حال أمتنا -التدريب الخامس على المسابقة-الزهراء

[الزهراء]

مُش قُلت قبل كدة و قلنالك صعب
مش سألت و جاك الجواب
خللي الأمور كدة و الصح جوا القلب
من غير مل تفتح علينا ابواب
.................................
خلينا عايشين كدة زي ما تعودنا
و ما تقليش نرجع زي زمان
احنا في النهار دة و دة حال أمتنا
عندك المية و تموت عطشان
..................................
كان نفسي أمدلك ايدي يا خويا
و افرح قلبك الحزين
بس اديك شايف في لحظة يولعونا
و احنا بجد مش ناقصين
.............................
ما تقوليش ضميرك مات
و يا خسارة اللي فات
ما تفكرنيش انو احنا خوات
و انو في تاريخ بيجمعنا
................................
ما تسألنيش مين يحرر فلسطين
و يرجّع أمجاد معركة حطين
ما توصفليش انجازات صلاح الدين
ما لهاش في ذاكرتي مكان
......................
و ما تفكرنيش بسنين الفتوحات
و اللي عملوا عقبة و ابن زياد
ما تقليش كانو زي الاخوات
بيجاهدوا و مناهم الاستشهاد
.............................
بس أنا رافع اديا و بدعي ربي
يحسنلك الاحوال
أنا ساكت بس ف عنيا شوف حبي
باين من غير ما يتقال
...........................
أكتر من كدة ما أقدرش أقول
لحسن حد منهم يسمعني
أصل الموضوع دة شرحوا يطول
و اوعى فيه تاني تكلمني

[المصرية]

ماشاء الله يا زهراء رائعة ايه الجمال ده واللهى كلماتك حلة وعلى الجرح يارب دايما يا حبيبتى .

[محمد محمود]

أيوة كدة يا زهراء
مش قلت لك انك حتكتبي شعر جميل
وأديكي بدأت بداية طيبة شعر عامي بروح ممزوجة بين الدعابة والسخرية من واقعنا الأليم
وبإذن الله لو كتبتي شعر كتير حتلاحظي إن كل قصيدة حتكتبيها حتكون أقوى من اللي قبلها
لكن والله وبحق بداية طيبة ومشجعة

[السيد فهيم]

الزميلة العزيزة الزهراء ...بالطبع أحييكي علي المحاولة .. عبرت بصدق بالغ عن حال أمتنا البائسة .. غلب علي اسلوبك السخرية اللاذعة وجلد الذات ... نفس ما يعتري الجميع .. كنت اتمني لو تغنينا بأمجادنا و انجازاتنا لكن لا محالة من القرار بالأمر الواقع (الواقع فعلا من التردي والاضمحلال)... صعب اننا نقول كدا .. لكن اعترافاتنا دي يمكن تفوقنا ... اشكرك علي امتاعنا بكلماتك.
السيد فهيم