وسط البلد
مرسل: 10 يناير 2010, 12:08 pm
البنت اللى بتطير الطيارات الورق .... راحت وسط البلد
************************
دايما بيحكيلنا الجدود عن الخوف وكأنه كان دينهم ...
لحد ما آمنا بيه .. !
نفرح .... نخاف لنحزن
نحزن ... فنخاف من العيشة
نعيش .... نخاف لتموت
وبردك نموت خايفين !
لكن البنت الصغيرة لم تكن تشبهنا ... !
عشقت شقوق الحيطان ... والليل .. وحتى عفاريت الطريق ..... لم تكن تخاف منها ...!
ولما تروح الشمس لم تكن بتنام ...... كانت بتحلم ....
تحلم بوسط البلد...!
وسط البلد كانت بعيدة لم يشوفها خطونا أو رأى ،
حتى الجدود لم يذكروا عنها غير الطريق اللى ما عرفوه ... .
وكأنها رؤيا ،
وكأنها اسطورة ،
وكأنها لم تكون !
************************
فى صباح من الصباحات ... كانت الطيارات الورق بتزحف فوق ترابنا ....
تشبك خيوطها مع بعض .... وترتعد ...!
تنظر لنور الشمس البعيدة اوى ...
تبحث عن الأيدين اللى كانت تشيلها لفوق ...
ولم تجد .
***********************
البنت اللى راحت وسط البلد ،لم تعود ،
صبحت واحدة من حواديت الجدود ....
اتنست.
تمت
23/12/2009
