بنحبك يا مصر
****
بيحبوا مصر وشعبها
وشمسها وضلها
وأرضها دي أصلها
حافظة كيانها ومجدها
***
إحنا ولادها وبنحبها
عايشين ف خيرها وعلى حسها
عاشقين ترابها والنيل رطبها
ومبنرتحش غير ف حضنها
***
قلوبنا عليها وبنعزها
ولو افترقنا بنشتاق لها
دي هي عنينا وكل ما لينا
وكل اللى زارها بيشهد لها
***
إحنا روحنا فيها وفداء لها
بدمنا نرويها ونصون حبها
هي حتة منّا واحنا حتة منها
ولا يمكن نكون غير جنبها
***
بنحبها بنحبها
دايبين ف طولها وعرضها
أصل ناسها عظمة تراثها
من شرقها لغربها
***
دي مصر تؤمر واحنا تحت أمرها
ومهما نعمل مش حنوفي أجرها
دي هي أمنا وشايلة همنا
والله نِفسنا نديها حقها
***
ونقول لها . . نقول لها
يا زينة البلاد . . يا آية العباد
وحبك سداد . . لجمايلك يا مصر
بنحبك يا مصر
********
*****
***
فكرة هذه القصيدة جاءتني بعد تحليل مدى شغف وحب المواطنين بالخليج العربي واعتزازهم ( بمصر ) الحبيبة وشعبها ، ومدى فرحهم بما يسرنا ، وحزنهم وتعاطفهم معنا فى أي محنة أو حدوث أى مكروه لا قدّر الله . . . وهذه الدولة بالتحديد هي ( دولة الإمارات العربية المتحدة ) ، ولهذا بدأت القصيدة بضمير عائد على أبناء هذه الدولة العريقة ، ومن ثم إحساسي أنا تجاه بلدي الحبيبة ( مصر ) والذى يزداد إعجاباً وفخراً وحباً يوماً بعد يوم .