أخيرا ...حصلت على الكتاب ! يعني هو مش كتاب بالضبط
هو يعتبر كتيب زي تقريبا أحجام روايات مصرية للجيب ...
و بعدين أنا كنت متأخرة جدا في تسليم القصص لدار النشر فتوقعت تكون قصتي في الآخر خالص ... لكن هيبو بقى خلتني أتفاءل بترتيب القصص ( و للأسف طلع مش صح )
يعني ترتيبنا بعد أول عشر قصص :
11- السجينة - رانيا حسن ص : 58
13- ابرة العجوز - هبة خميس ص : 74
16- الرسالة الحية ( كتبتها في التدريب الرابع للمسابقة ..هنا في جو الأكاديمية الرائع ده ) ص : 87
هي القصص وسط مجموعة متنوعة من القصص ( رعب - رومانسي - خيالي ...الخ) ... أتمنى أن لا تضيع وسط الزحام !
و ده هو العدد الأول من سلسلة جديدة اسمها ( روكيت )
أنا كنت قريت قبل كدة قصة السجينة ل_ رانيا ..و طبعا ليها الطابع الجميل اللي بيميز قصص رانيا دايما
أما قصة هبة خميس ( إبرة العجوز ..فبصراحة اتفاجئت بيها ..لأني افتكرتها على نمط ( العجوز و البحر ) لكنها طلعت مختلفة و فيها الجرأة و الاختلاف اللي بتتميز بيها قصص هبة
محمد محمود كتب:
بصراحة يا هبة مفاجأة سارة جدا ً
ثلاثة من زميلاتنا المتميزات يصدر لهن كتاب
خبر من الأخبار السعيدة ، وشرف أن أكون بين هذه الكوكبة من كتاب مميزين
غادة وهبة ورانيا
ثلاثة من كبار كاتبات الأكاديمية وبإذن الله في القريب العاجل من كبار أديبات مصر
وهذا الكتاب بداية الإنتشار والتقدم الذي نتمناه جميعا ً لهن
فلهن كل التهنئة والتمنيات الطيبة
الشرف لنا أن نكون في هذه الأكاديمية الرائعة و الدافعة للأمام ... مع مبدعين و مبدعات رائعين و مشجعين أمثالك يا محمد ..فأنت لا تدخر جهدا أبدا لتشجيع و إفادة من حولك ...بارك الله فيك ..
الله يبارك فيكي يا نهودة ...بس زي ماقلت هو كتاب أو كتيب صغير
...صفحاته 157 صفحة ... و القصص وراء بعضها بدون أي فاصل سوى العنوان الذي يبدأ صفحة جديدة
بس أنا سعيدة بإيك بقصة الرسالة الحية ... و بالكلام الكبير الرائع اللي يدل على الرقة الحب ...تمنياتي ليكي بكل الخير و السعادة
الأمير الحائر كتب:حقيقى من أجمل الأخبار اللى سمعتها من مدة
دايماً بحس إن فوز أو تميز اى حد من زمايلى فى الأكاديمية هو فوز لينا كلنا..و هنا الفوز بالنشر أكيد له طعم مختلف لأصحابه, و فرحة كمان لكل اللى بيحب و بيعتز بالأكاديمية
مبروك من قلبى لزملائى هبة خميس , رانيا , و غادة..و إن شاء الله نباركلكوا دايماً فى مناسبات جميلة زى دى و أكتر...ألف مبروك
الله يبارك فيك يا وليد .... تمنياتي ليك بكل الخير و التوفيق إن شاء الله
هبة الله محمد كتب:
طيب قولوا ندبس رانيا..
إنما أنا ذنبي إيه..
سمعت غن الكتاب نزل المحافظات..
بجد ولا إيه؟
مش انتي اللي قدمت الموضوع ؟
و كمان حطيتي قصصنا ضمن أول عشر قصص ؟ و بعدين حد يدبس أخته ؟ بصراحة ...أحلى حد ممكن يقدم عرض للكتاب ده هو ...انتي
و ممنوع التهرب
الزهراء كتب:مساء الأخبار الجميلة و الرائعة
و الله خبر جميل و خطوة رائعة نتمنى لها النجاح و التكرار و الدوام أيضا
و أن تعم على الجميع في الأكاديمية فنرى كل الأعضاء كتاب كبار تزخر المكتبات بكتاباتهم الممتعة و المفيدة
رانيا
، غادة
، هبة
تقبلوا تهانيي لكم و ان شاء الله من انجاز للآخر
لقد فرحتموني يا رب دلئما مميزات
كم أتمنى لو أستطيع الحصول على الكتاب و الاطلاع على قصصكم
لكن أنتم في مصر لم تحصلوا عليه بعد
هبة الله شكرا لك على الموضوع و على روحك الجميلة مع تمنياتي لك بالتميز و أن نرى لك خطوة مماثلة
بالتوفيق للجميع
مساء الأنوار يا سلمى ...فينك ؟
أشكرك جدا على التشجيع اللي من القلب ده ...ربنا يبارك فيكِ ... بس زي ماقلت : هي سلسلة اسمها روكيت : فيها مجموعة قصصية متنوعة لحوالي 24 أو 26 كاتب " يعني احنا قطرة في بحر " لكن أول الغيث قطرة إن شاء الله
لو لم يصل اليك الكتاب ...أكون سعيدة أن أرسل لك نسخة هدية كل شهر إن شاء الله لأني مش متأكدة من توزيعه خارج مصر
ألف شكر يا سلمى على تهنئتك الرقيقة ...و أتمنى فعلا اقتناء مجموعات قصصية رزمانسية رقيقة بقلمك المميز بنكهة الورد