النمرة غلط
مرسل: 29 سبتمبر 2009, 9:10 pm
النمرة غلط
*******
سمعت صوتِك اشتقت لِك ـــ معرفش ليه بحن لِك
بحلم بيوم لقاكي ـــ واتمنى اعيش وياكي
ولو كنتي ف آخر الدنيا كنت رحت لِك
***
ارتحت لِك من غير ما تشوفِك عنيا ـــ وقلبي دق باسمِك ودا كفاية عليا
يا روح قلبي يا نور عينى ـــ بحبك وبتمنى تحسي بيا
حاسس بإنك انتى حتملى الدنيا عليا
***
يا أغلى عندي من نفسي ـــ وبوهب لِك أنا نفسي
عايز افضل عمري جنبك ـــ وف حضنك أترمي نِفسي
***
بفكَر فيكي طول الوقت ـــ وبحلم بيكي من دلوقت
يا فرحة عمري يا جنة ـــ ومهما بعدتي حاستنى
لأنى لرؤيتك اشتقت
***
إحساسي بحبك خلاني ـــ أحس بإنى إنسان تانى
صدقينى لما اقولك ـــ إنتى بجد وحشاني
بدعي ربنا يا روحي يخليكي علشاني
***
يا مالكة قلبي ووجداني ـــ من روحي وعقلي وخداني
لو انتى زهرة فى بستان ـــ أتمنى يكون دا بستاني
***
خليتي روحي بترفرف ـــ وعقلي بالانشغال خترف
أحس بإني لو شفتك ـــ قلبي عليكي حيهفهف
***
آه لو عنيا تيجي ف عنيكي ـــ ولا إيديا تلمس إيديكي
راح آخدك على حصان واهرب ـــ والف الدنيا دي بيكي
ألف الدنيا دي بيكي
وكل دا يا روحي أنا شوية عليكي
********
*****
***