أكاديمية ايجيبت رايت الأدبية

ازاى بنضحك ومن جوانا الهم مالينا
القلب يبكى وتبقا الفرحة فى عنينا
بقينا نكدب حتى فى كل مشاعرنا
وكتير بنضحك مع ان الحزن قاسمنا
ساعات نتظاهر بالسعادة مع اننا
الحزن حطم أمنياتنا وهدنا
ساعات نبقا الشخص الملاك دايما برئ
بس الحقيقة هى اختلاف فى كل شئ
ساعات نضحك على روحنا ونقول أكيد موجود أمل
مع ان كل الفرح راح وما عادش فى شئ يتعمل
عايشين بنلعب دور مخادع
فى فيلم أبطاله المواجع
الفيلم بادى من النهاية
وصعب تفهم ايه الحكاية
أحداثه طبعا مختلفه بس النهاية شئ واحد
الفرحة بتموت والدموع تنزل على خد الواحد
وفى وسط الفيلم فيه صراع مابين الأسوة والطيبة
وصراع كمان بيدور مابين الشئ الصح والعيبة
وشخص يموت وشخص يعيش
وفين الحب بيننا مافيش
وفجأة يخلص الصراع
وكل شخص حلو ضاع
وتفوز الأسوة عالطيبة
وتفوز على الصح العيبة
ماهو ده بقا زمن العيوب
دنيا بتمشى بالمقلوب
فيها الضعيف مالوش مكان
يا خسارة على زمن الأنسان

زميلي الفاضل / محمد
تحياتي لك
قصيدة جميلة المعاني والكلمات أمتعتنا بها كما أمتعتنا في قصيدتك الأولى
ما شاء الله تستطيع بموهبتك أن تتحكم في كلماتك بشكل جميل .
لكن لي ملاحظة حرصا ً من أخ لك يهمه تمام عملك بشكل جميل ، وهي أن الوزن في قصيدتك الأولى كان أكثر انضباطا ً
وبشيء من العناية البسيطة سيكون في أتم صورة ، فموهبتك تؤهلك لذلك بإذن الله .
وهذا بالطبع لا ينقص من إعجابي بالقصيدة وبأسلوبك في الكتابة .
أحييك وأتمنى لك دوام الإبداع

والله أنا النهاردة أصلا مش ناقصة الدمعة طول النهار فى عينى وانت نزلتها

أقولك أه بس حراااام عليك

[table][tr] [td]
ماهو ده بقا زمن العيوب
دنيا بتمشى بالمقلوب
فيها الضعيف مالوش مكان
يا خسارة على زمن الأنسان فعلا الضعيف ملوش مكان فى زمان الأنسان ملوش ثمن مع تحياتى وأحزانى [/td][/tr] [tr] [td][/td][/tr][/table]

زميلي الفاضل ....
قصيدة جميلة كلماتها بالرغم من قسوتها إلا إنها تلائم حال العديد منا بكل أسف .... عبرت بمشاعر قوية و قهر واضح ...
كلمات عامية بسيطة تنفذ إلى قلوبنا بسرعة تامة ....
أتمنى لك دوام الإبداع ...

هقول ايه اكتر من التعليق السابق بجد انت روح تبشر بشاعر كبير
بس الاستاذ محمود خد الكلام من طرف لسانى فعلا زعلت على الوزن المتكسر فيها مع ان الى قبلها كانت مظبوطه اكتر وعلى فكرة انت مميز ف اختيار الفاظ وكلمات متداوله وظفتها بشكل جيد لتميز القصيدة
تمنياتى بالمزيد

كلام جميل فعلا
بس أنا متهيالي كده إنك كاتبه باسلوب الراب
أنا حسيته كده جه معايا موسيقته حلوه

بالتوفيق دايما

الفيلم بادى من النهاية
وصعب تفهم ايه الحكاية
أحداثه طبعا مختلفه بس النهاية شئ واحد
الفرحة بتموت والدموع تنزل على خد الواحد
وفى وسط الفيلم فيه صراع مابين الأسوة والطيبة
وصراع كمان بيدور مابين الشئ الصح والعيبة
وشخص يموت وشخص يعيش
وفين الحب بيننا مافيش
وفجأة يخلص الصراع
وكل شخص حلو ضاع



غريبة حقا هذه الدنيا وكثيرا تكون ليست مفهومة
كلمات حضرتك جميلة جدا وتناسب تلك الدنيا

بجد انا متشكر ليكم جداااااااااااااااااااااااااااااااا وبالنسبة لحكاية القافية والوزن انا كنت بكتب القصيدة وجت معايا كدا لقيتها طلعت منى كدا بس ان شاء الله هحاول أظبطه فى المرات القادمة وميرسى قووووووووووى عالنصيحة