لقد تلاشى

[walaa mohamed]

كان هناك ولم يعد
ملكناه..وسرعان ما فقدناه
أطل علينا بوجهه..فتجاهلناه
انه العقل الحكيم..
الذى وهبنا الله اياه
انه العقل الذى تركناه
فتحولنا الى اشياء..
تتحرك بما هو سواه
تحركنا اهواءنا
فكان حالنا..
طريق ضللناه
ورب عصيناه
وجمال نفس..طمسناه
وسرور فقدناه
وبحر فساد..شربنا اياه
وطريق سوء سلكناه
وعمر مديد..اضاعناه
وبؤس حييناه
وحيرة وتساؤل..
اين السرور..ولما فقدناه
فكل ذلك.....
لأن الرب عصيناه
و العقل تركناه
فتلاشت الحياة
مع تلاشى..
ما سبق ان ذكرناه

[Ghadat2009]

الله يا ولاء ! ايه الجمال ده ؟
أنا حسيت أد ايه انتِ حريصة على علاقتك بالله و محاسبة نفسك و التأمل فيما حدث و يحدث من حولك ..... و ده شيء في غاية الجمال و العقل !
و أنا معاكي : اذا سيطرت الأهواء على السلوكيات و تغلبت على صوت العقل ... فهذا فعلا ضياع السعادة و الهناء بل وللعمر نفسه كما ذكرتِ
أحببت كثيرا عبارة : و جمال نفس ....طمسناه ما أجمل أن يدرك الانسان ان الله جميل يحب الجمال و أن الأصل في النفس التي على الفطرة هو كونها جميلة و نحن بأيدينا أو أهواءنا نطمس هذا الجمال !
لكن لا أدري لم قلتِ : فكل ذلك .... ؟ أعتقد و هذا مجرد رأي من إحدى قرائك -كان من الممكن أن تستغني عن (وكل ذلك) و تجعلي الجملة التالية(ألأِنّ الرب عصيناه ؟)
عموماٍ.....أحب أن أعيش مع أشعارك الجميلة الرقيقة ... و مع روح كاتبتها التي فيما يبدو لي فهي شديدة الحساسية و كثيرة التأمل في خلق الله !
متتأخريش علينا ! في انتظار المزيد مع أطيب التمنيات ...

[walaa mohamed]

ghadat2009
الله عليكى انتى يا غادة وعلى كلامك الأكثر من رائع
بعتز جدا برأيك وأنا كنت أقصد من(وكل ذلك) ما ذكرته من فقدان السرور وضياع العمر و..الخ
بشكرك يا غادة مرة تانية

[الأمير الحائر]

أهلا بأشعارك الرائعة مرة تانية ياولاء..وبجد عاجبنى إن كل قصيدة بتكتبيها بيبقى ليها غاية معينة ورصد حاجة واقعية مهمة...و المرة دى أجملهم..لأن فعلا بقى ناس كتير بيستخدموا كل شئ فى النيا إلا العقل اللى كرمهم بيه ربنا..يعنى بيلجأوا لفلوس..سلطة..قوة..وبينسوا أهم وأكبر قوة..قوة العقل...

فتحولنا الى اشياء..
تتحرك بما هو سواه

حقيقى طرح فى كلمات رائعة للواقع اللى مسبب كل المشاكل حاليا فى بيوتنا و عائلاتنا..فى مصر..فى الدول العربية..و فى العالم كله..لو كل الناس عرفوا قيمة عقلهم كانت الدنيا هتبقى أفضل كتير...
بحييكى ياولاء على القصيدة المميزة جدا..

[mona]

ماشاء الله عليكي يا ولاء جميلة بجد ...وقليل لما حد بيكتب عن علاقته بربنا وشكل حياتنا من غير الدين تكون ازاي ...وعجبني اكتر المرة دي انك بعدتي عن تكرار القافية بسرعة ,,,حسيت ان هنا فيه طريقة مختلفة جميلة بجد ...الله ينور عليكي ...بانتظار المزيد

[hala]

جميلة يا ولاء .... اختيارك للموضوع متميز جدا .... اسلوبك سهل و بسيط و بيصل بسرعة ... لكن عارفة اكتر حاجة عجبتنى وخطفت قلبى و دوبتنى معاها ؟ عنوان العمل ...( لقد تلاشى ) اكثر من رائع .....

[walaa mohamed]

الأمير الحائر
بشكرك جدا جدا
أنا فعلا بحاول اكتب عن الواقع المؤلم اللى اصبحنا فيه, يعنى محاولة ترويح عن النفس.
لكن على كل حال ,أنا مش اد الكلام الكبير ده
و جزاك الله خير على مرورك الجميل

mona
ربنا يكرمك يا منىبشكرك اوى اوووووووى على رأيك الجميل ده
hala
متشكرة جدا جدا يا هالة على رأيك الأكتر من رائع