أكاديمية ايجيبت رايت الأدبية

محمد محمود كتب:الله يكرمك يا غادة على هذا الموضوع
هذه الحادثة أثرت فينا جميعا ً
ربنا يستجب لدعائنا للفقيدة وأهلها . آمين

وهذه الكلمات كتبتها ولأول مرة بالعامية فأرجو أن تعذريني لأي خلل بالأبيات .


من غير دليل
وصفوها ليه بالإرهابية
علشان في يوم لابسة حجاب
بالذمة دي مش عنصرية
من غير سبب
وقعت غريقة في دمها
يتموا الطفل البريء
دبحوا البراءة في مهدها
ضلموا ليه الطريق
وازاي حيفهم طفل يوم معنى التسامح
بعد ما شاف جسم أمه بينطعن
يفقد حنانها قبل ما ينول عطفها
علشان ما يوم رفضت بلادها تتلعن
عاشت بعزة نفسها
ماتت ورافعة أنفها
رفضت تسلم لما يتهان الوطن
ندل وقتلها وسط ساحات القضا
علشان في يوم لجأت لباب المحكمة
رافضة لبلادها المهانة
قالت وليه الإستكانة
طول ما حقي وربنا دايما ً معانا
إرهاب ده إيه
عمره ما كان يوم عندنا
دينا ده دين للإنسانية
روح التسامح مننا
مسلم مسيحي
عايشين جيران عايشين حبايب كلنا
طول عمركم إنتوا يا غرب
دايما ً بتولعوها حرب
لجل ما تبيعوا السلاح
تقتلوا فينا الكفاح
وان يوم نطقنا
توصفونا بالعداء للإنسانية
لكن الدنيا اللي جاية
أبدا ً في يوم ما حتبقى ليكو
عمرنا ومن النهاردة
أبدا ً ما يوم راح نحيا بيكو
إحنا حنحيا بمجدنا
بالتسامح والإيمان
اللي بيملا قلبنا
دايما حتفضل أرضنا
أرض السلام
اللي فكتابه ذكرها ربنا
وقال لخلقه
من نصارى ومسلمين
أرض مصر
ادخلوها آمنين
يا رب
زي ما خلقت الأمان في أرضنا
إرحم شهيدة مصر
اللي في جوار ربنا .

الحلم المستحيل كتب:بشكرك جدا على الشعر الجميل ده ........... و كلامك معبر فعلا عن حزنك يا غادة .........

و بشكر الاستاذ محمد اللي كتب باحساس صادق اوي ............

و ربنا يرحمها يا رب .......... و يثبت اهلها و ابنها ............. و كفاية انها ماتت بكرامة و عزة و كبرياء ...........

و ربنا يجعلها اخر الاحزان في اسرتها يا رب .........

السيد فهيم كتب:الزميلة المبدعة غادة ... الزميل المبدع محمد محمود ... لكما مني تحية خالصة علي تفاعلكم المخلص مع القضية ... وكلماتكم الجياشة المؤثرة ... فلا نضب معين ابداعكم ولا فض فوكم .... والي المزيد من الجهاد في ساحة الابداع وليكن سلاحكم كلمات مشحونة بالأيمان ومدعمة بالأمل ... حاولت الكتابة في هذا الموضوع لكن للأسف كانت كلماتي من القسوة و القتامة ما جعلني أحجم مرارا عن طرحها لكنني سأقول ما يجيش بصدري والله المستعان علي ما يصفون
انكسار
باعلنها في عز النهار
ما دام طاطينا
واتواطينا
وادناهم مفتاح الكرار
دلوقتي ما لناش اختيار
القرار أصبح بإيدهم
و احنا دلوقتي عبيدهم
الحصار فرضوه علينا
و احنا
بنزيد انكسار

....................... عفوا مش عايز حد يزعل مني .
السيد فهيم

وحيـــد كتب:رحم الله الشهيدة مروة الشربينى وسيظل الغرب كل يوم يعبر عن كرهه للاسلام حتى وان حاول اخفاء هذا الكره فى قناع الديمقراطية وحرية الرأى والتعبير حتى لو حاول اخفاء هذا الكره فى انها عمليات فردية فالكفر ملة واحدة فاللهم اغفر لها وارحمها

يا شهيدة الحجاب ابشرى بجنة الرضوان
لن ينسى حجابك يوماً أحد من بنى الانسان
قتلتى لاجل قضية وحجابك هو العنوان
بغدر طعنتى وبغدر وضعوك بالأكفان
فعليكى رحمة الله ولكى جنة الرضوان