شباك موارب ....
مرسل: 09 سبتمبر 2009, 1:57 am
شباك موارب ....
من وراه ساكنة الحكاوى
مليون حكاية وقصة ...
واسمع ياللى غاوى
قلبين ورق ...
اراجوز ... ومرجيحة ... وعرق
وحيطان وضل
تكشيرة ... ضحكة ... وعقد فل..
وحاجات كتير متكتفة
جوه القلوب المعتمة ..
متعلقين ..
لا هم ف ارض ولا ف سما ..
مترصصين ..
مستنيين ..اللى يبص من ورا ...
شباك موارب ..
قلب الشوارع ...
ساكنة جواه الأغانى
تخلص .. وقبل ما تخلص ..
يصبح لحن تانى
انا بس نفسى دنيتى تسمع غنايا
مش فارقة حتى ... تحبنى
تضحك عليا ... تهدنى
أو حتى تنهيلى الحكاية ...
لو حتى واحد بس .... سامع كلمتى
ما يهمنى ...
ما يهمنى ...
غير أنى افتح ع الحياة ....
شباك موارب.
من وراه ساكنة الحكاوى
مليون حكاية وقصة ...
واسمع ياللى غاوى
قلبين ورق ...
اراجوز ... ومرجيحة ... وعرق
وحيطان وضل
تكشيرة ... ضحكة ... وعقد فل..
وحاجات كتير متكتفة
جوه القلوب المعتمة ..
متعلقين ..
لا هم ف ارض ولا ف سما ..
مترصصين ..
مستنيين ..اللى يبص من ورا ...
شباك موارب ..
قلب الشوارع ...
ساكنة جواه الأغانى
تخلص .. وقبل ما تخلص ..
يصبح لحن تانى
انا بس نفسى دنيتى تسمع غنايا
مش فارقة حتى ... تحبنى
تضحك عليا ... تهدنى
أو حتى تنهيلى الحكاية ...
لو حتى واحد بس .... سامع كلمتى
ما يهمنى ...
ما يهمنى ...
غير أنى افتح ع الحياة ....
شباك موارب.