أكاديمية ايجيبت رايت الأدبية

من سكات

من سكات
من غير كلام ولا شوشرة ولا حتى نعى
من غير ماتطلع منه

أى
مات



....


ف الشارع الضلمة الطويل... وقع
وف وسط ليل من غير قمر
والبوم بتنعق ع الشجربصوت كئيب
زى العويل....زى الصوات
مات..

وطلع الصباح....وملوهش لون
والقسوة ...ساكنة ف العيون
وناس بتسأل هو مين؟
وناس تقول جالنا منين؟
وف ساعة واحدة
لملموه
...
بسواد قلوبهم لفلفوه
و ف حفرة منسيةوسط الخلا
ورموه
نسيوه
وكل حى وراح لحاله
لا كأنه عاش
ولا حتى مات
مات ف القلوب..
مات ف العيون..
مات ف الشوارع..
ف الحارات..
مات ..
وعشان محدش يعرفوه
احب اقول للى يهمه الأمر
الحب مات..
الحب مات..
الحب مات..

قصيدة جميلة
أسلوب قوي واختيار موفق للكلمات
ذكرتني بعمالقة الشعر العامي
تحياتي لك على هذا العمل الجميل
فلك مني أرق التمنيات بالمزيد من الإبداع

شيكو
اهلا اهلا
م11 م11
بس بج
د القصيدة تحفة ايه الجمال دةّّّّّّ!!!!!!!!!!
من اختيار الكلمات للتعابير للمعاني
ماشاء الله

نورت الاكاديمية
و كفاية كدة
زاكر بقى

جميل جدا يا شريف ... شعرك هايل اوي .....
و حلوة اعلانك ان الحب مات هو خبر قديم بس انت اعلنته بشكل مميز جدا و كلمات و تعبيرات كلها حزن و مرارة .......
احييك على شعرك يا شريف و اتمنى ان ارى لك العديد من الاعمال المبدعة هنا في اسرتك الجديدة ...