يومياتى الشقية فى سواقة العربية-الجزء الخامس

للمواضيع الكوميدية أو الكتابات الفكاهية الساخرة, و التى لا تناسب أى من الأقسام الأدبية فى الأكاديمية, رجاء مراعاة قوانين هذا القسم جيدا قبل الكتابة فيه.

المشرف: تنهيدة

قوانين المنتدى
للمواضيع الكوميدية أو الكتابات الفكاهية الساخرة, و التى لا تناسب أى من الأقسام الأدبية فى الأكاديمية, مع الإلتزام بحدود لائقة فى المزاح بين الأعضاء, وعدم التجريح فى أى عضو فى الأكاديمية أو استخدام أسماء أى شخصيات عامة والتشهير بها.
أضف رد جديد
rawan432
أكاديمى نشيط
أكاديمى نشيط
مشاركات: 226
اشترك في: 27 إبريل 2009, 2:47 am
Real Name: روان عبد الكريم
Favorite Quote: كان ياما كان يا دمع الحنين
يا زمن العشق المكنسر
والوف القبور من العاشقين

يومياتى الشقية فى سواقة العربية-الجزء الخامس

مشاركة بواسطة rawan432 »

عارفة هتقولوا شريرة
صورة

النهاردة ارجعلكم بحكاية جديدة وكنت فيها شريرة جدا

بس ممكن تتصرفوا زى ما اتصرفت
اوعوا ده حظ مجرد حظ مش اكتر
والحظلا يحدث مرتين
صورة
الساعة 6 الصبح صحيت علشان ست الكل بنتى شهادة عقبال عندكم كده اولى ابتدائى

هى بنت كويسة اقولها تصحى
تقوم تصحى وتلبس وبكون جهزتلهاالسندوشات
وعند الباب
تقول
فوقى يا ماما وبصيلى من البلكونه والأ حرامى يخطفنى
اه والله وعمر الحرامى ده مجه!!!!!!
تنزل الهانم ومعاها الاربع قطط
قطين على الشمال
قطين على اليمين
ويهزوا ديلهم
مرة واحد قالى
طول عمرى اشوف الناس تمشى جنبيها كلب يهز ديله
بس عمرى ما شفت قطط تمشى جنب صاحبتها تهز ديلها

صورة
مفروض اضحك مش كده
راجل حقود يجيبله قطة تهز ديلها هو باصص لقطتى ليه
ههههههههه
المهم فضلت فى البلكونة مستنية الباص
واستنيت
صورة
استنيت كتير وفاضل نص ساعة على المدرسة
قلتلها اطلعى شكله مش جاى
طبعا بنتى من الناس الملتزمة وبتخاف منزعل ميس نها وميس صوفى ومش عارفة ميس مين تانى
ردت وعيطت انتى عاوزة الميس تزعل انزلى وصلينى
هى ممك تعيط لغاية معياد خروج المدرسة
وممكن تخاصمك لغاية العشا
صورة
فوق الترينج لبست جاكت طويل
وحطيت ايشارب على شعرى
ومش فاكره انا نزلت بشبشب البيت ولا لبست جزمة
وماله انا فى عربيتى حد ليه عندى حاجة
صورة
ووصلت الهانم للمدرسة ومن غير ميرسى يا ماما ولا حتى بوسة
او باى حتى
كل ده وانا شبه نايمه
يعنى قلت هاجرى انام تانى
ووصلت قرب البيت
وقرب حلم النوم يتحقق

الا والاقى ونش بيرجع عربية لمكانها تقربيا كده صاحبها لحقها
وعطل المرورعلشان يدخل العربية كانت الناس بترجع
يعنى الى قدامى بيرجع وانا ارجع وراه
الطبيعى ان البنى ادام الى ورايا يرجع
شوفته بيرجع وبعدين غير رأيه
ولما غير رأيه مينفعش انى كمان اغير رأى علشان الى قدامى لسه بيرجع
فلازم ارجع
على رأى طارق بن زياد العدو من خلفككم والبحر من امامكم
صورة
طبعا خبطت فى البيه الى ورا
ولسوء الحظ كان سواق تاكسى
ومركب بنت معاه
وهاتك يا شتمية فيا مع ان التاكسى مجرلوش حاجة

وده مش مبطل شتيمة
صورة
كبرت دماغى وقلت سيبك المهم تروحى تنامى
وفضى الشارع قدامى
جت اتحرك لقيته خبط عربيتى
نزلته بعد ما نسيت انا لابسه ايه

حضرتك خبط عربيتى ليه

علشان انتى خبطتى عربيتى الاول يا .......وشتمنى

شتمينى فى وشى
بكل وقاحة
بعدما خبط الاكصدام
وبحتر شخصيتى والناس بتضحك عليا فى الشارع

كان لازم انتقم وقد كان
رجعت عربيتىلةرا وقفلت عليه الطريق
ونزلته وقفت قدام العربية
وبكل برود قلت
منتش متحرك الا ماتعتذر
والبهوات بتوع المرور بيضحكوا
اتحرك سواق التاكسى من ورا عربيتى
بعد ما شتمينى تانى
اتجننت زيادة

وقفت بنفسى قدام بقى العربية التاكسى عشان امنعه يهرب
انت وقعت فى شر اعمالك
يلا بقى اخبطنى علشان تلبس مصيبة
الراجل مشى بالعربية فعلا وانا على الكبوت
مصدقش انى فدائية كده
صورة
بتوع المرور لاقنونى بصرخ وبشتم فيهم واحنا قربين من بيت الريس
وامن دوله

جه واحد من بتوع المرور
صورة
فيه يا هانم وهوبيبصلى من فوق لتحت وبيبص على العربية
طبعا فرق شاسع بين الهانم الغير مهندمة والعربية بنت الناس
صورة
شتمنى سواق التاكسى
مردش
خبط عربيتى
معلش
طب انا بقى هطلب شرطة النجدة للكوسة والبدنجان ده
حضرتك عاوزة ايه
اسحب رخصه خليه يتعلم الادب
-ورخصك كمان هاتيها
ومالله- بس هو الاول ده كان ردى وكملت
انا هاجبيلك الرخص من الهواية ثانية

زعق
زعق بتاع المرور ي
ياريت تركنوا على جنب
حضرتك تؤمر هو ده المطلوب
خد الرخص من السواق
صورة
وانا وسعتله الطريق علشان يركن قدامى
الناس لبعضيها برضه
ركن طلعت وراه
نزل السواق من العربيةعلشان رخصه
رحت مديلاه سارينه ومطلعاله لسانى
صورةصورةصورة

وفريت
ايوه فريت
صورة
اومال اقعد يسحبوا رخصى
صورة
وانا عاوزة انام
بجد كنت عاوزة انام
على فكرة محدش لحق ياخد الرقم
يعنى هوانا اشتم وكمان مخالفة
http://thumbs.bc.jncdn.com/043d1b820dd2c3e4b7d22e52d9f9c923_l.jpgصورةكان ياما كان يا دمع الحنين
يا زمن العشق المكنسر
والوف القبور من العاشقين
صورة العضو الرمزية
donnabella
مشرفة قسم الأشعار
مشاركات: 365
اشترك في: 30 يناير 2009, 4:16 pm
Real Name: نورا مجدي
Favorite Quote: إذا لم يكن من الموت بد .. فمن العجز أن تموت جبانا
verification: ID verified and trusted writer

Re: يومياتى الشقية فى سواقة العربية-الجزء الخامس

مشاركة بواسطة donnabella »

جامدة جدا :lol: :lol: :lol:
هو انت كنت شريرة صحيح بس بصراحة هو يستاهل vi2
هو اللي مش محترم و كان لازم يتربي huh1 ... مش كفاية أنه خرجك من عربيتك بالبالطو و الترنج ويمكن الشبشب :lol: :lol:
بس واضح إن إنتى في المرحلة دي كنتي خلاص بقيتي سَوييقّة...عرفتي تهربي منهم great1 great1

شريرة شريرة ... بس تاخدي حقك

happy11 happy11 happy11
ومـا مــِن كاتبٍ إلا سيبلى ....... ويُبقي الدهر مــا كتبت يـداهُ
فلا تكتُب بخطِك غير شيءٍ ....... يسُــرك في القيامةٍ أن تـراهُ
rawan432
أكاديمى نشيط
أكاديمى نشيط
مشاركات: 226
اشترك في: 27 إبريل 2009, 2:47 am
Real Name: روان عبد الكريم
Favorite Quote: كان ياما كان يا دمع الحنين
يا زمن العشق المكنسر
والوف القبور من العاشقين

Re: يومياتى الشقية فى سواقة العربية-الجزء الخامس

مشاركة بواسطة rawan432 »

donnabella كتب:جامدة جدا :lol: :lol: :lol:
هو انت كنت شريرة صحيح بس بصراحة هو يستاهل vi2
هو اللي مش محترم و كان لازم يتربي huh1 ... مش كفاية أنه خرجك من عربيتك بالبالطو و الترنج ويمكن الشبشب :lol: :lol:
بس واضح إن إنتى في المرحلة دي كنتي خلاص بقيتي سَوييقّة...عرفتي تهربي منهم great1 great1

شريرة شريرة ... بس تاخدي حقك

happy11 happy11 happy11

هههههههه
كويس أنك معايا
بس اوعى حد يتصرف كده

مش كل مرة

ده حظ مجرد حظ
http://thumbs.bc.jncdn.com/043d1b820dd2c3e4b7d22e52d9f9c923_l.jpgصورةكان ياما كان يا دمع الحنين
يا زمن العشق المكنسر
والوف القبور من العاشقين
صورة العضو الرمزية
هبة الله محمد
مشرفة قسم أخبار الأدب
مشاركات: 672
اشترك في: 28 نوفمبر 2008, 12:20 am
Favorite Quote: الجحيم هو الآخرين.
verification: ID verified and trusted writer

Re: يومياتى الشقية فى سواقة العربية-الجزء الخامس

مشاركة بواسطة هبة الله محمد »

دمك خفيف موووووووت..

الجزاء كلها ألى من بعضها.. great1

ميرسي ليكي يا روان
صورة
صورة العضو الرمزية
ابن مصر
أكاديمى نشيط
أكاديمى نشيط
مشاركات: 261
اشترك في: 04 نوفمبر 2008, 2:47 pm

Re: يومياتى الشقية فى سواقة العربية-الجزء الخامس

مشاركة بواسطة ابن مصر »

بجد يا روان قصة جميلة جدا واسلوبك واضح جدا فيها الاسلوب الكوميدى الساخر و المقلب الى اتعمل فى السواق كان جميل جدا و غير متوقع و انتى عارفة احلى حاجة فى القصة دى انها كوميديا و لكنها كوميديا بتناقش مشكلة مهمة الا وهى استهتار عساكر المرور و عدم انتطام المرور فى مصر بجد قصة جميلة جدا

لك منى الف تحية و سلام great1
ابن مصر
على اسم مصر التاريخ يقدر يقول ما شاء
أنا مصر عندي أحب وأجمل الأشياء
بحبها وهي مالكة الأرض شرق وغرب
وبحبها وهي مرمية جريحة حرب
بحبها بعنف وبرقة وعلى استحياء
واكرهها وألعن أبوها بعشق زي الداء
----------------------------------------
يالا يا مصرى نشترى المنتج المصرى
--------------------------------

صورة
صورة العضو الرمزية
Ghadat2009
مشرفة قسم الكتابة
مشاركات: 1481
اشترك في: 02 فبراير 2009, 12:00 pm
Real Name: غادة يسري
Favorite Quote: كن جميلا ..... ترى الوجود جميلا :)
verification: ID verified and trusted writer
مكان: مصر الجميلة

Re: يومياتى الشقية فى سواقة العربية-الجزء الخامس

مشاركة بواسطة Ghadat2009 »

أسلوبك رهيب جدا يا روان ... :lol:

تخيلت المنظر ده س11 و لا الأفلام الكوميدي

ضحكتيني بجد ... و ربنا يخليلك البنوتة الأمورة اللي كانت السبب في تهوّرك و استعجالك في النزول بالشكل ده

تحياتي ليكي flower1
صورة

.
.
.
[highlight=#ffff40]*** لــزيارة صــفـــحـــتــي *** [/highlight]
أضف رد جديد

العودة إلى ”ضحكة من القلب...“