أكاديمية ايجيبت رايت الأدبية

مكان بيجمعنا ومكان يفررقنا
عايشين فى دنيتنا والدنيا تسرقنا
عايشين بنتدارى من خوفنا وحيرتنا
ماشيين بأحزاننا تايهين فى سكتنا
عالفرح بندور
بنغش ونزور
بنغش فى الضحكة ونزور البسمة
والدنيا فى عنينا خلاص بقت رسمة
مرسوم فيها قلبى وماشى فى طريق
وفى بحر أحزانه بيقول انا غريق
بينادى على روحه خلاصت راحت منه
فى بحر أحزانه الروح تاهت منه
وموجه بتوديه وموجه بتجيبه
محتار ويعمل ايه ماهو ده نصيبه
يفضل فى بحر غريق من حزنه يتألم
ولسانه يتجمد ودموعه تتكلم
وتقول ليه الدنيا غضبانه ليه عليا
من جرحى وعذابى خلاص ضاقت بيا
لا عارف أهزمها ولا عارف أجاريها
رغم اللى حوليا عايش وحيد فيها
ليه أبكى على حالى ايام وهتعدى
وهموت وييجى غيرى يمشى الطريق بعدى

أخي العزيز / محمد جمال الدين
أهلا ً ومرحبا ً بك أخا ً وزميلا ً لنا ومبدعا ً جديدا ً ينضم إلينا ليمتعنا بكتاباته وردوده بإذن الله
بداية رائعة موفقة ، وقصيدة جميلة من حيث نغماتها وكلماتها .
توظيف جيد للكلمات ، وسلاسة في الأسلوب .
تمنياتي لك بمزيد من الأعمال الجميلة ، وبقضاء أنفع الأوقات معنا في هذا الصرح الأدبي الرائع . م11

برحب بيك يامحمد فى أكاديمتنا الجميلة وبرحب بكلماتك الرائعة
عندما يشعر القلم باأحساس القلب فالصدق يظهر مع كل كلمة فى العمل
كلمات حزينة تعبر بمنتهى الصدق عن صورة الحياة الذى أصبح معظم الناس تراه
ورغم أملى الشديد فى الغد الا اننى شعرت بكل كلمات قصيدتك وتسائل قلبى وعقلى فى قلق
الى متى ستظل الناس مستسلمة للحزن والالم وتعتبره النصيب المحتوم فى الحياة
لماذا غاب الأمل من حياتنا بهذه الصورة والى متى سيظل غائب ولكن تجيبنى الشمس مع كل يوم بظهروها
أن مهما طال الليل لابدمن أن يأتى الصباح وتنير الشمس الدنيا وتبعث الأمل فى نفوس كل من يؤمن أن اليأس ليس له طريق رجوع
فالنعيش بالأمل أيامنا ونطرد اليأس بايماننا
رائعة هى كلماتك يامحمد أعجبت كثيرا بمعانيها وباأسلوبك المميز فى استخدام التعبيرات والقافيات
جميلة جميع كلمات قصيدتك أستمتعت كثيرا بقراتها
أحيك على بدايتك المميزة وأرحب بك مرة أخرى فى أكاديمتنا الرائعة وفى أنتظار أعمالك الجديدة

أهلاً بك زميلي الفاضل في بيتنا الأدبي الجميل ... أتمنى أن تنير الأكاديمية بمشاركاتك و أعمالك دائماً ...
قصيدة رائعة جداً و بداية رائعة لك في الأكاديمية ... عبرت فيها عن فكرة الدنيا و الزمان ... الدنيا كمكان نتجمع فيه و نفترق أيضاً ...
أيام نعيشها و تمر علينا بحلوها و مرها .... عبرت بسلاسة و كلمات جذابة جذبتني من السطر الأول حتى النهاية ...
شكراً لك على ما كتبت متمنية لك دوام الإبداع و التوفيق بإذن الله ...

الأخ / محمد جمال الدين
كلماتك حزينة ولكنها قوية ومعانيها جميلة واللحن الموجود بداخلها جيد .
أحييك وأتمنى لك دوام التوفيق والنجاح .

انا متشكر ليكم جداااااااااااااااااااااااااااااااااااااا وأنتوا بجد اديتونى دفعه جامدة ورفعتوا من روحى المعنوية قووووووووووووووووووووووووى

ايه يامحمد الدخله الجامدة دى
بجد شاعر بيمتلك ادواته وموهبته واحساس وروح الشاعر الشبه غنائى الغير مبتدئ
اهنيك على القصيدة جدا بدايتها قويه ونهايتها اقوى بانتظار الاجمل فالاجمل

ميرسى ليك قووووووووووووى ده بس من بعض ما عندكم ويارب دايما اكون عند حسن ظنكم