أكاديمية ايجيبت رايت الأدبية

تنهيدة كتب:كلماتك غاية فى الجمال ياعاطف بجد أستمتعت جدا بيها لانها مكتوبة بكل صدق ودايما بيميز كتاباتك انها مكتوبة عن تجربة حقيقية فى حياتك يعنى كل كلمة مكتوبة بتكون مكتوبة بكل احساس وصدق ....
تناولت فكرة ان عن نفسى مقتنعة بيها جدااااا وهى أن مفيش معنى لكلمة مستحيل طول عمرى بقول للا حواليا أن طالما فى دنيا وفى ناس يبقى كل شىء ممكن لان ربنا سبحانة وتعالى خلق الدنيا وأستخلفنا فيها عشان نعمر كل شىء ونحل أسرار الكون يبئه فين هو المستحيل .. يعنى ماينفعش نقول مستحيل نحب عشان تجربة حب فاشلة أو انا حتى محبش كلمة تجربة فاشلة بفضل أقول قصة مكتملتش ...او نقول مستحيل يكون فى حياتنا أصدقاء عشان صديق خدع أوخان ..كلمة مستحيل كلمة الأسان المستسلم الا مش هيقدر يعيش فى الحياة غير وهو يأس ...
عبرت عن الفكرة بمنتهى الجمال وأجمل شىء أنك بقصيدتك بتحارب فيها أى أحساس يأس ممكن يتملكك وبتتمنى أنك تكون أحسن ولان مش كل الناس واحد فالازم هنقابل نماذج كتير من البشر فيهم الا يحب وفيهم الا بيعرف يكره وفيهم الا بيقدر يصون وفيهم الا بيتفنن ازاى يخون ...ويمكن كتير بنحس بالغدر لما بنتخان أو نتخدع لكن فى يوم أكيد هنلاقى ناس هتحبنا أقوى وفى الوقت دا هنحس أوى أن الحياة جميلة لاننا جربنا الغدر والخيانة وعرفنا أن الحب والوفاء شىء جميل مش من السهل نلاقاه ...
أنا أسفة طبعا أنى أتكلمت كتير لكن حقيقى كلماتك معبرة وجميلة وأتكلمت عن فكرة دايما جوايا
بتمنالك كل الخير وأنك تقدر دايما تحطم أى مستحيل ..

محمد محمود كتب:تحياتي لك يا عاطف على هذه الكلمات الرائعة وهذه المعاني الجميلة
فما أجمل أن يراجع الواحد منا أخطاءه ويتعلم منها ويزداد طموحا ً وإصرارا ً
حتى لو كبا به الدهر أو تخلى عنه الأصدقاء .
فمهما تغيرت النفوس والأيام يكفينا أن الأمل حي ٌ بداخلنا .
كلماتك خرجت صادقة ومعبرة فوصلت بسرعة
تمنياتي لك بلمزيد من الأعمال الناجحة

أحييك وأشكرك على ردك الطيب على كلماتي وأتمنى لك كل التوفيق والنجاح