أكاديمية ايجيبت رايت الأدبية

قام الولد من رقدته
علي زغده من حضرة جناب المحترم
قال حضرته
ايه يا ولد
مش لما اعدي تقوم تمام وتكون همام
وتشد فوق ضهرك لجام
وكمان تنظم سكتي وياريت تعظم حضرتي
هو انت ايه ازاى سابوك
دول كانوا لازم يمسكوك او يعدموك
اقلع هدومك حطها في الارض علشان خطوتي
مش مشكلة لو خدت برد
المشكلة لو مرة بردت جزمتي
خليك سريع
وبحذرك احسن تضيع
مجد في لبسي وفخمة
اشعر في قلبي وضخمة
متخلنيش اضطر احطك في السجون
واكتب بايدي تهمتك وهم وجنون
واخطب بصوتى تحت قبة منبري
لا يسلم الشرف الرفيع من المبادئ حتي تراق علي جوانبه الحوادئ

قصيدة جميلة
صورت بها طغيان الإنسان على أخيه الإنسان
وكيف يطغى القوي على الضعيف وكأننا نسينا ما يوصينا به ديننا من تواضع
ورحمة ، فمن تواضع لله رفعه .
كلماتك تتناول قضية هامة جدا ً توجد قي مجتمعاتنا بشكل كبير وهي ضياع الرفق من معاملاتنا
ليتنا نعرف أنه " ما وجد الرفق بأمر إلا زانه وما نزع من أمر إلا شانه "
أشكرك على اتقانك الواضح لأدواتك الشعرية في هذه القصيدة

قصيدة زجلية جميلة جدا فيها موسيقى جميلة وسهلة
وربنا يوفقك و ياريت نشوف اسمك ف الساحة الأدبية قريب انشاء الله
مع فائق التقدير
علي ابو المجد