مسابقة الشهر الثالث - 2009
مجال الشعر
المركز الشرفى
(غادة يسرى)
اسم العمل الفائز
(وداع)
***
مجال الشعر
المركز الشرفى
(غادة يسرى)
اسم العمل الفائز
(وداع)
***
اقفل شنطتك و اسمعني
ماشي من غير ماتودعني؟
دايما غاوي كده تعذبني !
تشمت الناس بي و توجعني
انت شاريني؟ ولا بايعني ؟
فلوس كتير؟ طيّب.. إيه يعني؟
أنا محتاجالك ياللي سامعني !
بتقول لي ايه؟هي أحسن مني ؟
طب ليه كده يابني ؟
عارفة انه كله بيكرهني
ده يسبني و ده يلعني !
إيه اللي يعرفوه عني ؟
دي الغيرة مني و من فنّي
و زعامتي للّي ظالمنّي
فهمتني و لاّ أغنّي ؟
ده حقيقي بقي زهقان منّي ؟!
طب ليه كده يابني ؟
عايزني أقنعك بإيه ؟
شايف أخوك و اللي حصل فيه؟
صرف كل اللي ف إيديه
ماباقاش حيلته نص جنيه !
جاله اللي ضحك عليه
" تذكرة..تأشيرة يا بيه ؟ "
و عللّي حصل .. يا عيني عليه !
مالنجمة جَرَيان ع المينا
مالقاش هناك أي سفينة !
لقاله واحد بلدينا !
قلّه : تعالى.. يا أخينا
الحلوة دي.. هتودينا
عبّارة إيه ! جديدة..متينة!
فاكر ازاي.. رجع لينا؟؟
عللّي حصل.. عيني علينا !
استنى!.. مخلصش كلامي !
و أخوك اللي جلدوه قدّامي
دكنور و قالوا عنه..حرامي !
ياحزني.. يا مرار أيامي
وداعك ...بيزيد آلامي !!
مش حاسس أبدا بغرامي ؟
صعبان عليّ
عمري اللي ضيعته عشانك !
يا دموع عينيّ
استنّي حبّة ف جريانك !
إيه في إيديّة
معملتوش و أهو قدامك !
طب يا بُنيّ
مترمنيش كده بسهامك !
قلبك عليّ؟
سيبك طب م اللّي ف بالك!
يابني اسمعني أبوس يدّك !
أنا أرضك .. أنا حتّة منّك
إزاي تقدر.. تنسى أمك؟
مين بعدي مين يسأل عنّك ؟
بلاش يضيع منّك سنّك ..
طب لمّا تمشي و تسيبني
مين فيّ يعمّر ... يبني ؟
و يرد عللّي ساببني ؟
و يضرب اللّي ناهبني
جاوبني ياللّي تاعبني؟
وانت بعيد مين يحميني؟
بُعدك مخوّفني.. هدّيني
أحضنّي..صبّرني..خبّيني!
طمّنّي على ولدك..نور عيني
لسّاك برضه ناوي تسافر ؟
حاسس إنّك منّي.. نافر؟
طب خلّي بالك ..خدلك ساتر !
مفيش أمان منين ما تهاجر
د انا حضنك وطنك مش فاكر؟
ابقى اسأل عني .. يا مهاجر
لو لسّه لي عندك خاطر !
ماشي من غير ماتودعني؟
دايما غاوي كده تعذبني !
تشمت الناس بي و توجعني
انت شاريني؟ ولا بايعني ؟
فلوس كتير؟ طيّب.. إيه يعني؟
أنا محتاجالك ياللي سامعني !
بتقول لي ايه؟هي أحسن مني ؟
طب ليه كده يابني ؟
عارفة انه كله بيكرهني
ده يسبني و ده يلعني !
إيه اللي يعرفوه عني ؟
دي الغيرة مني و من فنّي
و زعامتي للّي ظالمنّي
فهمتني و لاّ أغنّي ؟
ده حقيقي بقي زهقان منّي ؟!
طب ليه كده يابني ؟
عايزني أقنعك بإيه ؟
شايف أخوك و اللي حصل فيه؟
صرف كل اللي ف إيديه
ماباقاش حيلته نص جنيه !
جاله اللي ضحك عليه
" تذكرة..تأشيرة يا بيه ؟ "
و عللّي حصل .. يا عيني عليه !
مالنجمة جَرَيان ع المينا
مالقاش هناك أي سفينة !
لقاله واحد بلدينا !
قلّه : تعالى.. يا أخينا
الحلوة دي.. هتودينا
عبّارة إيه ! جديدة..متينة!
فاكر ازاي.. رجع لينا؟؟
عللّي حصل.. عيني علينا !
استنى!.. مخلصش كلامي !
و أخوك اللي جلدوه قدّامي
دكنور و قالوا عنه..حرامي !
ياحزني.. يا مرار أيامي
وداعك ...بيزيد آلامي !!
مش حاسس أبدا بغرامي ؟
صعبان عليّ
عمري اللي ضيعته عشانك !
يا دموع عينيّ
استنّي حبّة ف جريانك !
إيه في إيديّة
معملتوش و أهو قدامك !
طب يا بُنيّ
مترمنيش كده بسهامك !
قلبك عليّ؟
سيبك طب م اللّي ف بالك!
يابني اسمعني أبوس يدّك !
أنا أرضك .. أنا حتّة منّك
إزاي تقدر.. تنسى أمك؟
مين بعدي مين يسأل عنّك ؟
بلاش يضيع منّك سنّك ..
طب لمّا تمشي و تسيبني
مين فيّ يعمّر ... يبني ؟
و يرد عللّي ساببني ؟
و يضرب اللّي ناهبني
جاوبني ياللّي تاعبني؟
وانت بعيد مين يحميني؟
بُعدك مخوّفني.. هدّيني
أحضنّي..صبّرني..خبّيني!
طمّنّي على ولدك..نور عيني
لسّاك برضه ناوي تسافر ؟
حاسس إنّك منّي.. نافر؟
طب خلّي بالك ..خدلك ساتر !
مفيش أمان منين ما تهاجر
د انا حضنك وطنك مش فاكر؟
ابقى اسأل عني .. يا مهاجر
لو لسّه لي عندك خاطر !