أكاديمية ايجيبت رايت الأدبية

كل عيد والأكاديمية كلها بخير أنا مارضتش يبقى كتابتى يوم العيد تقيلة أوى أو كده فقلت أخليها شعر أحسن...ودى أغنية صغيرة كنت مألفها زمان وبدندنها ساعات كده مع نفسى...لو عايزين تقروها بلحنها كويس اقروها متقطعة مع النقط عشان تتلحن معاكو وأنتو بتقروا ويارب تعجبكو وكل سنة وأنتو بألف خير وده اهدائى ليكو بمناسبة العيد

مين القمر؟
....

فى ليلة...شفت القمر
منور... فى السما...
سألته...ياقمر...
مين...ليا السما...؟
مين ليا السما...؟
...

أوقات كتير بحس...
بفرحى ويا خوفى
انى ابقى حد تانى...
وحيد أسير ظروفى...
وساعات بحس ضلمة...
تملى قلبى وكهوفى...
وأرجع...
وأرجع أحس النور
جاى...ويا القمر...
جاى ويا القمر...
...
مين القمر لسمايا
مين ليا الصديق...
فين الأمل فى حياتى
فين هو الطريق...
فين هو الطريق؟
ومين هيداوى جرحى...
ويمسح دموعى...
ومين يستنى فرحى...
وينور شموعى...
ومين....
مين القمر...؟

شكرا ياوليد على اهدائك الجميل ده
كلماتك رائعه ومعبره اوى بتحسسنا باحساس جميل
بس انا معرفتش اغنيها اعمل ايه....

شكرا يا أية ولو الإهداء جميل ده عشان أكاديميتنا وكل أعضائها أجمل وأجمل
وبالنسبة للغنوة فبدال مش عرفتى تغنيها ابقى انا اغنيها بصوتى وانزلها عشان تهربو من صوتى

يا اغانيك ياوليدوايوة غنيها بصوتك ليه لأ مش وليد توفيق بقى

كل سنة وانت طيب ياوليد وكل عيد وانت طيب
وانت دايما كل أعمالك تقيلة فى قيمتها الأدابية مهما كانت بسطتها تعرف أنا حسيت وانا بقرأ الأغنية انها فعلا متلحنة بجد كل كتاباتك جميلة ومليانة أحساس

شكرا ياسارة وحمد الله على السلامة بعد كام سنة غياب...بس وليد توفيق ده تشابه فى الأسماء بس مش فى الصوت
....
كل سنة وأنتى طيبة ياتنهيدة ويارب تكونى قضيتى عيد جميل...وشكر على رأيك فى أغنيتى البسيطة وكويس انها اتلحنت معاكى عشان أنا كنت بفكر اتهور واغنيها بصوتى عشان تعرفوا لحنها
شكرا على ذوقك وأنتى كمان كتاباتك كلها إحساس يازميلتى فى تيم الإحساس

كل سنة وانتم طيبن..

عجبتني أوي الغنية دي..اجلم حاجة فيها الاحساس.. دايما الواحد بيحب اي اغنية يكون مألفها لنفسه أكثر من أي حاجة ثانية..وانا صغيرة؛ عندي حوال 12 سنة كده.. كنت مألفة أغنية أطفال لنفسي برضه وملحناها..بس كنت بحبها قوي ولسه حفظاها لحد دلوقتي بلحنها..ممكن أبقى اعرضها عليكم مرة بس أخاف لأحسن يحصلكم حاجة..

هبة الله محمد كتب:كل سنة وانتم طيبن..

عجبتني أوي الغنية دي..اجلم حاجة فيها الاحساس.. دايما الواحد بيحب اي اغنية يكون مألفها لنفسه أكثر من أي حاجة ثانية..وانا صغيرة؛ عندي حوال 12 سنة كده.. كنت مألفة أغنية أطفال لنفسي برضه وملحناها..بس كنت بحبها قوي ولسه حفظاها لحد دلوقتي بلحنها..ممكن أبقى اعرضها عليكم مرة بس أخاف لأحسن يحصلكم حاجة..

يااااه...الموضوع ده من العيد...نسيته كل ده...معلش ياهبة بجد أنا انهارده حبيت أقرى الأعمال القديمة فى الأكاديمية ولقيت ردك وبجد مش عارف أنا ماخدتش بالى إزاى ساعتها منه... بشكرك بجد على رأيك وإن إحساسها عجبك...وأكيد عايزين نقرى أغنيتك لأن أعمالك وأنتى صغيرة لاحظتها بريئة وإحساسها جميل أوى وياريت دايما تعرضهالنا...وماتخافيش مش هيحصلنا حاجة أكيد غير الإعجاب