صفحة 1 من 1
أتمنى لو أن هذه اللحظة دامت للأبد
مرسل: 18 ديسمبر 2008, 7:56 pm
بواسطة هبة الله محمد
يقول جان جاك روسو في إحدى جولاته المنفردة:
"ليس لنا في هذه الحياة سوى لذة تنقضي، اما السعادة الحقيقة فأنا أشك في أنها موجودة..فلا يكاد يوجد- ونحن في أوج متعتنا- لحظة يستطيع القلب أن يقول عنها بحق: أتمنى لو أن هذه اللحظة دامت للأبد.."
فهل تتفق مع روسو فيما رآه من كون السعادة الحقيقة مستحيلة الوجود في هذه الحياة..أم أن لك في القلب لحظة يردد كلما تذكرها أتمنى لو أن هذه اللحظة دامت للأبد..
Re: أتمنى لو أن هذه اللحظة دامت للأبد
مرسل: 18 ديسمبر 2008, 11:57 pm
بواسطة المهاجر
لا مش معاه السعادة الحقيقة موجودة وزى ما بيقول المثل المصرى من جاور السعيد يسعد
وطبعا اللى يجاور سيدنا رسول الله فى اخلاقه وصفاته يسعد وانا بجد لما قربت من ربنا ففى فترة من فترات حياتى وبالاخص رمضان الماضى حسيت فعلا بالسعادة الحقيقة الغير مزيفة باشياء دنيوية فهى السعادة الحقيقية فى سعادة الروح وسعادة الروح فى طاعة رب الروح
Re: أتمنى لو أن هذه اللحظة دامت للأبد
مرسل: 20 ديسمبر 2008, 10:44 pm
بواسطة تنهيدة
أنا بأيد كلامك جددددددددددددا يااحمد فعلا السعادة الحقيقية هى رضا الله ورسوله
وانا عن نفسى عمرى مابحس بسعادة غير وأنا بعمل شىء لرضا الله واعتقد ان لوكان جان جاك روسو كان مسلم اكيد كان حيعرف يعنى اية السعادة الحقيقية لما يكون واقف مرة بيصلى لله عزوجل باأخلاص اكيد كان حيقول "أتمنى لو أن هذه اللحظة دامت للابد"
بشكرك جدا ياهبه على هذا الموضوع الجميل
Re: أتمنى لو أن هذه اللحظة دامت للأبد
مرسل: 21 ديسمبر 2008, 8:23 pm
بواسطة الأمير الحائر
هو طبعا فيه سعادة حقيقية موجودة...واللى يقول غير كده يبقى متشائم جدا جدا...عموما مقاييس السعادة عند كل شخص مختلفة...فيه حد ممكن يسعد بالنجاح...فيه حد ممكن يسعد بالحب...فيه حد ممكن يسعد بالغنى...وبالنسبالى انا شخصيا فسعادتى الحقيقية واللحظة اللى ممكن اتمنى انها تدوم للأبد هى اللحظة اللى أحس انى حبيت واتحبيت حب بجد...لأنه بقى عملة نادرة الايام دى...
وبحييكى عالموضوع الجميل ياهبة ومستنيين موضيع نقاشية تانية مميزة زى الموضوع ده