إيه أكتر ابتسامة بتحبها فى الأكاديمية؟ :)
مرسل: 06 فبراير 2010, 2:11 pm
فى الأول..وحشتونى بجد كلكوا و وحشتنى الأكاديمية جداً و كان صعب عليا جداً الغياب الفترة اللى فاتت و مش عشان الإمتحانات خالص...لكن كان فيه كسر و جبس و حاجات كده ملغبطة بس الحمد لله كله دلوقتى تمام..و ده أكيد لأنى مش بحب أقول أى خبر وحش عنى لو قولته إلا لما يكون خلاص عدى و بقى ماضى..يعنى الحمد لله كله دلوقتى تمام و أخيرا عرفت أرجع للأكاديمية و زمايلى اللى افتقدتهم جدا و افتقدت كلماتهم..
نرجع لموضوعنا بقى..الموضوع ده كنت فكرت فيه من مدة..لما لاحظت الإبتسامات اللى فى الأكاديمية ( الوجوه التعبيرية اللى زى دى ) و لاحظت علاقة كل واحد مننا بيها فى ردوده..و بجد لقيت الفكرة دى جميلة و قربتنى أكتر من كل زمايلى فى الأكاديمية لأن كل كاتب فى الأكاديمية ليه تعبير مفضل و محبب لدرجة إن فى أوقات كان فيه دعابات مننا لبعض على الفكرة دى والتعابير اللى كان مشهور بيها كل واحد فينا..
يعنى مثلا كأمثلة لزمايلى اللى بحبهم جدا و بأعتز بيهم:
زميلتنا العزيزة هبة الله محمد كان ليها أكتر وشوش شهيرة فعلاً من زمان..يعنى ممكن تاخد أوسكار الإبتسامات ..أشهرهم طبعاً بلا استثناء هو ( ) و كمان الدبدوب المرح اللى بقى بعد كده هدية رسمية فى أعياد الميلاد ( )
زميلنا العزيز محمد محمود كان دايما بيحب التعبير ده ( ) زميلتنا العزيزة دونابيلا كمان كانت أكتر حد بيحب التعبير المرح ده ( ) زميلتنا الغائبة آية كمان كان التعبير ده مفضل ليها..و زميلتنا الغائبة أيضاً مريم كان التعبير البناتى الخالص ده ( ) كان دايما علامة فى ردودها و هى بتعمل مقالب فى حزبنا اه..افتكرت..التعبير الأخير ده ماركة مسجلة بإسمى
و كمان كان فيه الوردة المتفتحة الجميلة جدا ( ) و اللى كانت رمز لكتير مننا فى الردود و هى أكتر حاجة كنت بحسها أوى لما بشوفها فى رد حد و بحس إنه نفسه الوردة دى يهديها بجد مع كلامه...
و الإبتسامة ( ) اللى رغم بساطتها كنت بحس إنها كتير بتريح اللى بيقرا الرد و يعرف إنه مكتوب بحب..حتى فى عز النقد لعمل مثلاً كانت الإبتسامة دى معناها كبير أوى..لأنها بتفهم ان الرد و النقد ده بحب و رغبة فى فايدة لصاحب العمل..و إن بعد النقد أنت زميلى اللى بحبه جدا و بحترمه عشان كده بأقدر أبقى مرايته و أقوله رأيى بصراحة
الوجوه البسيطة دى مش كان دورها بسيط أبداً فى ردودنا..لأن إحنا على الأنترنت و ممكن كلمة تتقال بكل سعادة لكن تظهر حزينة..و فى رأيى التعبيرات دى كانت ليها دور كبير أوى فى إنها تنقل مشاعرنا فى ردودنا و مناقشاتنا و حتى ساعات ممكن تنقلك شخصية صاحب الرد ده..و عشان كده أظن إنها كانت تستاهل فعلاً نكلم عليها هنا
أنا مش عايز أطول عن كده..عشان عايز أسمع رأى كل واحد منكم..إيه علاقته بالوجوه التعبيرية دى فى الأكاديمية؟ و إيه أكتر ابتسامة بتحبها و بتحب تشوفها.. أو بتحبها فى ردودك أو لاحظت إنك بتستخدمها كتير و لو من غير قصد؟
نرجع لموضوعنا بقى..الموضوع ده كنت فكرت فيه من مدة..لما لاحظت الإبتسامات اللى فى الأكاديمية ( الوجوه التعبيرية اللى زى دى ) و لاحظت علاقة كل واحد مننا بيها فى ردوده..و بجد لقيت الفكرة دى جميلة و قربتنى أكتر من كل زمايلى فى الأكاديمية لأن كل كاتب فى الأكاديمية ليه تعبير مفضل و محبب لدرجة إن فى أوقات كان فيه دعابات مننا لبعض على الفكرة دى والتعابير اللى كان مشهور بيها كل واحد فينا..
يعنى مثلا كأمثلة لزمايلى اللى بحبهم جدا و بأعتز بيهم:
زميلتنا العزيزة هبة الله محمد كان ليها أكتر وشوش شهيرة فعلاً من زمان..يعنى ممكن تاخد أوسكار الإبتسامات ..أشهرهم طبعاً بلا استثناء هو ( ) و كمان الدبدوب المرح اللى بقى بعد كده هدية رسمية فى أعياد الميلاد ( )
زميلنا العزيز محمد محمود كان دايما بيحب التعبير ده ( ) زميلتنا العزيزة دونابيلا كمان كانت أكتر حد بيحب التعبير المرح ده ( ) زميلتنا الغائبة آية كمان كان التعبير ده مفضل ليها..و زميلتنا الغائبة أيضاً مريم كان التعبير البناتى الخالص ده ( ) كان دايما علامة فى ردودها و هى بتعمل مقالب فى حزبنا اه..افتكرت..التعبير الأخير ده ماركة مسجلة بإسمى
و كمان كان فيه الوردة المتفتحة الجميلة جدا ( ) و اللى كانت رمز لكتير مننا فى الردود و هى أكتر حاجة كنت بحسها أوى لما بشوفها فى رد حد و بحس إنه نفسه الوردة دى يهديها بجد مع كلامه...
و الإبتسامة ( ) اللى رغم بساطتها كنت بحس إنها كتير بتريح اللى بيقرا الرد و يعرف إنه مكتوب بحب..حتى فى عز النقد لعمل مثلاً كانت الإبتسامة دى معناها كبير أوى..لأنها بتفهم ان الرد و النقد ده بحب و رغبة فى فايدة لصاحب العمل..و إن بعد النقد أنت زميلى اللى بحبه جدا و بحترمه عشان كده بأقدر أبقى مرايته و أقوله رأيى بصراحة
الوجوه البسيطة دى مش كان دورها بسيط أبداً فى ردودنا..لأن إحنا على الأنترنت و ممكن كلمة تتقال بكل سعادة لكن تظهر حزينة..و فى رأيى التعبيرات دى كانت ليها دور كبير أوى فى إنها تنقل مشاعرنا فى ردودنا و مناقشاتنا و حتى ساعات ممكن تنقلك شخصية صاحب الرد ده..و عشان كده أظن إنها كانت تستاهل فعلاً نكلم عليها هنا
أنا مش عايز أطول عن كده..عشان عايز أسمع رأى كل واحد منكم..إيه علاقته بالوجوه التعبيرية دى فى الأكاديمية؟ و إيه أكتر ابتسامة بتحبها و بتحب تشوفها.. أو بتحبها فى ردودك أو لاحظت إنك بتستخدمها كتير و لو من غير قصد؟