صفحة 3 من 4
Re: سؤال:بتكتب ليه وامتى ولمين و ....؟؟
مرسل: 21 فبراير 2009, 11:04 pm
بواسطة Ghadat2009
Noorla كتب:
1- يا ترى اكتشفت امتى وازاي حبك للكتابة ؟
امممممممم ....... اكتشفتها السنه اللى فاتت ..
ازاى ..ازاى ... ازاى ...
هو انا كنت باكتب خواطر ومش كانت فارقة معايا كنت باكتب وخلاص
وفجأه مسكت القلم وكتبت قصة قصيرة ....
كانت فكرتها عميقة واحداثها غريبة ... ساعتها عرفت انى موهوبة
جميل ان الواحد يحس و يقول انه "موهوب" و كمان يكون قادر يقيّم نفسه و يثق فيها !
Noorla كتب:
2- فيه حد شجعك أو وجهك ؟
ماما ... شجعتنى جامد ولحد دلوقتى
3- جربت تكتب لمجلات أو جرايد ؟
لا ... دا لو اعتبرنا مجلة الكلية دى مجلة !!!!!
ربنا يخليلك ماما ... واضح انكوا أصحاب ماشاءالله ! و ممكن نعتبر مجلة الكلية دي مجلة عشان خاطرك !!
Noorla كتب:
4- فزت بأي مسابقات أدبية؟
قدمت فى مسابقتين ... فى الكلية
واعلنو الفائزين فى كل الاقسام ..ماعدا القصة القصيرة !!!!
5- إيه هدفك من الكتابة ؟
اعبر عن الحياة عموما وعن كل فكرة بتجذب انتباهى
6- عندك هوايات غير الكتابة ؟
الرسم ....
4- ليه طيب ما حاولتيش تسألي عن نتيجة المسابقة؟
5-هدف جميل
6-ماشاءالله ..فنانة متعددة المواهب؟
Noorla كتب:
7- بتقرأ لمين؟
اممممممممممم ....باحب اوى صلاح جاهين
واحسان عبد القدوس ...
لكن للاسف معظم كتبى عن ادباء اجانب
8- بتكتب لمين ؟
مش لحد ..... باكتب وخلاص
7- أدباء أجانب زي مين ؟ قلتِ (كتبي ) هو انتي في كلية أدبية ؟
8- يعني و لا حتى لنفسك؟
Noorla كتب:
9- بتحلم تحترف الكتابة ؟ولا تبقى هواية و بس!
باحلم حاليا ابقى متميزة فيها فى مجتمعى الصغير النونو
لحد ما احقق اهدافى العلمية بعدها ان شاء الله احترفها .. دا لو هى على قد المستوى المطلوب
10-ايه المجال الأدبي اللي لقيت نفسك فيه أكتر من غيره ؟
القصة القصيرة .... على الرغم من انى باكتب خواطر كتير
لكن للقصة معزه خاصة ...باحس انى ممكن ابدع فيها [/quote] [/quote]
9- قصدك مجتمع الكلية ؟ ربنا يوفقك في تحقيق اهدافك كلها
10- انتي فعلا اسلوبك مميز في القصة القصيرة - قرأت لك : هدير... و هي جميلة فعلاً...و عايزين نقرالك قصص أكتر و أكتر انشاءالله
سعدنا بالتعرف عليكي أدبيا ... و الى اللقاء ..
Re: سؤال:بتكتب ليه وامتى ولمين و ....؟؟
مرسل: 21 فبراير 2009, 11:10 pm
بواسطة هبة الله محمد
ghadat2009 كتب:
4- فزت بأي مسابقات أدبية؟
فزت مرتين مرة أظن بالمركز الثالث و مرة بالمركز الثاني في مسابقات الكتابة لمجلة هو و هي و كانت الجوائز ( نشر الأعمال +جوائز رمزية )
أنت من الموهوبين بتوع مجلة هو وهي..المجلة دي الخواطر اللي بتتكب فيها روعة وفيها روحانية جميلة قوي..انا كنت بشتريها على طول زمان بس تقريبا فلست فعملت ضغط للنفقات
..كويس إن انا هقرالك دلوقت ببلاش.
Re: سؤال:بتكتب ليه وامتى ولمين و ....؟؟
مرسل: 21 فبراير 2009, 11:30 pm
بواسطة Ghadat2009
Re: سؤال:بتكتب ليه وامتى ولمين و ....؟؟
مرسل: 24 فبراير 2009, 12:43 am
بواسطة Noorlay
[/quote]
9- قصدك مجتمع الكلية ؟ ربنا يوفقك في تحقيق اهدافك كلها
يااااااااااااااااااااااااااااااااا رب
10- انتي فعلا اسلوبك مميز في القصة القصيرة - قرأت لك : هدير... و هي جميلة فعلاً...و عايزين نقرالك قصص أكتر و أكتر انشاءالله
ربنا يخليكى ...ان شاء الله هانزل حاجة جديده ... ويارب تعجبكم
سعدنا بالتعرف عليكي أدبيا ... و الى اللقاء ..
انا اسعد انى اتعرفت على شخصية لذيذه اوى كده ....
[/quote]
Re: سؤال:بتكتب ليه وامتى ولمين و ....؟؟
مرسل: 30 إبريل 2009, 9:06 pm
بواسطة سندريلا
أولا شكرا على الفكرة الرائعة دي
- يا ترى اكتشفت امتى وازاي حبك للكتابة ؟
من و انا صغيرة ...... بدأت بمذكراتي ....... و بعدين بدأت اكتشف و بدات اكتب روايات ثم خواطر ثم قصص قصيرة ثم اشعار
2- فيه حد شجعك أو وجهك ؟
اه كان مدرس اللغة العربية لأنه كان عارف اني نفسي أكون صحفية و كان بيقرالي مواضيع تعبير كتير و كانت بتعجبه
3- جربت تكتب لمجلات أو جرايد؟
للأسف لا بس نفسي طبعا
4- فزت بأي مسابقات أدبية ؟
لأسف لا
5- إيه هدفك من الكتابة ؟
اني اوصل رسالات و مباديء معينة عن طريق كتابتي فلما اقابل ربنا يكون مبسوط مني لأني قدرت اوصل حاجة كويسة تشرف الاسلام و الرسول ( ص.ع ) عن طريق حاجة بحبها
6- عندك هوايات غير الكتابة ؟
بحب اسمع مزيكا كلاسيك و اعزف على بعض الآلات الموسيقية
7- بتقرأ لمين؟
لاحسان عبد القدوس .... يوسف السباعي ... مصطفى محمود ... نبيل فاروق ... د/أحمد خالد توفيق ... و روايات عبير
8- بتكتب لمين ؟
لأصحابي
9- بتحلم تحترف الكتابة ؟ولا تبقى هواية و بس!
لا نفسي أحترف و اوصل كتاباتي للناس كلها
10-ايه المجال الأدبي اللي لقيت نفسك فيه أكتر من غيره ؟
الرواية
Re: سؤال:بتكتب ليه وامتى ولمين و ....؟؟
مرسل: 04 مايو 2009, 1:18 am
بواسطة Ghadat2009
Re: سؤال:بتكتب ليه وامتى ولمين و ....؟؟
مرسل: 17 مايو 2009, 2:25 am
بواسطة Ghadat2009
Re: سؤال:بتكتب ليه وامتى ولمين و ....؟؟
مرسل: 18 مايو 2009, 9:13 am
بواسطة رحاب صفا
1- يا ترى اكتشفت امتى وازاي حبك للكتابة ؟
أنا متهيألي إني اتولدت والقلم في إيديا...بكتب من طفولتي...من ابتدائي وأنا كنت بحب موضوع التعبير قوي..وكنت بألف الإذاعة في المدرسة...وفي الإعدادية كنت عايشة في دور الشاعرة وكتبت كلام كدة كنت بسميه شعر.
2- فيه حد شجعك أو وجهك ؟
لأ للأسف ...ملقتش حد يشجعني كان حبي للقلم حب فطري جداً.
3- جربت تكتب لمجلات أو جرايد ؟
أه طبعاً بعت لأخبار اليوم وكلموني مرة كدة ناقشوني في الموضوع بتاعي،وأنا في الكلية اشتغلت فترة كدة مع مجلة الزهور ونشرت صفحتين في موضوع تحقيق...بس بعد كدة الكلية والشغل خدوني وسرقوني من العالم ده.
4- فزت بأي مسابقات أدبية؟
أول مسابقة كنت في الإعدادية كانت إلقاء شعر ودخلتها بشعر كنت كتباها عن فلسطين وقتها ..ألقتها على مسرح مدرسة السعدية ولجنة التحكيم كانت مستغرباني قوي،وأنا كنت سعيدة قوي...تاني مسابقة كانت مسابقة كتابة المقال في مكتبة مبارك..كنت في الثانوية العامة..والمسابقة التالتة هنا معاكم في الأكاديمية.
5- إيه هدفك من الكتابة ؟
برتاح بيها ..وبنبسط لما أرجع أقرا كلماتي بعدين..ونفسي نفسي نفسي أقدر أطبع كتاب في يوم من الأيام أو يكون لي مقال في مجلة أكون بحترمها. وساعات بحس إني نفسي أوصل كل كلامي لكل الناس...يمكن تكون نرجسية شوية مني بس بيجيلي إحساس كدة إني ممكن أغير العالم بالكلمات وإنها تستحق القراءة والإيمان وكما تطبيقها.
6- عندك هوايات غير الكتابة ؟
أه عندي...الرسم والنحت والمشي والسفر والسباحة والخيل والسواقة
7- بتقرأ لمين؟
أنا ليا وجهة نظر في موضوع القراءة دي ...طبعاً فيه أسلوب ممكن أحبه فعلاً وأسلوب لأ....بس أنا مقتنعة إن المفروض إني لسة بكون خلفية ثقافية فالمفروض إني أنوع قراءاتي وفي مختلف المجالات ومختلف الكتب بغض النظر عن مقدار حبي للأسلوب ...ولو إن بيعجبني توفيق الحكيم في مقالاته،المنفلوطي في تعريباته،ديوان الشافعي،محمود السعدني،بيرم التونسي،سلامة موسى،روبرت ستيفنسون،ديكنز
8- بتكتب لمين ؟
بكتب لنفسي ...لتهذيبها وترقيتها ..لإني الحقيقة ببقى أكتر وقت صادقة وواضحة مع نفسي لما بكون مع قلمي وورقتي..وساعات كتييييير بصلح نفسي في حاجات كتير مش بتعجبني لما بلاقيها مكتوبة بقلمي،بس ده ميمنعش إني نفسي أكتب يوم للناس.
9- بتحلم تحترف الكتابة ؟ولا تبقى هواية و بس!
هي طبعاً هواية..فبحلم إنها تكون هواية لدرجة الإحتراف ومتبقاش في يوم شيء رتيب إعتيادي.
10-ايه المجال الأدبي اللي لقيت نفسك فيه أكتر من غيره ؟
المقال.