أكاديمية ايجيبت رايت الأدبية

اختارلك حاجة وريحنى يا تقرب منى يا تجرحنى
وبلاش اوهام وبلاش احلام والله حرام
لما تبكينى وتهجرنى وفى ثانية الاقيك بتفرحنى

انا ليا عواطف ومشـــــاعر محتاجة لحد يصحيها
مقدرش اتحمل وانا شاعر انك عمال تلعب بيها
يوم بعد ويوم منى تقرب
يوم تيجى ويوم تانى بتهرب
هو عشان حبيتك اجرب
طعم المر اللى بيدبحنى اختارلك حاجة وريحنى

اختارلك حاجة وريحنى يا تقرب منى يا تجرحنى
وبلاش اوهام وبلاش احلام والله حرام
لما تبكينى وتهجرنى وفى ثانية الاقيك بتفرحنى

مين قالك هتحمل تانى وارضى باحزانى وتعذيبى
يوم تبقى بتجرح وانانى وفى يوم الاقيك تبقى حبيبى
عمال تتغير مش راسى
يا تكون طيب يا تكون قاسى
مش هفضل بين نارك اقاسى
ولا هرضى لظلمك يلمحنى اختارلك حاجة وريحنى

اختارلك حاجة وريحنى يا تقرب منى يا تجرحنى
وبلاش اوهام وبلاش احلام والله حرام
لما تبكينى وتهجرنى وفى ثانية الاقيك بتفرحنى

قصيدة جميلة جميلة يا محمد
نغمات منسابة برقة وعذوبة ، كلمات رقيقة تصلح لعتاب الأحبة
أشعر كلما قرأت لك بصدق الإحساس وقوة الأسلوب
دام قلمك عامرا ً لتمتعنا بما يكتبه مداده
أتمنى لك التوفيق والسداد

ما شاء الله.. قصيدة جميلة..
كالعادة أشعر فيها بصدق احساسك وقوته.. فتخرج كلماتك قوية بنفس القدر..
عميقة بنفس الأثر..
فكرة مميزة وأسلوب أكثر تميز.. فما أصعب أن يجعلنا من نحب في منتصف الطريق..
لا نعرف ما ينوي عليه.. و ما أصعب أن نكون في انتظار قراره على أحر من جمر..
حينها يكون الموقف لا يُحتمَل...
أستمتعت كثيرا بقراءة قصيدتك..
أتمنى لك مزيدا من الابداع...

راااااااائع انت يا استاذ محمد
ورااااااااائع ما كتبت ... صدق الاحساس وقوة الكلمات .. جعلت منها مطرقة تنقش ع جدار القلب

دمت متألقا