ارض الحنان

[asmaa ahmed mousa]

لتهاردة انا بتكلم كلام من قلبي
النهاردة انا هقول فيكي احلى شعر واحلى كلام
النهاردة عمري ليكي ومش هزعل عليه
انا عارفة اني بحر كلام مش بينتهي
بس لازم تسمعي اللي في قلبي
شربت الحب من نيلك وكرهت الغدر من عدوك
شايقاكي على طول عروسة لابسة الطرحة
شايفاكي شمس بتشرق وبتنور الدنيا
شايفاكي ام بتحضن اولادها بحنية
شايفاكي طريق مرسوم قدامي
يابلدي يا اغلى من عينيا
بحبك بحبك بحبك يا امي
بحبك وانا واعية لكل كلمة
روحي بقدمهالك على طبق من دهب
روحي مش قادرة تستنى انك تندهيلها
يا غالية عليا يا نسمة هوى بعيش عشانها
كل كلامي ده ولسة حاسة اني مقصرة في حقك
يا ارض الامان وارض الحنان للشعوب
بحبك بحبك يابلدي يا احلى حكاية بحكيها
يا احلى رواية هرويها للي بعدي
دي وصية للي مقصر فيكي
دي وصية للاجيال وللشعوب
مصر ام البلاد احضنها وحس بيها
هتحس اد ايه هيه بتحبك

[سندريلا]

اهلا بيك اولا يا اسماء في الاكاديمية كاخت و زميلة عزيزة ... و يا رب تستفيدي منها و تفيدي فيها باذن الله ... م11

خاطرتك حلوة بدءا من العنوان الجميل المقصود بيه مصر ام الدنيا .. ثانيا الكلمات الجميلة و إحساسك الصادق لحبك لمصر ...

و عاطفتك المتنوعة شوية حب في مصر و شوية اشتياق ليها و حب في نيلها و جمالها ...

خاطرة جميلة احييك عليها و اتمنى ان ارى لك المزيد من الاعمال المبدعة هنا في الاكاديمية .......