المركز الشرفى, مسابقة الشهر السادس قصيدة: موال , السيد فهيم

لوحة شرف الأعمال الفائزة فى مسابقة (مصر بتكتب إيه؟) للعام الأول , منذ بدايتها رسميا فى 11 نوفمبر 2008 وحتى تاريخ 11 نوفمبر 2009
قوانين المنتدى
لوحة شرف الأعمال الفائزة فى مسابقة (مصر بتكتب إيه؟) للعام الأول , منذ بدايتها رسميا فى 11 نوفمبر 2008 وحتى تاريخ 11 نوفمبر 2009
أضف رد جديد
السيد فهيم
أكاديمى نشيط
أكاديمى نشيط
مشاركات: 308
اشترك في: 02 مايو 2009, 1:22 pm
Favorite Quote: الفن الجميل لا يورث قبحا
verification: ID verified and trusted writer

المركز الشرفى, مسابقة الشهر السادس قصيدة: موال , السيد فهيم

مشاركة بواسطة السيد فهيم »

صورة
مسابقة الشهر السادس - 2009

مجال الشعر

المركز الشرفى
(السيد فهيم)

اسم العمل الفائز
(موال)

***



موال بقاله سنين

وسنين بيتغني

موال كلامه حزين

في القلب له رنة

حكوه كتير قبلنا

وبعدنا

راح يسمعوه عنا

قال كلمة الحق عروسة

عرسانها تتمني

وسطورها جوا الورق كوشة

وحبرها الحنة

خطابها دابوا في سحرها

الكل طالب قربها

لاجل ما يتهني

مليون قلم

مليون لسان

اتقدموا

لفوا وراها

في المداين والغيطان

ما استسلموا

سألوا عليها

كل نسمه

كل همسة

كل صوت عالي

واستفسروا عن مهرها

لقوا مهرها غالي

الكلمة دي جوا القلوب مخنوقه

محتاجة تطلع للفضا وتلالي

محتاجة تعلي فوق جبال الخوف

تعلا وتسبق كل صوت عالي

الكلمة دي عاشت سنين جوانا

جوا النفوس تسأل سؤال حيرانة

مين راح يقول فين الحقيقة

مين يصرخ الصرخة الجريئة

مين ينقذ الكلمة الغريقة

مين راح يمد الإيد ؟!

*****
رابط العمل الأساسى فى الأكاديمية:
موال

*****
أضف رد جديد

العودة إلى ”الأعمال الفائزة عن العام الأول للمسابقة 2009“