إن إحنا ندعي لك ربنا يسعدك زي ما بتسعدينا
صورةوهجاوبك أول ما بصحى من النوم ما بلحقش أفكر هعمل إييه عشان إبني بيقول لي ماما اصحي عايز أعمل بيبيه...!صورة
بس لو صحيت في أمان لا قدر الله وصحيت وحدي بتمنى أعمل حاجة جديدة ومختلفة وبفكر كثير في المستقبل...
أشكرك كثيرا على الكورس وفي انتظار يوم الأحد بفارغ الصبرصورةصورة
صورة
أضف رد جديد

العودة إلى ”من أنت...؟“