أكاديمية ايجيبت رايت الأدبية

بقيت أخاف من الجرنال
أو حتى قصوصة ورق
لاحسن مالاقي في يوم
الأقصى من تاني اتحرق
ولا أشوف بعنيا
رئيس عراقنا اللي تشنق!
ببرود أمريكاني
وبقهرة وجعاني
شفتوه يا إخواني؟
طب ليا ما قمنا كلنا؟
وبإيد واحدة مع بعضنا
نلحق بواقي حقنا
ليه مابتردوش
هو انتوا ماسمعتوش؟
صرخة أمي في فلسطين
وأولادنا المتشردين
وشبابنا المدبحوين
قالوا هنقعد ونحلها
لابد ما نصون عرضها
ده احنا عرب
والكلمة عندينا شرف
ممكن يا خواجة لوسمحت
من فضلك لوسمحت
تديني قرشين سلف
وهردهوملك عن قريب
طناش وفرقة وبعترة
اسألني ليه؟
لاجل ما تدخل دخلتك
وف ثانية تضرب ضربتك
ما تلاقي قدامك مصد
تمشي متهني ف بلادنا
ما يضيقك في الشوارع حد
مش قولتلك؟
ده احنا عرب
والكلمة عندينا شرف
يلا بقى
نوالني قرشين سلف
والوعد وعدي وانت عارف
أنا عمر وعدي ماتخلف
ده عهد قطعينه على نفسنا
احنا العرب
إن اللي ييجي عندنا
يحفر بإيده قبرنا
وكمان نديله أرضنا
وإن نفسه راحت لأكلنا
نلفهوله
وندور ناكل ف بعضنا
وإن زاد علينا الجوع
ننزل نبيع ف لحمنا
وإن جبر
نربط حزام على بطننا
ده كله إلا الضيف
اكرامه حق عندنا
ده احنا العرب
ما حد يعطي زينا
ولا حد يصبر صبرنا
ايه الخبر؟
خدوا قصر صاحبي؟
مش مهم
ما دمنا لسة ف قصرنا.

الله الله يا رحاب أسلوب ممتاز
أسلوبك الساخر جعلني أذوق طعم واقعنا الأليم من وقع كلماتك
فعلا ً إحنا اللي بنرخص نفسنا و بنرضى لنفسنا الذل والمهانة
ربنا يتوب علينا من شرور أنفسنا وسيئات أعمالنا وينصر أوطاننا

الزميلة المبدعة رحاب ... احييكي علي قصيدتك الغارقة في الواقعية ... كلماتك متدفقة ومعبرة ببساطة وانسيابية ... وان كانت مفعمة بمرار الحقيقة المفجعة ... أحييكي بشدة والي الأمام دوما.
السيد فهيم

جمييييييييييل جدا يا رحاب .اسلوب جديد منك -اسلوب ساخر وهزلى يعكس واقع مرير
اسلوب شعراء كبار مثل ايمان بكرى
اسلوب الشعر الحديث العفوى بكلمات تهكم غطت كل الاحداث فى سطور قليله وكلمات ثقيله
ونهايته قويه تظهر حال العرب من الانانيه والاحباط
ايه الخبر؟
خدوا قصر صاحبي؟
مش مهم
ما دمنا لسة ف قصرنا.


برافووووووووووووووووووووووو
ملحوظه: اكتبى اسمك فى العنوان حال أمتنا-التدريب على المسابقة-رحاب صفا و على فكره موجود مرتين

أهو كده الكلام.....
وصفك للحال فيه سخرية لاذعة و تهكم لكنه في النهاية واقعي جدا
عجبني قوي التفافك علي المعاني

وإن نفسه راحت لأكلنا
نلفهوله
وندور ناكل ف بعضنا
وإن زاد علينا الجوع
ننزل نبيع ف لحمنا
وإن جبر
نربط حزام على بطننا
ده كله إلا الضيف
اكرامه حق عندنا
ده احنا العرب
ما حد يعطي زينا

برافوووووووووووو
شاعرة من العيار التقيل....

أحييكclap1

محمد محمود كتب:الله الله يا رحاب أسلوب ممتاز
أسلوبك الساخر جعلني أذوق طعم واقعنا الأليم من وقع كلماتك
فعلا ً إحنا اللي بنرخص نفسنا و بنرضى لنفسنا الذل والمهانة
ربنا يتوب علينا من شرور أنفسنا وسيئات أعمالنا وينصر أوطاننا

اللهم آمين...الحقيقة إني كنت مستنية الردود وكأني مستنية نتيجة امتحان صعب...لأني أول مرة أكتب النوع ده من الشعر العامي...مكتبتش قبل كده شعر عامي...دتيماً كنت بحس إنه صعب قوي لدرجة إني مفكرتش أحاول فيه ..بس العنوان والموضوع حاسيته لازم يخرج باللغة اللي بنتكلم بيها واحنا متنرفزين...مش عارفة يمكن أكون صح ويمكن أكون غلط.
بس في كل الأحوال تشجيعك يهمني ومعاه تساؤل عن كيفية تنمية هذا اللون من الكتابات عندي؟
ولك جزيل الشكر.

السيد فهيم كتب:الزميلة المبدعة رحاب ... احييكي علي قصيدتك الغارقة في الواقعية ... كلماتك متدفقة ومعبرة ببساطة وانسيابية ... وان كانت مفعمة بمرار الحقيقة المفجعة ... أحييكي بشدة والي الأمام دوما.
السيد فهيم

الحقيقة أني كتبتها قبل أن أقرأ قصيدتك العبقرية حتى كدت أتوارى خجلاً من فرق المستويين ...ويشرفني ثنائك وقرائتك لبدايتي المتواضعة ،ويسعدني أن أزاملك في لون أعتبرك من قواده في هذه الأكاديمية الدسمة...فلك مني كل إعجابي وتقديري لقلمك النادر.

donnabella كتب:أهو كده الكلام.....
وصفك للحال فيه سخرية لاذعة و تهكم لكنه في النهاية واقعي جدا
عجبني قوي التفافك علي المعاني

وإن نفسه راحت لأكلنا
نلفهوله
وندور ناكل ف بعضنا
وإن زاد علينا الجوع
ننزل نبيع ف لحمنا
وإن جبر
نربط حزام على بطننا
ده كله إلا الضيف
اكرامه حق عندنا
ده احنا العرب
ما حد يعطي زينا

برافوووووووووووو
شاعرة من العيار التقيل....

أحييكclap1

متابعتك بتسعدني يا دونا بجد...ووصفك لي "بالعيار التقيل" شرف أرجوا أن أستحقه،وأكرر لك ما قلته للسيد فهيم ..أتعلم منك في هذا اللون الأدبي الكثير فكراً ومعنى وأسلوب...أرجوا أن أرى إشراقة جديدة لك يا عزيزتي.
شكراً لتعليقك.

شيماء قبيصى كتب:
جمييييييييييل جدا يا رحاب .اسلوب جديد منك -اسلوب ساخر وهزلى يعكس واقع مرير
اسلوب شعراء كبار مثل ايمان بكرى
اسلوب الشعر الحديث العفوى بكلمات تهكم غطت كل الاحداث فى سطور قليله وكلمات ثقيله
ونهايته قويه تظهر حال العرب من الانانيه والاحباط
ايه الخبر؟
خدوا قصر صاحبي؟
مش مهم
ما دمنا لسة ف قصرنا.


برافووووووووووووووووووووووو
ملحوظه: اكتبى اسمك فى العنوان حال أمتنا-التدريب على المسابقة-رحاب صفا و على فكره موجود مرتين

انت بقى يا شيماء فردك حكاية.....
ورد فعلك كنت مترقباه،وبهرني الحقيقة،ومكنتش متوقعاه!!!!!
ايه التشجيع الهايل ده يا شيماء؟!!!!!!
الحقيقة أنا كنت خايفة ومترددة أنشر الموضوع ده...كنت حساه أقل من المستوى الموجود،وكلامك ده يا شيماء هيشجعني جداً وفرحني جداً جداً.....بس موضوع إيمان البكري ده حلم بعييييييييييييييييد يا ريت يتحقق...ربنا يكرمك كما أسعدتيني ومنحتيني من الثقة ما قد يغير الكثير في قلمي.
فلك مني كل الإمتنان والشكر.

أولا ً أشكرك يا رحاب أن تكون أول محاولة شعرية من نصيب قسم الأشعار بالأكاديمية
وهي بحق بداية مشجعة جدا ً أرجو منك الإستمرار والكثير من الكتابات الشعرية الناجحة .
ثانيا ً بالنسبة لسؤالك عن كيفية تنمية المقدرة الشعرية فالأمر في غاية السهولة سواء بالنسبة لشعر الفصحى والشعر العامي
فقراءة الكثير من القصائد ينمي الناحية اللغوية والإحساس الشعري لدينا ، ودائما ً احرصي على قراءة الشعر الذي تحتوي أبياته على موسيقى داخلية فذلك ينمي تذوقك الأدبي كثيرا ً خصوصا ً وأنك تمتلكين والحمد لله الملكة الأدبية واللغة الجيدة .
وحاولي أن تكتبي الكثير من أبيات الشعر وترجمي كل فكرة تخطر ببالك حتى في حياتك لأبيات شعر
وكثرة الكتابة والقراءة لشعراء متعددين ستجعل الشعر لغة تتحدثينها بطلاقة
أتمنى لك كل توفيق