السادة أعضاء الأكاديمية وأعضاء إدارتها

[المهاجر]

السلام عليكم


السادة أعضاء أكاديمية إيجيبت رايت الادبية والسادة أعضاء إدارتها ، منذ ولوجى الى هذا المكان وأنا اعتبره بيتى الثانى ولن اكون كاذباً لو قلت أنه بيتى الاول وبما إن فيه ناس تانية فى البيت إذا فكل من فى البيت إخواتى وبما أنهم إخوة فمن الواجب المشاركة فى كل الافراح والاحزان ....

لهذا أحب وأود أن أتوجه للجميع بالدعوة لحضور زفاف شقيقتى الشيماء بعد صلاة عصر الخميس القادم فى قريتنا وقد وجهت هذه الدعوة لأخلص ضميرى وأكون قد أديت واجبى تجاه الأكاديمية وأعضائها ...


يعنى من الآخر بقى الكل معزوم على فرح أختى واللى عايز ييجى يبعتلى فى الخاص وأنا ابعتله العنوان بالظبط .............. وسيبونا من الرسميات بقى ........... كووووووووووووول يا رجالة


سلام عليكم بقى

[هبة الله محمد]

ألف مبروك..




عايزين الحاجة الساقعة هنا في الأكاديمية..إزاي معرفش

[الزهراء]

ألف ألف مبروك لأختك شيماء

إن شاء الله يا ربي يسعدها و يهنيها و تكون زيجة الدهر كلوا و عقبال كل الاعضاء غير المتزوجين و اولهم طبعا انت يا أحمد .. عن قريب ان شاء الله

بالرفاء و البنين

[walaa mohamed]

ألف مبروووووووووك يا أحمد لأختك شيماء
طبعا يعنى اللى مش هيعرف يحضر هيستنى حفلة صغيرة كده هنا فى الاكاديمية

[ابن مصر]

الف مبروك يا احمد و ربنا يتمم بخير و عقبالك و نفرح فيك و معلش مش هاقدر اجى لانى بجد الايام دى مشغول جدا بس باركلها نيابة عنى و ربنا يهنيها و اشربلى الحاجة الساقعة ماشى




الف مبروك

[تنهيدة]

م11 أيه الأخبار الحلوة دى ياأحمد بجد أنا كل يوم بتمنى أصحى الصبح الائى خبر حلو عن فرح أو مناسبة سعيدة ...

والنهاردة مناسبة سعيدة عند أخ وصديق عزيز علينا كلنا ....وفعلا ياأحمد زى ماقلت لان كلنا حسينا أن الأكاديمية بتنا

الا بيضم أفراحنا وأحزانا وانا كلنا لازم نشارك بعض فى كل اوقاتنا سواء الحزينة او السعيدة فبجد انا سعيدة جداااا

أنهاردة بدعوتك الا بجد بتقوى أوى أحساسنا بالأنتماء للأكاديمتنا الجميلة ورائع بجد منك أنك فكرت تدعونا على الفرح

و أنا أتمنى لو كلنا أتجمعنا فى فرح أختك لكن أكيد ظروف كل عضو فينا حتختلف عن التانى لكن حقيقى مجرد

دعوتك دى أجمل تجمع لينا وأتمنى لو فعلا أكبر عدد من الأعضاء تحضر وطبعا الولاد ممكن تحضر اكتر مننا

لانكم عندكم فرصة أكبر فى الخروج والسفر يلا بئة حظكم مش وقت حسد النهاردة هستنى لما الفرح يخلص

المهم ألف مبروك لشيماء وإن شاء الله يكون فرحها أجمل فرح فى الدنيا .... وامانة ياأحمد توصل لشيماء سلامى

وتقولها ربنا يتمم لها بخير وأيامها الجاية إن شاء الله تكون كلها هنا وسعادة ....

انا بحب أى ورد لونة ابيض فجبت لشيماء أجمل باقة ورد بيضا ربنا يجعل كل أيامها بلون الورد الأبيض

ألف مبروك ياأحمد وعقبالك أن شاء الله

[الأمير الحائر]

ألف مبروك يا أحمد...
وأنا إن شاء الله معاك فى الفرح...واهى أفضل فرصة إن إحنا نشوف بعض أول مرة
ربنا يتمم بخير لأختك و عقبالك يا أحمد لما نحضر فرحك إن شاء الله

[محمد محمود]

أف ألف مبروك يا أحمد ربنا يسعد العروسين ويبارك لهما ويبارك عليهما ويجمع بينهما في خير .
والله لولا ظروف عملي هذه الأيام لكنت حضرت الفرح خصوصا ً وأني متشوق جدا ً لرؤيتك انت وزميلنا وليد ونفسب والله أتعرف بيكم .
عموما أرجو أن توصل تهنئتي للعروسين ، وأتمنى أن أراك وأتشرف برؤيتك عن قريب

[donnabella]

ألف ألف مبروك يا أحمد ... و الله أنا لو بإيدي آجي فورا ... أرجوك توصل تهانينا لأختك.

بارك الله للعروسين و بارك عليهما و جمع بينهما في خير



ربنا يتمم بخير .. و عقبالك

[نبضة...]

ألف ألف مبروووووووووووووووووووووووك...
وعقباااااااالك يا احمد... وان شاء الله يقضوا حياة سعيدة مع بعض..