قوانين المنتدى
يمنع تماما وضع البريد الألكترونى أو الموقع الشخصى داخل المواضيع فى هذا القسم أو غيره, يمكنك دائما وضع ذلك فى توقيعك وملفك الشخصى مع التحذير بأن إظهار بريدك الألكترونى فى موقع عام يعرض بريدك الألكترونى للرسائل المزجعة أو محاولات السرقة.
لا اعتقد انكم تريدون معرفه شىء عنى فانا اعتبر نفسى شخصا سمج مثير الملل والغيظ.......اسمى الحقيقى هو (اسلام العشرى )....كاتب على باب الله......لست مشهورا ....لست ك احمد عرابى وزبيده ثروت...بالتاكيد لكن ما اعرفه عن نفسى .....لا اعتقد انكم تريدون معرفته فكما قلت لست شخصا يستحق ان يعرف عن نفسه ....كما قلت اسمى اسلام العشرى واسكن بالاسماعيليه ...اتسائل لماذا لم اصبح نجم كره قدم ..بدلا من الكتابه ....لكن ليست هذة مشكلتنا هنا .....المواصفات
الاهميه:.فاشل
الكتابات التى نشرت :.لا يوجد
الشخصيه:.مثالا للحمق اذا اردتم المفيد مختل عقليا متخرج من السرايه الصفرة
هذا كل شىء عنى كما اظن فانا شخصا مملا اذا سمي اللون الاسود باسم لكان انا ....
بجد أجمل حاجة عملتها إنك ابتديت تعرفنا بنفسك يا لوسفير أو يا إسلام على حسب ما أنت تفضل إن إحنا نناديك بعد كده؟
أولا أهلا بأهل الإسماعيلية... مع إنى مش عايش فيها دلوقتى..بس ليا أصول منها وقضيت أجمل أيام الطفولة فيها وفى قصر ثقافتها اللى كون كتير من حبى للكلمات..وأعتقد بالجمال اللى حواليك فى إسماعيلية لازم تخرج كلماتك و إبداعاتك..وبالنسبة لموضوع إن ماحدش هيحتاج يعرف حاجة عنك وإن الأهمية فاشل..فبالعكس..أنا شخصيا سعدت جدا إنك عرفت عن نفسك كشخص أولا عشان تبقى معانا واحد من عيلة الأكاديمية قبل ماتكون كاتب فيها...
و يمكن أول ماقريت ردك إفتكرت كلمة دكتور أحمد خالد توفيق لما كان بيقدم نفسه كمؤلف وبيقول: لا أعتقد أن الكثير يهمه أن يعرف عن المؤلف..فأنا أعتبر نفسى شخصا مملا للغاية " لما كاتب رائع زى أحمد خالد توفيق يقول كده فى تواضع جميل...فأعتقد إن فرصة خروج كتابتك للنور لسه قائمة طول ماحبك للكتابة موجود...
تحية على المقدمة الجميلة عن نفسك و مهما بدت سودواية فى وصفك فهى لنا بداية بيضاء بمعرفة شخص جديد فى عيلة الأكاديمية
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...
.....
اهلا بيك يا اسلام عضو جديد غى بيت العيلة .... لكن يا ابنى ايه كمية الاحباط اللى فى كلامك دى !!! انت كلك على بعضك هيكون عمرك كااام سنة !!كان بدرى عليييك ! ثم ان رايك فى نفسك غريب جدا .. لما انت تقول عن نفسك كده امال الناس تقول عليك ايه !! وبعدين انت بخيل وللا ايه ؟! فين يا ابنى الردود والاجابات !! فيه حاجة اسمها كل الاسئلة زى بعض وكل الاجابات لا يوجد !! والله حرام عليك نفسك ... انت ليك اسلوب جميييل و متميز فى الكتابة وليك شخصية مستقلة بس على الله احمد ما يحاولش يستقطبك للدخول فى الحزب والمشاركة فى الحرب!! اما اسم اسلام دة اسم جميييل امال انت جبت لو سفير دة منين؟ فكرتنى بكارتون السنافر ...انت فاكره؟!
لا اعتقد انكم تريدون معرفه شىء عنى فانا اعتبر نفسى شخصا سمج مثير الملل والغيظ.......اسمى الحقيقى هو (اسلام العشرى )....كاتب على باب الله......لست مشهورا ....لست ك احمد عرابى وزبيده ثروت...بالتاكيد لكن ما اعرفه عن نفسى .....لا اعتقد انكم تريدون معرفته فكما قلت لست شخصا يستحق ان يعرف عن نفسه ....كما قلت اسمى اسلام العشرى واسكن بالاسماعيليه ...اتسائل لماذا لم اصبح نجم كره قدم ..بدلا من الكتابه ....لكن ليست هذة مشكلتنا هنا .....المواصفات
طيب أنا عارفاك وتبعت كتاباتك اكثر من مرة..شوفت بقى أنت مشهور إزاي..عرفت الأسم على طول من المنتدى إياه..مش هقول أسمه علشان مفيش حد من المشرفين يجي يطردني من الموضوع بس أنت أكيد عارفه.
آخر تعديل بواسطة هبة الله محمد في 22 فبراير 2009, 11:32 pm، تم التعديل مرة واحدة.
إزيك يا إسلام ؟
سعدنا بالتعرف على كاتب الروايات الشيقة .. بأسلوبه الغامض المشوق المميز فعلا !
و بعدين ليه تحرجنا بقى ؟ هو فيه حد مننا هنا مشهور ؟ الشهرة مش كل حاجة ! ماهو ممكن يكون فيه سفاح و لا نصاب مشهور !
بس انت قاسي جدا على نفسك ! أيا كانت الأسباب ...ماتقولشي على نفسك فاشل أبدا ...و لو تعرضت للفشل فممكن يكون بداية لنجاح كبير ...لو لستفدت منه و أصبحت أقوى و أكثر ثقة بنفسك ! لا يوجد كتابات نشرت ؟ هل جربت تكتب خواطر أو قصص قصيرة ؟ دي بيتهيألي أسرع في الوصول لقطاع كبير من الناس و كمان أسهل في النشر من الروايات ! الملل و الزهق و كره الذات حاجات ناس كتير بتمر بيها و مش معناها انهم مجانين ! دي حالات انسانية جدا و ليها اسبابها أكيد ! و بعدين اللون الأسود ده لون شيك جدا !و لون الليل اللي بيلهم شعراء كتير..
سيبك من الكلام ده .. و كمل روايتك ... و اكتب غيرها ..و جرب القصة القصيرة ...و اكتب اللي عايزه في الخواطر ...