يا أمي
*******
يا أمي لو خيّروني
بينك وبين عيوني
أختارك انتى يا أمى
ما هو إنتى نور عيوني
***
يا أمي بتوحشيني
فراقك على عينى
حقولك ف يوم عيدك
يا أطيب من رأت عينى
***
إنتى اللى ياما سهرتى عشاني
لو يوم تعبت كنتى تعانى
مديون لك بروحي ودمي
وحياتي وكل كياني
***
نِفسى أكتب لِك أغانى
فيها أجمل الأمانى
وادعيلك يا أمي واقول
يحفظك المولى عشاني
***
دعواتك مغرقانى
ف الخير ومخلياني
عايش ف أمان كأني
ملايكة مونساني
***
يا أمي انا روحي فيكي
بموت م الخوف عليكي
خدي بالك من روحك
ربنا يخليكي . . ربنا يخليكي
********
*****
***