أكاديمية ايجيبت رايت الأدبية

مش هتكفى دموعي عشان الجرح اللى فى قلبى يبان
مهما حكيت للناس عن جرحي ولا شكيت من قلة فرحى
لو بصولى وشافوا ملامحى
هيسمونى شهيد احزان
كل حياتى دموع فى دموع
قلبى جريح منى وموجوع
كل طريق امشيه الاقيه
سكه مفيش وياها رجوع

حتى الناس عماله تقيد
نار جوايا وجرح جديد
كل ما اقول هطفيها بدمعى
الاقيها بتكتر وتزيد

الايام مابقتش حاسسها
والاحلام راحت احاسسها
والدنيا الي بعيش جواها
سجن كبير والحزن حارسها

من كتر ما شفت الاوجاع
وعشان دقت عذاب وخداع
مهما حكيت للناس عن جرحى
وللا شكيت من قلة فرحى
لو بصولى وشافوا ملامحى
هيسمونى شهيد احزان

مش هتكفى دموعى عشان
الجرح اللى فى قلبى يبان

محمد سامى

_________________

أخى أه كمية الأحزان ده ,, أستهدى بالله كدا وصلى على النبى

أتمنى بجد أن تكون هذه الأبيات لا تعبر عن حالتك أو تجربتك وأنها تكون أبيات لمجرد الأبداع

فهى بالفعل جميلة بقدر ماهى حزينة ومعبرة عن حالتنا النفسية فى كثيييييييييييير من الاوقات

ولكن يجب ان نتخلص من مشاعر الحزن ونتوكل على الله

عجبنى حدا الجزء الاخير

تحياتى لك بعيدا عن الاحزان التى نحاول ان نتناساها

العزيزة دكتورة اسماء اولا اشكرك بشدة على ردك واحب ان اخبرك ان تلك القصيدة كانت منذ 7 سنوات فى فترة كانت شديدة الاحزان اما الان فاعتقد اننى لو كتبت قصيدة اخرى سيكون اسمها مدمن افراح شكرا جزيلا

أخي العزيز محمد سامي
قصيدة جميلة أخرى من قصائدك التي تمتعنا بها كثيرا ً
وزن منضبط وتعبيرات غاية في الروعة تتناغم مع بعضها لتنسج لنا لحنا ً رصينا ً
أسلوب السهل الممتنع من أروع ما يميز كتاباتك
كما أن سمو الإحساس سمة مميزة في كتاباتك كلها
سعيد جدا ً لوجود زميل متميز مثلك معنا
أدام الله عليك موهبتك ووفقك للخير دائما ً

اخى محمد محمود اشكرك شكرا بالغا على متابعتك المستمرة وردودك المشجعة واتمنى دوام التواصل