صفحة 1 من 2
أرسم حلمك
مرسل: 08 إبريل 2009, 4:57 pm
بواسطة تنهيدة
فكر وأبدع يافنان
شوف الدنيا بالألوان
أرسم حلمك لون أملك
حقق الا بتتمناه
شوف الدنيا لوحة جميلة
فتش دور بين معانيها
دا انت لسة برىء وصغير
والدنيا سكتها طويلة
أرسم بيت يحضن أحلامك
بجنينة لورود أيامك
فكر ازاى تبنى بأيدك
وتكون مبدع فى أى مكان
**************************
أرسم حلمك لو على ورقة
حيجى اليوم وتشوفوا ازى
ممكن يبقى الحلم حقيقة
ماهو كل شىء فى الأمكان
فكر واحلم من دلوقتى
عشان يكبر الحلم معاك
ولو حتشوف الدنيا جميلة
حتحقق كل الأحلام
Re: أرسم حلمك
مرسل: 08 إبريل 2009, 6:24 pm
بواسطة محمد محمود
برافو يا نهاد ، ياريت كل واحد يزرع في الجيل الجديد أمل وفكرة يؤمن بها
وقتها بس حنكون في المقدمة دائما .
ويا ريت إعلامنا يقدر ينتقي لأطفالنا ما يثبت فيهم القيم والمعاني الطيبة
Re: أرسم حلمك
مرسل: 08 إبريل 2009, 7:17 pm
بواسطة ريم
ما شاء الله لا قوة إلا بالله..
جميلة أوي كلماتك المنتعشة والمتفائلة دي يا نهاد.
.أنا متخيلاها كأنها أنشودة للأطفال وقرأتها بهذا الأسلوب ومنتظرة ابني عبد الرحمن _ذو الثلاث أعوام _ لما يصحى واستأذنك أكتبها وأقولها له..
لأن كلماتها سهلة وبسيطة وتدخل القلب ومبهجة ومشجعة على الابتكار.والابداع ...
.يا ريت تقولي لي ممكن أقولها له؟؟؟
وتسلم إيدك..على المجال الجديد ده شعر أو أنشودة للطفل
Re: أرسم حلمك
مرسل: 09 إبريل 2009, 6:09 am
بواسطة تنهيدة
Re: أرسم حلمك
مرسل: 09 إبريل 2009, 6:14 am
بواسطة تنهيدة
Re: أرسم حلمك
مرسل: 09 إبريل 2009, 6:19 am
بواسطة تنهيدة
ريم كتب:ما شاء الله لا قوة إلا بالله..
جميلة أوي كلماتك المنتعشة والمتفائلة دي يا نهاد.
.أنا متخيلاها كأنها أنشودة للأطفال وقرأتها بهذا الأسلوب ومنتظرة ابني عبد الرحمن _ذو الثلاث أعوام _ لما يصحى واستأذنك أكتبها وأقولها له..
لأن كلماتها سهلة وبسيطة وتدخل القلب ومبهجة ومشجعة على الابتكار.والابداع ...
.يا ريت تقولي لي ممكن أقولها له؟؟؟
وتسلم إيدك..على المجال الجديد ده شعر أو أنشودة للطفل
بجد ياريم أنا سعيدة جدا بكلماتك المشجعة واحساسك الرائع بالكلمات وطبعا أنا أكون فى قمة سعادتى انك تقوليها لأبنك ..لان أكيد هو ده هدفى انها توصل للأطفال ...وانا متأكدة أنك حتوصليها ليه بأسلوبك الرائع....
بشكرك ياريم على مرورك الرائع..وبتمنالك كل التوفيق
Re: أرسم حلمك
مرسل: 09 إبريل 2009, 5:04 pm
بواسطة المصرية
جميلة قوي يا تنهيدة ,راقصة ومرحة الكلمات اتمنى في يوم اسمعها بتتغنى من مطرب اومطربة مشهورين .
Re: أرسم حلمك
مرسل: 12 إبريل 2009, 5:01 pm
بواسطة تنهيدة
Re: أرسم حلمك
مرسل: 08 مايو 2009, 12:51 pm
بواسطة الامير الصغير
شعر جميل جداً يا نهاد عن أحلام الأطفال الجميلة..وتعابير جميله جداً ...ويارب تكتبى اكتر واكتر انشاء الله فى قسمنا ادب الأطفال
،وشكراً