تعرف يا حبيبي
*******
تعرف يا حبيبي انا لمَا بشوفك بيحصل لى إيه
أنا بنسى الدنيا وبنسى العالم باللى فيه
عايزك معايا ف كل مكان وف كل زمان ـــ من غيرك أنا يا حبيبي أتوه عن العنوان
د انت منور لى طريقي ومعيشني ف أمان
***
أنا من غيرك ولا حاجة وانا كنت حاقولك حاجة ـــ لمَا شفتك نسيتها يا منسينى الكلام
أيوة انا عايزك ف حضني وتكون ـــ على طول كدا جنبي وتبادلني الغرام
***
مجنون انا بحبك وبدوب أوى ف قلبك وبتمنى رضاك
دا مفيش غيرك ف بالى يا مسهرني الليالي يا مدوبني ف هواك
***
د انت حبيب عمري وافديك انا بعمري ـــ يا شمسي يا ضلى يا كل ما ليا
خليك دايماً معايا حبك ليا كفاية ـــ د انت اللى فاضل لى من كل الدنيا ديه
انت اللى فاضل لى من كل الدنيا ديه
***
تعرف يا حبيبي انا لمَا بشوفك بيحصل لى إيه
أنا بنسى الدنيا وبنسى العالم باللى فيه
********
*****
***