صفحة 1 من 2
في دماغي عفريت
مرسل: 22 مارس 2009, 11:37 pm
بواسطة مشاعر
خبط على باب الخيال
يمكن يفتح لك تمني
يضرب جرس المحال
يهرب حلمي مني
في دماغي عفاريت
بتزوق شفايفها بدم البشر
وبتلون بالدموع الحيط
وبترمي كام بير بترول على الشجر
وتولع في الصراخ
وتقلع الانسانية في البراح
الحب عورة .. ولا مقاوله .. ولا حب بتلقطه الفراخ
باحضن بردي من وحدتي
باحضن عظام حنيتي
بارسم على صلعتي
صورة حبيبة كانت بنت حتتي
بس السنين سرقتها مني
وغصب عني
باعيش في غربتي
غريب عن نفسي
تنام العيون على كفي
على عجزي
لملميني يا امه من العتمه
شيفاني
ولا مع الزمن متصاحبه
ادي ايدي
ارمي في وريدي فجرك
ولا هجرك
انا غرقان في مرك وباتعلق في شهدك
لملميني يا امه
ولا موتي وعدك
Re: في دماغي عفريت
مرسل: 10 مايو 2009, 10:27 pm
بواسطة محمد محمود
في دماغك أفكار ومعان ٍ راقية وبداخلك إحساس مرهف
أحييك يا أخي على هذا المستوى ومرحبا ً بك معنا
مع تمنياتي بالتوفيق
Re: في دماغي عفريت
مرسل: 11 مايو 2009, 1:18 am
بواسطة مشاعر
fremayke
متشكر جدا على كلماتك الجميلة .. وربنا يبعد دايما العفاريت اللي بالي بالك عنا
تحياتي ومودتي
Re: في دماغي عفريت
مرسل: 11 مايو 2009, 1:22 am
بواسطة مشاعر
محمد محمود
متشكر جدا على كلماتك المشجعة واتمنى دائما ان تنول كتابتي أعجابك
تحياتي ومودتي
Re: في دماغي عفريت
مرسل: 11 مايو 2009, 5:04 am
بواسطة mona
Re: في دماغي عفريت
مرسل: 11 مايو 2009, 8:40 am
بواسطة المهاجر
اشتاتاً اشتوت فى دماغك عفريت ..... احفظنا يا رب .... انصرف
كلماتك جميلة ومستوى من وجهة نظرى عالى يعنى بالبلدى انت عديت يا عم طارق جميلة هى قصيدتك العامية وتحياتى ليك وان شاء الله المزيد منك احسن
Re: في دماغي عفريت
مرسل: 11 مايو 2009, 8:16 pm
بواسطة مشاعر
mona
انا مبهور بجد من كلماتكم الجميلة اللي بصراحه محيراني .. القصيدة دي بقالها فترة منسية ومحدش رد عليها وفجأة نزل مطر من الردود
يا رب دايما يا رب ومتشكر جدا على تشجيعك الجميل
تحياتي واحترامي
Re: في دماغي عفريت
مرسل: 11 مايو 2009, 8:19 pm
بواسطة مشاعر
فارس بلا جواد
اهم شيء يعدي كلامي في قلوبكم وتحسوا بيه .. انا بتمنى دايما اكون مجرد كلمة توصف المشاعر الانسانية المتلخبطة في العصر ده
ويا ريت اكون دايما عند حسن ظنكم
تحياتي ومودتي
Re: في دماغي عفريت
مرسل: 11 مايو 2009, 8:20 pm
بواسطة تنهيدة
فكرة جميلة ياطارق بتكتب أشعار عامية بطريقة ممتازة القصيدة معانيها رائعة
أعجبت كثيرا بكل كلماتك ...وأعتقد مثل الجميع أن فى دماغك أفكار رائع ...
أتمنى ان تمتعنا بها دائما
جميلة هذه الأبيات
بارسم على صلعتي
صورة حبيبة كانت بنت حتتي
بس السنين سرقتها مني
وغصب عني
باعيش في غربتي
غريب عن نفسي
تنام العيون على كفي
على عجزي
لملميني يا امه من العتمه
شيفاني
ولا مع الزمن متصاحبه
بتمنالك دوام التوفيق وامزيد من الأعمال المميزة