أكاديمية ايجيبت رايت الأدبية

الماضى لما بنفتكر ايامه ليه بنبكى
وحاضرنا لو كان يتوصف يبقا الدموع تحكى
يا ترى اللى فات والذكريات ممكن تتوه فينا
ولما نتهرب منها ما تعرفش تلاقينا
ولا هتفضل ذكرياتنا فى حاضرنا تطاردنا
لو شفنا يوم لحظه فرح عنها هتبعدنا
يا ترى اللى فات ممكن فى يوم ننساه وينسانا
ولا هيقتل اللى فات احلامنا جوانا
فى دنيا الخداع عايش صراع بين حاضرنا وماضينا
معقول يكون عيب الزمن ولا ده عيب فينا
احترت اعتب عالزمن ولا اللى حوليا
انسان ضعيف جوايا ليه دايما حزين فيا
خايف يكون بكره اللى جى يطلع حزين مؤلم
ويسيب فى بعد بكره جرح وذكريات تألم
خايف يعيش يفضل وحيد فى باقى ايامه
نفسه يعيش لو يوم سعيد ويبص قدامه
نفسه يغير الزمن ويررجع الطيبه
ويررجع الحب اللى بقا فى زمننا ده عيبه

زميلي الفاضل / محمد جمال الدين
تحياتي لك على هذه القصيدة الجميلة بكل ما حوته من كلمات رائعة وتعبيرات مؤثرة تعكس حقيقة الدنيا التي تصارعنا عليها
أسلوبك مميز وفكرة قصيدتك عميقة ، كلماتك تنطوي على معان ٍ كثيرة قد يعجز اللسان عن حصرها .
دام إبداعك لتستمتع معنا وتمتعنا بكل ما تكتب .

الزميل / محمد
قصيدة رائعة من حيث الكلمات والمعانى والألحان .
كلمات حزينة ومؤثرة وأعجبتنى كثيراً ،
أتمنى لك المزيد من الأعمال الناجحة .