هو لسه فيه حب بجد؟
مرسل: 02 نوفمبر 2008, 8:16 pm
يعنى حبيت انى اكون اول المشاركين فى قسم الحب باعتبارى اول بنت فى الموقع 
وكبداية يعنى لقسم كلام فى الحب وأسئلة الحب عايزة اول سؤال يبقى هو لسه فيه اصلا حب؟
فى الايام دى اللى بقت فيها المادة هى اللى متحكمة فى الناس وفى كل احوالهم وحتى الخطوبة والجواز بقت عملية مادية مالهاش اى علاقة بالحب وبقينا كبنات بصراحة بنرضى بأننا نبقى سلعة نتخطب ونتجوز من غير حب عشان نمشى مع التيار ايوة مش كل البنات بتعمل كده وانا عن نفسى مش ناوية اتخطب واتجوز من غير حب بس الاغلبية عشان الظروف اللى بنعيشها دى مايفكروش الا فى الماديات وبينسو الحب
عشان كده بسأل الولاد والبنات هو لسه فيه حب بجد؟؟
وكبداية يعنى لقسم كلام فى الحب وأسئلة الحب عايزة اول سؤال يبقى هو لسه فيه اصلا حب؟
فى الايام دى اللى بقت فيها المادة هى اللى متحكمة فى الناس وفى كل احوالهم وحتى الخطوبة والجواز بقت عملية مادية مالهاش اى علاقة بالحب وبقينا كبنات بصراحة بنرضى بأننا نبقى سلعة نتخطب ونتجوز من غير حب عشان نمشى مع التيار ايوة مش كل البنات بتعمل كده وانا عن نفسى مش ناوية اتخطب واتجوز من غير حب بس الاغلبية عشان الظروف اللى بنعيشها دى مايفكروش الا فى الماديات وبينسو الحب
عشان كده بسأل الولاد والبنات هو لسه فيه حب بجد؟؟
هو لسه فيه حب بجد؟ أكيد فيه بس فين مش عارف 
بصى هو صحيح مع كل الظروف اللى بقينا فيها فيه ناس بتفكر ان ماعدش حد ممكن يحب حد بجد وان أيام الحب وروميو وجولييت انتهت وان الأيام دى بقى الحب كله ماديات زى مابتقولى....كل ده مايمنعش ان فيه حب بجد فى قلوب ناس لسه ماماتش فيها الحب.. وعلى فكرة دول كتير مش نادرين ولاحاجة بس المشكلة ان الناس اللى قلوبها ميتة مافيهاش حاجة اسمها حب دول اكتر عشان كده كله بيقول هو لسه فيه حب؟ وبعدين الماديات عمرها ماكانت عامل فى الحب, مش كلام افلام ولاحاجة بس بجد الحب ماحدش يقدر يشتريه بالفلوس..فيه ناس بتبقى حالتها المادية متوسطة ومع ذلك راضيين وعايشين وبيحبو الحياة وبيحبو اللى حواليهم..وفيه ناس تانية معاها ملايين ومش لاقية لحظة حب حقيقية...عشان كده بقولك هو بس قلوب الناس اللى شوية اتغيرت مش موضوع ظروف ولاحاجة..عشان كده اجابتى يامريم هى: ايوة لسه فيه حب...حب بجد..من القلب..بس اللى يلاقيه... 
اه فى بس ضاع وسط المادة.
