عالم كوتشينة ( كان مرة فيه واحد... )
مرسل: 19 فبراير 2009, 8:07 pm
ورق كوتشينة..اتوزع علينا...
لعيبة غلط..فى كل بلد ومدينة...
الجوكر مات..والولد اتحرق بإيدينا...
البنت بتبكى..والشايب يحكى لينا...
ماعلينا..
أهو ورق كوتشينة
.....
أصل فيه واحد..حب البنت..
بس البنت دى بنت الجوكر...
قاله إزاى..واحد غلبان...
ولانافع فى رهان ولا بوكر...
يتجرأ..يتجنن..ييجى..
يطلب إيد بنت الجوكر..؟
ماعلينا...
أهو ورق كوتشينة
.....
الواحد..عاش فى الدور...
قال يعمل فيها أسطورة...
جاب الأتنين وياه..
والتلاتة..بسنان مكسورة..
شب الواحد..فوق الأتنين...
بس ياعينى ماطالش السور...
جت الأربعة..بغيظ غيرانة...
كل ده..
عشان بنت الجوكر؟!
ماعلينا..
ما قلنا ده ورق كوتشينة
.....
الخمسة..بسحرها أهى جت...
قالت..أنتوا ورق مجانين...
الواحد للواحد دايما..
وأنتوا لفوقكوا ليه باصين...
ده الجوكر ملك الترابيزة..
وإحنا بحكمه أهو ماشيين..
ماعلينا...
ماهو عالم كوتشينة
.....
الستة جت ويا السبعة..
فى ايدين بعضيهم شابكين...
قالت الستة ياواحد فوق..
عيلة الجوكر دول عاليين...
مايناسبوش غير واد قشاش..
مش واحد كحيان مسكين...
السبعة بحكمتها ابتسمت..
خد واحدة ياواحد من توبك
لأحسن أخرك يبقى حزين
ماعلينا...
ماهو غرام كوتشينة
.....
للعشرة الورق اتجمع..
ورا سور الجوكر واقفين
ده بينصح والتانى يعقل..
والواحد ده عقله تخين..
قرب واد من سور القصر..
هربوا الورق خايفين..
فضل الواحد متحدى..
اتقش فى ثانية المسكين...
واتفتحت بوابة الجوكر..
لولد قشاش ومتين...
واتجوز الولد البنت..
ومات الجوكر بعد سنين..
.....
فضل الشايب لامم لمة..
يحكلهم حدوتة سنين..
الولد فى يوم اتحرق..
والبنت بكت بدموع العين..
والشايب فضل يحكى..
يحكى و يحكى..
ليوم الدين..
كان مره فيه واحد..
عاش غلبان..ومات مسكين
ماعلينا...
أهو عالم كوتشينة
.................
لعيبة غلط..فى كل بلد ومدينة...
الجوكر مات..والولد اتحرق بإيدينا...
البنت بتبكى..والشايب يحكى لينا...
ماعلينا..
أهو ورق كوتشينة
.....
أصل فيه واحد..حب البنت..
بس البنت دى بنت الجوكر...
قاله إزاى..واحد غلبان...
ولانافع فى رهان ولا بوكر...
يتجرأ..يتجنن..ييجى..
يطلب إيد بنت الجوكر..؟
ماعلينا...
أهو ورق كوتشينة
.....
الواحد..عاش فى الدور...
قال يعمل فيها أسطورة...
جاب الأتنين وياه..
والتلاتة..بسنان مكسورة..
شب الواحد..فوق الأتنين...
بس ياعينى ماطالش السور...
جت الأربعة..بغيظ غيرانة...
كل ده..
عشان بنت الجوكر؟!
ماعلينا..
ما قلنا ده ورق كوتشينة
.....
الخمسة..بسحرها أهى جت...
قالت..أنتوا ورق مجانين...
الواحد للواحد دايما..
وأنتوا لفوقكوا ليه باصين...
ده الجوكر ملك الترابيزة..
وإحنا بحكمه أهو ماشيين..
ماعلينا...
ماهو عالم كوتشينة
.....
الستة جت ويا السبعة..
فى ايدين بعضيهم شابكين...
قالت الستة ياواحد فوق..
عيلة الجوكر دول عاليين...
مايناسبوش غير واد قشاش..
مش واحد كحيان مسكين...
السبعة بحكمتها ابتسمت..
خد واحدة ياواحد من توبك
لأحسن أخرك يبقى حزين
ماعلينا...
ماهو غرام كوتشينة
.....
للعشرة الورق اتجمع..
ورا سور الجوكر واقفين
ده بينصح والتانى يعقل..
والواحد ده عقله تخين..
قرب واد من سور القصر..
هربوا الورق خايفين..
فضل الواحد متحدى..
اتقش فى ثانية المسكين...
واتفتحت بوابة الجوكر..
لولد قشاش ومتين...
واتجوز الولد البنت..
ومات الجوكر بعد سنين..
.....
فضل الشايب لامم لمة..
يحكلهم حدوتة سنين..
الولد فى يوم اتحرق..
والبنت بكت بدموع العين..
والشايب فضل يحكى..
يحكى و يحكى..
ليوم الدين..
كان مره فيه واحد..
عاش غلبان..ومات مسكين
ماعلينا...
أهو عالم كوتشينة
.................
